KO TĀNIELA 11
11
1PEA ko eni te u tala atu ‘a e mo‘oni, Vakai ‘e hokohoko atu ha tu‘i ‘e toko tolu ki Pēsia; pea ko hono toko fā ‘e koloa‘ia ange noa ‘iate kinautolu kotoa. 2Pea ‘i he‘ene hoko ‘o kaukaua, ko ene koloa‘ia, te ne ue‘i ‘a e kotoa ‘o e pule‘anga ke fai mo e pule‘anga Kalisi.
Ko e Pule‘anga ‘Isipité mo e Pule‘anga Sīliá
3Pea ‘e hoko ha tu‘i helo, pea te ne pule ‘aki ha pule kaukaua, pea te ne mātu‘aki fa‘iteliha. 4Pea ‘i he‘ene tu‘u ‘ana, ‘e maumau hono pule‘anga, pea ‘e vahevahe ki he matangi ‘e fā ‘o e langi; kae ‘ikai ki hono hako, ‘o ‘ikai tatau mo e pule na‘a ne fai ‘e ia; he ‘e ta‘aki hono pule‘anga, pea tō ki ha ni‘ihi kehe, ‘o lakai kinautolu.
5Pea ‘e mālohi ‘a e tu‘i ‘o e feitu‘u tonga, pea pehē ha taha ‘o e hou‘eiki ‘o ē; pea ‘e mālohi ange ia ‘i hē, pea te ne ma‘u pule‘anga; ko hono pule‘anga ko e pule‘anga lahi. 6Pea hili ha ngaahi ta‘u te na fakakautaha; pea ko e ‘ōfefine ‘o e tu‘i tonga te ne ‘alu ki he tu‘i tokelau ke feia ‘a e melino:#11.6: melino; pe fakatonutonu. kae ‘ikai mata‘ofi ‘e he fefine ‘a e mālohi ‘o hono nima; pea ‘e ‘ikai tu‘u ‘a e tu‘i, pe ko hono nima; pea ‘e tukuange ‘a e fefine, mo kinautolu na‘e ‘omi ia, mo ia na‘e fakatupu ia,#11.6: mo ia… fakatupu ia; pe ko ia na‘a na fakatupu. mo ia na‘a ne pukepuke ia, ‘o fai ‘i he ngaahi taimi.#11.6 ‘i he ngaahi taimi; pe ‘i he ngaahi taimi ko iá. 7Pea ‘e tu‘u hake ha taha ‘i hono tu‘unga mei ha huli ‘o ha aka ‘o e fefine, pea te ne ‘alu ki he hōsitē, pea te ne hū ki he talitau‘anga ‘o e tu‘i tokelau, pea te ne fai mo kinautolu, pea te ne mālohi. 8Pea ko honau ngaahi ‘otua foki fakataha mo ‘enau ngaahi ‘īmisi, mo ‘enau ngaahi nāunau mahu‘inga ko e siliva mo e koula, te ne ‘ave he taki pōpula ki ‘Isipite; ka ka vātau pē ia mo e tu‘i tokelau ‘i he ngaahi ta‘u ni‘ihi.#11.8 Ko e potu fihi ‘aupito. ‘Oku hiki ‘e he ni‘ihi: te ne faka‘ehi‘ehi mei he tu‘i tokelau; pe te ne mo‘ui fuoloa ange ‘i he tu‘i tokelau. 9Pea ‘e ha‘u pē ki he pule‘anga ‘o e tu‘i tonga, ka te ne foki ki hono fonua ‘o‘ona.
10Pea fai tau ‘e he‘ene fānau, pea te nau tānaki ha ngaahi matatau lahi, ko e fu‘u hōsitē, ‘a ia ‘e ‘alu mo ‘alu, mo tafe atu, mo ‘asi ki tu‘a, pea ‘e foki, pea te nau fai tau ‘o a‘u ki he tali tau‘anga ‘o ē. 11Pea ‘e lili ‘a e tu‘i tonga, pea te ne ‘alu atu ‘o fai tau mo ia, ‘io, mo e tu‘i tokelau: pea neongo ‘e fokotu‘u ‘e ē ha hōsitē lahi, ka ‘e tuku ‘a e hōsitē ko ia ki he nima ‘o ē. 12Pea ‘i he ‘ave ‘a e hōsitē ko ē, ‘e hīkisia ‘a e loto ‘o ē: pea neongo ‘ene tulaki ha ngaahi mano, ka ‘e ‘ikai te ne ikuna.
13Pea ‘e foki ‘a e tu‘i tokelau, pea te ne fokotu‘u ha hōsitē ‘oku lahi ‘i he ‘uluaki; ‘io, te ne ha‘u ‘i he faka‘osi ‘o e ngaahi taimi, ha taimi lau ta‘u, te ne ha‘u mo ha tau lahi, mo ha fu‘u tau. 14Pea ‘i he ngaahi taimi ko ia ‘e tu‘u hake ha tokolahi ke fai mo e tu‘i tonga; pea ko e kau anga fīta‘a ‘o ho kakai te nau mālanga hake ke fakaai ‘a e vīsone; ka te nau humu pē. 15Pea ‘e ha‘u ‘a e tu‘i tokelau, pea te ne tanu ha puke, pea te ne hamu ha kolo#11.15 ha kolo; pe ha ngaahi kolo. talitau‘anga, pea ‘e ‘ikai matu‘uaki ‘e he ngaahi matatau#11.15 ngaahi matatau; pe ongo nima. ‘o e saute; na‘a mo hono kakai fili ‘e ‘ikai; pea ‘e ‘ikai ha ivi ke talitu‘u ‘aki. 16Pea ko ia ‘oku ha‘u ki ai, te ne fai ‘ene fa‘iteliha, pea ‘e ‘ikai ha taha ‘e matu‘u ki ai: pea te ne tu‘u ‘i he Fonua Siueli ‘oku ‘i hono nima ‘a e faka‘auha.
17Pea te ne ‘ai hono mata ke ha‘u mo e ivi ‘o hono pule‘anga kotoa, pea ‘e ha‘u mo ia ‘a e ngaahi fakamelino, pea te ne fai; pea te ne ‘ange kiate ia ‘a e ta‘ahine fakafāfine;#11.17: ‘a e ta‘ahine fakafāfine: Ko e… matematē: ko e ta‘ahine ‘a kau fefine, ka ‘oku ngali tonu ‘a hono hiki ‘o: ‘a hono ‘ōfefine. ko e ‘ātunga ai pē ia hono maumau‘i ‘o e ta‘ahine; pea ‘e ‘ikai tu‘u ‘a e fefine, pea te ne hoko ko e ta‘e‘aonga kiate ia. 18Pea ‘e toki hanga hono mata ki he ngaahi motu, pea te ne puke ha me‘a lahi; pea ‘e fakangata ‘e ha ‘eikitau ‘ene luki; ko e fai ia ma‘ana;#11.18: Ko e veesi fihi. ‘Oku lahi hono ngaahi hikí. kaekehe ko e luki kuo ne fai te ne fakafoki kiate ia.#11.18 ko e luki… kiate ia: ‘Oku ‘ikai ke mahino ‘a hono faka-Hepeluú, ka ‘oku ngali tonu ‘a hono hiki ko iá. 19Pea ‘e toki hanga hono mata ki he ngaahi talitau‘anga ‘o hono fonua ‘o‘ona: pea te ne humu, ‘o tō, ‘o ‘ikai ‘iloa.
20Pea ‘e ma‘u hono tu‘unga ‘e ha toko taha te ne fakalaka atu ‘i he lāngilangi ‘o e pule‘anga ha taha ‘eke fatongia: ka hili ha taimi si‘i ‘e maumau ia, kae ‘ikai ‘i he ‘ita, pea ‘ikai ‘i he tau.
Ko e Tu‘i Sīlia Kovi
21Pea ‘e ma‘u hono tu‘unga ‘o‘ona ‘e ha taha ta‘etoka‘i, ‘o ‘ikai te nau ‘ange ki ai ‘a e lāngilangi ‘o e pule‘anga; ka te ne ha‘u ‘i he‘enau nofo noa, pea te ne puke ‘a e pule‘anga ‘aki ‘ene ngaahi fakaoleole. 22Pea ‘e ‘auhia kinautolu mei hono ‘ao ‘aki ha fu‘u ivi lōmaki, pea ‘e maumau kinautolu, ‘io, mo e ‘eiki ‘o e kovinānite foki. 23Pea talu ‘ene fakakautaha mo ia, te ne fai kākā; he te ne ‘alu hake, ‘o hoko ‘o kaukaua, ka ‘aki ha momo‘i kakai pē. 24Te ne a‘u ki he ngaahi potu ‘o e fonua ‘oku mohu koloa, ‘i he‘enau nofo noa, pea te ne feia ‘a e ngaahi me‘a na‘e ‘ikai fai ‘e he‘ene ngaahi tamai, pe ko e ngaahi tamai ‘a ‘ene ngaahi tamai; te ne tufa ki he fa‘ahinga ko ē ‘a e vete mo e pāpani mo e koloa; ‘io, te ne fa‘u ‘ene ngaahi fakakaukau ki he ngaahi talitau‘anga, 25‘io, ‘o a‘u ki hono taimi, Pea te ne o‘io‘i hono ivi mo hono loto ke fai mo e tu‘i tonga ‘aki ha tau lahi; pea ‘e fai tau ‘e he tu‘i tonga ‘aki ha fu‘u tau lahi mo mālohi ‘aupito: ka ‘e ‘ikai te ne tu‘u, he te nau fa‘u ha ngaahi fakakaukau kiate ia. 26‘Io, ko kinautolu ‘oku fai taumafa mo ia te nau maumau ia; pea neongo ‘e lōmaki atu ‘ene tau, ka ‘e mate tāmate‘i ha tokolahi. 27Pea ko e me‘a ki he ongo tu‘i na‘e hu‘u hona loto ki he kovi, pea ‘i he‘ena keinanga taha te na tau‘aki loi: ka ‘e ‘ikai sia‘a; kae fai atu ki he ngata‘anga kuo tu‘utu‘uni. 28Pea te ne foki ki hono fonua ‘o‘ona ‘aki ha koloa lahi: pea toki kovi hono loto ki he Kovinānite tapu; pea te ne fai, pea te ne foki ki hono fonua ‘o‘ona.
29‘I he taimi kuo tu‘utu‘uni te ne foki, ‘o a‘u ki he tonga; ka ko ‘ene fai ki mui ‘e ‘ikai hangē ko e ‘uluaki fai. 30He ‘e ha‘u kiate ia ‘a e ngaahi vaka Kītimi, pea te ne mapelu ai; pea te ne foki, pea te ne lili ki he Kovinānite tapu, pea te ne fai, pea te ne foki, pea te ne tokanga‘i ‘a kinautolu na‘e li‘aki ‘a e Kovinānite tapu.
31Pea ‘e tu‘u ma‘ana ‘a e ngaahi matatau, pea te nau maumau ‘a e tapu ‘o e potu tapu; ‘io, ‘a e mālohinga; pea te nau ‘ave ‘a e lotu tu‘u ma‘u, pea te nau fokotu‘u ‘a e me‘a fakalielia ‘oku fakalala.#11.31 ‘a e me‘a fakalielia ‘oku fakalala; Vakai ki he 9.27. #Tān 9.27; 12.11; Māt 24.15; Ma‘ake 13.14 32Pea ko kinautolu ‘oku hia ki he Kovinānite te ne fakatafoki ‘aki ‘ene ngaahi fakalai; ka ko e kakai ‘oku ‘ilo ‘a honau ‘Otua te nau mālohi pea fai me‘a. 33Pea ko kinautolu ‘i he kakai ‘oku fakapotopoto te nau hīnoi‘i ha tokolahi; ka te nau tō ‘i he heletā, pe ‘i he ulo‘i afi, ‘i he taki pōpula, pe ‘i he vetea, ‘o laui ‘aho. 34Pea ‘i he‘enau tō, ‘e ai ha tokoni ‘e fai; ka ko e tokoni si‘i; pea ‘e ai ha tokolahi te nau fakakau ange ki he fa‘ahinga ko ē, ka ko e koto fakalai pē. 35Pea ko e ni‘ihi ‘iate kinautolu ‘oku fakapotopoto te nau tō, ke fai‘aki kinautolu ha sivi, mo ha fakama‘a, mo ha fakahinehina, ‘o a‘u atu ki he taimi fakamui: ‘e fai atu ki he me‘a kuo tu‘utu‘uni.
36Pea ‘e fai ‘e he tu‘i ‘ene fa‘iteliha; pea te ne fakapupula mo fakamā‘olunga ‘i he ‘otua kotoa; ‘io, na‘a mo e ‘Otua ‘o e ngaahi ‘otua ‘e makehe atu ‘a e me‘a te ne lau ki ai: pea te ne tu‘umālie kae‘oua ke kakato ‘a e houhau; he ko e me‘a kuo tu‘utu‘uni ‘e fai.#2 Tes 2.3-4; Fkhā 13.5-6 37Pea ‘e ‘ikai te ne tokanga‘i ‘a e ‘Otua ‘o ‘ene ngaahi kui, pe ko e ‘ofa ‘a fefine; ‘io, ‘e ‘ikai te ne tokanga‘i ha ‘otua ‘e taha: he te ne fakapupula ke mā‘olunga ‘i he me‘a kotoa pē. 38Ka te ne fetongi ‘aki ‘a e ‘Otua ‘o e ngaahi mālohinga#11.38 ngaahi mālohinga; pe ngaahi talitau‘anga. ‘ene fakahīkihiki‘i; ‘io, ko e ‘otua na‘e ‘ikai ‘ilo ki ai ‘e he‘ene ngaahi kui te ne fakalāngilangi‘i ‘aki ‘a e koula mo e siliva mo e makakoloa mo e ngaahi me‘a mahu‘inga. 39Pea te ne fai me‘a ki he ngaahi talitau‘anga mālohi ‘i he tokoni ‘a ha ‘otua muli; ‘ilonga ha taha te ne mamahi‘i ia, te ne fakalahi hono lāngilangi,#11.39 ha taha… lāngilangi; pe ‘a ia te ne fakahīkihiki‘i ‘aki ha lāngilangi lahi. pea te ne fakanofo kinautolu ke pule ki ha me‘a lahi, pea te ne tufa ‘a e fonua mōno totongi.
40Pea ‘i he taimi fakamui ‘e fekuki mo ia ‘a e tu‘i tonga, pea ‘e ‘ohofia ia ‘e he tu‘i tokelau hangē ha afā, ‘aki ha tau sāliote, mo e tau hoosi, mo e folau lahi; pea te ne hū ki he ngaahi fonua, pea te ne lōmaki‘i ‘o ‘asi atu. 41Te ne hū foki ki he Fonua Siueli, pea lahi ‘a e ngaahi fonua ‘e fulihi: kae fakahaofi ‘a ‘eni mei hono nima, ‘a ‘Ītomi, mo Moape, mo e ‘elito ‘o ha‘a ‘Āmoni. 42Te ne mafao atu hono nima foki ‘i he ngaahi fonua; pea na‘a mo ‘Isipite ‘e ‘ikai hano hao‘anga. 43Pea te ne fa‘iteliha ki he ngaahi fokotu‘unga koula mo siliva, mo e me‘a mahu‘inga fua pē ‘o ‘Isipite: pea ko e kau Lupi mo e kau ‘Itiopea#11.43 ‘Itiopea; Vakai ki he “Ngaahi Huluhulu”. ‘e muimui kiate ia. 44Ka ‘e fakahoha‘a ia ‘eni ongoongo mei hahake, pea mei he tokelau; pea te ne ‘alu atu ‘oku lili lahi ke faka‘auha mo mōifua ‘a e tokolahi. 45Pea te ne hunuki hono tēniti faka‘ei‘eiki ‘i he vaha‘a ‘o e ongo tahi ‘i he Siueli ko e mo‘unga tapu; ka te ne a‘u ki hono ngata‘anga, ‘o ‘ikai hano tokoni.
Currently Selected:
KO TĀNIELA 11: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 11
11
1PEA ko eni te u tala atu ‘a e mo‘oni, Vakai ‘e hokohoko atu ha tu‘i ‘e toko tolu ki Pēsia; pea ko hono toko fā ‘e koloa‘ia ange noa ‘iate kinautolu kotoa. 2Pea ‘i he‘ene hoko ‘o kaukaua, ko ene koloa‘ia, te ne ue‘i ‘a e kotoa ‘o e pule‘anga ke fai mo e pule‘anga Kalisi.
Ko e Pule‘anga ‘Isipité mo e Pule‘anga Sīliá
3Pea ‘e hoko ha tu‘i helo, pea te ne pule ‘aki ha pule kaukaua, pea te ne mātu‘aki fa‘iteliha. 4Pea ‘i he‘ene tu‘u ‘ana, ‘e maumau hono pule‘anga, pea ‘e vahevahe ki he matangi ‘e fā ‘o e langi; kae ‘ikai ki hono hako, ‘o ‘ikai tatau mo e pule na‘a ne fai ‘e ia; he ‘e ta‘aki hono pule‘anga, pea tō ki ha ni‘ihi kehe, ‘o lakai kinautolu.
5Pea ‘e mālohi ‘a e tu‘i ‘o e feitu‘u tonga, pea pehē ha taha ‘o e hou‘eiki ‘o ē; pea ‘e mālohi ange ia ‘i hē, pea te ne ma‘u pule‘anga; ko hono pule‘anga ko e pule‘anga lahi. 6Pea hili ha ngaahi ta‘u te na fakakautaha; pea ko e ‘ōfefine ‘o e tu‘i tonga te ne ‘alu ki he tu‘i tokelau ke feia ‘a e melino:#11.6: melino; pe fakatonutonu. kae ‘ikai mata‘ofi ‘e he fefine ‘a e mālohi ‘o hono nima; pea ‘e ‘ikai tu‘u ‘a e tu‘i, pe ko hono nima; pea ‘e tukuange ‘a e fefine, mo kinautolu na‘e ‘omi ia, mo ia na‘e fakatupu ia,#11.6: mo ia… fakatupu ia; pe ko ia na‘a na fakatupu. mo ia na‘a ne pukepuke ia, ‘o fai ‘i he ngaahi taimi.#11.6 ‘i he ngaahi taimi; pe ‘i he ngaahi taimi ko iá. 7Pea ‘e tu‘u hake ha taha ‘i hono tu‘unga mei ha huli ‘o ha aka ‘o e fefine, pea te ne ‘alu ki he hōsitē, pea te ne hū ki he talitau‘anga ‘o e tu‘i tokelau, pea te ne fai mo kinautolu, pea te ne mālohi. 8Pea ko honau ngaahi ‘otua foki fakataha mo ‘enau ngaahi ‘īmisi, mo ‘enau ngaahi nāunau mahu‘inga ko e siliva mo e koula, te ne ‘ave he taki pōpula ki ‘Isipite; ka ka vātau pē ia mo e tu‘i tokelau ‘i he ngaahi ta‘u ni‘ihi.#11.8 Ko e potu fihi ‘aupito. ‘Oku hiki ‘e he ni‘ihi: te ne faka‘ehi‘ehi mei he tu‘i tokelau; pe te ne mo‘ui fuoloa ange ‘i he tu‘i tokelau. 9Pea ‘e ha‘u pē ki he pule‘anga ‘o e tu‘i tonga, ka te ne foki ki hono fonua ‘o‘ona.
10Pea fai tau ‘e he‘ene fānau, pea te nau tānaki ha ngaahi matatau lahi, ko e fu‘u hōsitē, ‘a ia ‘e ‘alu mo ‘alu, mo tafe atu, mo ‘asi ki tu‘a, pea ‘e foki, pea te nau fai tau ‘o a‘u ki he tali tau‘anga ‘o ē. 11Pea ‘e lili ‘a e tu‘i tonga, pea te ne ‘alu atu ‘o fai tau mo ia, ‘io, mo e tu‘i tokelau: pea neongo ‘e fokotu‘u ‘e ē ha hōsitē lahi, ka ‘e tuku ‘a e hōsitē ko ia ki he nima ‘o ē. 12Pea ‘i he ‘ave ‘a e hōsitē ko ē, ‘e hīkisia ‘a e loto ‘o ē: pea neongo ‘ene tulaki ha ngaahi mano, ka ‘e ‘ikai te ne ikuna.
13Pea ‘e foki ‘a e tu‘i tokelau, pea te ne fokotu‘u ha hōsitē ‘oku lahi ‘i he ‘uluaki; ‘io, te ne ha‘u ‘i he faka‘osi ‘o e ngaahi taimi, ha taimi lau ta‘u, te ne ha‘u mo ha tau lahi, mo ha fu‘u tau. 14Pea ‘i he ngaahi taimi ko ia ‘e tu‘u hake ha tokolahi ke fai mo e tu‘i tonga; pea ko e kau anga fīta‘a ‘o ho kakai te nau mālanga hake ke fakaai ‘a e vīsone; ka te nau humu pē. 15Pea ‘e ha‘u ‘a e tu‘i tokelau, pea te ne tanu ha puke, pea te ne hamu ha kolo#11.15 ha kolo; pe ha ngaahi kolo. talitau‘anga, pea ‘e ‘ikai matu‘uaki ‘e he ngaahi matatau#11.15 ngaahi matatau; pe ongo nima. ‘o e saute; na‘a mo hono kakai fili ‘e ‘ikai; pea ‘e ‘ikai ha ivi ke talitu‘u ‘aki. 16Pea ko ia ‘oku ha‘u ki ai, te ne fai ‘ene fa‘iteliha, pea ‘e ‘ikai ha taha ‘e matu‘u ki ai: pea te ne tu‘u ‘i he Fonua Siueli ‘oku ‘i hono nima ‘a e faka‘auha.
17Pea te ne ‘ai hono mata ke ha‘u mo e ivi ‘o hono pule‘anga kotoa, pea ‘e ha‘u mo ia ‘a e ngaahi fakamelino, pea te ne fai; pea te ne ‘ange kiate ia ‘a e ta‘ahine fakafāfine;#11.17: ‘a e ta‘ahine fakafāfine: Ko e… matematē: ko e ta‘ahine ‘a kau fefine, ka ‘oku ngali tonu ‘a hono hiki ‘o: ‘a hono ‘ōfefine. ko e ‘ātunga ai pē ia hono maumau‘i ‘o e ta‘ahine; pea ‘e ‘ikai tu‘u ‘a e fefine, pea te ne hoko ko e ta‘e‘aonga kiate ia. 18Pea ‘e toki hanga hono mata ki he ngaahi motu, pea te ne puke ha me‘a lahi; pea ‘e fakangata ‘e ha ‘eikitau ‘ene luki; ko e fai ia ma‘ana;#11.18: Ko e veesi fihi. ‘Oku lahi hono ngaahi hikí. kaekehe ko e luki kuo ne fai te ne fakafoki kiate ia.#11.18 ko e luki… kiate ia: ‘Oku ‘ikai ke mahino ‘a hono faka-Hepeluú, ka ‘oku ngali tonu ‘a hono hiki ko iá. 19Pea ‘e toki hanga hono mata ki he ngaahi talitau‘anga ‘o hono fonua ‘o‘ona: pea te ne humu, ‘o tō, ‘o ‘ikai ‘iloa.
20Pea ‘e ma‘u hono tu‘unga ‘e ha toko taha te ne fakalaka atu ‘i he lāngilangi ‘o e pule‘anga ha taha ‘eke fatongia: ka hili ha taimi si‘i ‘e maumau ia, kae ‘ikai ‘i he ‘ita, pea ‘ikai ‘i he tau.
Ko e Tu‘i Sīlia Kovi
21Pea ‘e ma‘u hono tu‘unga ‘o‘ona ‘e ha taha ta‘etoka‘i, ‘o ‘ikai te nau ‘ange ki ai ‘a e lāngilangi ‘o e pule‘anga; ka te ne ha‘u ‘i he‘enau nofo noa, pea te ne puke ‘a e pule‘anga ‘aki ‘ene ngaahi fakaoleole. 22Pea ‘e ‘auhia kinautolu mei hono ‘ao ‘aki ha fu‘u ivi lōmaki, pea ‘e maumau kinautolu, ‘io, mo e ‘eiki ‘o e kovinānite foki. 23Pea talu ‘ene fakakautaha mo ia, te ne fai kākā; he te ne ‘alu hake, ‘o hoko ‘o kaukaua, ka ‘aki ha momo‘i kakai pē. 24Te ne a‘u ki he ngaahi potu ‘o e fonua ‘oku mohu koloa, ‘i he‘enau nofo noa, pea te ne feia ‘a e ngaahi me‘a na‘e ‘ikai fai ‘e he‘ene ngaahi tamai, pe ko e ngaahi tamai ‘a ‘ene ngaahi tamai; te ne tufa ki he fa‘ahinga ko ē ‘a e vete mo e pāpani mo e koloa; ‘io, te ne fa‘u ‘ene ngaahi fakakaukau ki he ngaahi talitau‘anga, 25‘io, ‘o a‘u ki hono taimi, Pea te ne o‘io‘i hono ivi mo hono loto ke fai mo e tu‘i tonga ‘aki ha tau lahi; pea ‘e fai tau ‘e he tu‘i tonga ‘aki ha fu‘u tau lahi mo mālohi ‘aupito: ka ‘e ‘ikai te ne tu‘u, he te nau fa‘u ha ngaahi fakakaukau kiate ia. 26‘Io, ko kinautolu ‘oku fai taumafa mo ia te nau maumau ia; pea neongo ‘e lōmaki atu ‘ene tau, ka ‘e mate tāmate‘i ha tokolahi. 27Pea ko e me‘a ki he ongo tu‘i na‘e hu‘u hona loto ki he kovi, pea ‘i he‘ena keinanga taha te na tau‘aki loi: ka ‘e ‘ikai sia‘a; kae fai atu ki he ngata‘anga kuo tu‘utu‘uni. 28Pea te ne foki ki hono fonua ‘o‘ona ‘aki ha koloa lahi: pea toki kovi hono loto ki he Kovinānite tapu; pea te ne fai, pea te ne foki ki hono fonua ‘o‘ona.
29‘I he taimi kuo tu‘utu‘uni te ne foki, ‘o a‘u ki he tonga; ka ko ‘ene fai ki mui ‘e ‘ikai hangē ko e ‘uluaki fai. 30He ‘e ha‘u kiate ia ‘a e ngaahi vaka Kītimi, pea te ne mapelu ai; pea te ne foki, pea te ne lili ki he Kovinānite tapu, pea te ne fai, pea te ne foki, pea te ne tokanga‘i ‘a kinautolu na‘e li‘aki ‘a e Kovinānite tapu.
31Pea ‘e tu‘u ma‘ana ‘a e ngaahi matatau, pea te nau maumau ‘a e tapu ‘o e potu tapu; ‘io, ‘a e mālohinga; pea te nau ‘ave ‘a e lotu tu‘u ma‘u, pea te nau fokotu‘u ‘a e me‘a fakalielia ‘oku fakalala.#11.31 ‘a e me‘a fakalielia ‘oku fakalala; Vakai ki he 9.27. #Tān 9.27; 12.11; Māt 24.15; Ma‘ake 13.14 32Pea ko kinautolu ‘oku hia ki he Kovinānite te ne fakatafoki ‘aki ‘ene ngaahi fakalai; ka ko e kakai ‘oku ‘ilo ‘a honau ‘Otua te nau mālohi pea fai me‘a. 33Pea ko kinautolu ‘i he kakai ‘oku fakapotopoto te nau hīnoi‘i ha tokolahi; ka te nau tō ‘i he heletā, pe ‘i he ulo‘i afi, ‘i he taki pōpula, pe ‘i he vetea, ‘o laui ‘aho. 34Pea ‘i he‘enau tō, ‘e ai ha tokoni ‘e fai; ka ko e tokoni si‘i; pea ‘e ai ha tokolahi te nau fakakau ange ki he fa‘ahinga ko ē, ka ko e koto fakalai pē. 35Pea ko e ni‘ihi ‘iate kinautolu ‘oku fakapotopoto te nau tō, ke fai‘aki kinautolu ha sivi, mo ha fakama‘a, mo ha fakahinehina, ‘o a‘u atu ki he taimi fakamui: ‘e fai atu ki he me‘a kuo tu‘utu‘uni.
36Pea ‘e fai ‘e he tu‘i ‘ene fa‘iteliha; pea te ne fakapupula mo fakamā‘olunga ‘i he ‘otua kotoa; ‘io, na‘a mo e ‘Otua ‘o e ngaahi ‘otua ‘e makehe atu ‘a e me‘a te ne lau ki ai: pea te ne tu‘umālie kae‘oua ke kakato ‘a e houhau; he ko e me‘a kuo tu‘utu‘uni ‘e fai.#2 Tes 2.3-4; Fkhā 13.5-6 37Pea ‘e ‘ikai te ne tokanga‘i ‘a e ‘Otua ‘o ‘ene ngaahi kui, pe ko e ‘ofa ‘a fefine; ‘io, ‘e ‘ikai te ne tokanga‘i ha ‘otua ‘e taha: he te ne fakapupula ke mā‘olunga ‘i he me‘a kotoa pē. 38Ka te ne fetongi ‘aki ‘a e ‘Otua ‘o e ngaahi mālohinga#11.38 ngaahi mālohinga; pe ngaahi talitau‘anga. ‘ene fakahīkihiki‘i; ‘io, ko e ‘otua na‘e ‘ikai ‘ilo ki ai ‘e he‘ene ngaahi kui te ne fakalāngilangi‘i ‘aki ‘a e koula mo e siliva mo e makakoloa mo e ngaahi me‘a mahu‘inga. 39Pea te ne fai me‘a ki he ngaahi talitau‘anga mālohi ‘i he tokoni ‘a ha ‘otua muli; ‘ilonga ha taha te ne mamahi‘i ia, te ne fakalahi hono lāngilangi,#11.39 ha taha… lāngilangi; pe ‘a ia te ne fakahīkihiki‘i ‘aki ha lāngilangi lahi. pea te ne fakanofo kinautolu ke pule ki ha me‘a lahi, pea te ne tufa ‘a e fonua mōno totongi.
40Pea ‘i he taimi fakamui ‘e fekuki mo ia ‘a e tu‘i tonga, pea ‘e ‘ohofia ia ‘e he tu‘i tokelau hangē ha afā, ‘aki ha tau sāliote, mo e tau hoosi, mo e folau lahi; pea te ne hū ki he ngaahi fonua, pea te ne lōmaki‘i ‘o ‘asi atu. 41Te ne hū foki ki he Fonua Siueli, pea lahi ‘a e ngaahi fonua ‘e fulihi: kae fakahaofi ‘a ‘eni mei hono nima, ‘a ‘Ītomi, mo Moape, mo e ‘elito ‘o ha‘a ‘Āmoni. 42Te ne mafao atu hono nima foki ‘i he ngaahi fonua; pea na‘a mo ‘Isipite ‘e ‘ikai hano hao‘anga. 43Pea te ne fa‘iteliha ki he ngaahi fokotu‘unga koula mo siliva, mo e me‘a mahu‘inga fua pē ‘o ‘Isipite: pea ko e kau Lupi mo e kau ‘Itiopea#11.43 ‘Itiopea; Vakai ki he “Ngaahi Huluhulu”. ‘e muimui kiate ia. 44Ka ‘e fakahoha‘a ia ‘eni ongoongo mei hahake, pea mei he tokelau; pea te ne ‘alu atu ‘oku lili lahi ke faka‘auha mo mōifua ‘a e tokolahi. 45Pea te ne hunuki hono tēniti faka‘ei‘eiki ‘i he vaha‘a ‘o e ongo tahi ‘i he Siueli ko e mo‘unga tapu; ka te ne a‘u ki hono ngata‘anga, ‘o ‘ikai hano tokoni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.