KO 2 SĀMIUELA 24
24
Ko Hono Fai ‘e Tēvita ha Tohi Kakai
(1 Kal 21.1-27)
1PEA toe langa‘i ‘a e houhau ‘o Sihova ki ‘Isileli, ‘o ne ue‘i ‘a Tēvita ke fai ha me‘a kiate kinautolu, he‘ene pehē, ‘Alu, ‘o lau ‘a ‘Isileli mo Siuta. 2Pea folofola ‘a e tu‘i kia Sioape ko e ‘eikitau, ‘a ia na‘e ‘iate ia, ‘Alu holo mu‘a ‘i he ngaahi matakali ‘Isileli, mei Tani ‘o a‘u ki Peasipa, ‘o lau ‘a e kakai, ka u ‘ilo honau tokolahi.
3Pea fakatau folofola ‘a Sioape ki he tu‘i, ‘Ofa ange ‘a Sihova ko ho ‘Otua ke fakatupu ‘a e kakai, pe ‘oku nau toko fiha, ke tātu‘oteau honau tokolahi, pea ke sio ki ai foki ‘a e ‘afio ‘a e tu‘i: ka ko e hā ‘oku manako ai ‘a e ‘afiona ki he me‘a ni? 4Ka na‘e mālohi ‘a e folofola ‘a e tu‘i kia Sioape, pea ki he hou‘eiki tau; pea na‘e ‘alu atu ‘a Sioape mo e hou‘eiki tau ‘i he ‘ao ‘o e tu‘i ke lau ‘a e kakai ‘Isileli.
5Pea nau a‘a ‘i Soatani, ‘o nau ‘apitanga ‘i ‘Aloeli, ‘i he potu to‘omata‘u ‘o e kolo ‘oku ne ‘i loto tele‘a ‘o Kata,#24.5 ‘Aloeli… Kata: ‘Oku ‘ikai ke mahino ‘a hono faka-Hepeluú, ka ‘oku ngali tonu ange ‘a hono faka‘uhinga ‘o ‘Aloeli, ko e kolo ‘i he loto tele‘a, ‘i he vahefonua ‘o Katá. pea ‘i Siasea: 6pea nau toki a‘u ki Kiliati, pea ki he fonua Tātimi-ketesi;#24.6 ‘Oku maveuveu ‘a e tohí. ‘Oku pehē he faka-Hepeluú: ki he fonua ko Tahatimi, Hōtisi; ka ‘oku pehē he hiki fuoloa ‘e taha: ki Kātesi i he fonua ‘o e kakai Hetí. pea nau a‘u ki Tani-‘iani, ‘o nau fai takai ki Saitoni,#24.6 pea nau a‘u… Saitoni; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o Pea nau ō ki Tani, pea nau ō fakahihifo leva mei Tani. 7pea nau a‘u ki he talitau‘anga ‘o Taia, mo e tukui kolo ‘o ha‘a Hevi mo ha‘a Kēnani; pea nau tū‘ulu ki he feitu‘u tonga ‘o Siuta, ki Peasipa. 8Pea kuo nau ‘alu holo ‘i he fonua kotoa, na‘a nau a‘u ki Selusalema ‘i he hili ‘a e māhina ‘e hiva mo e ‘aho ‘e uofulu. 9Pea ‘atu ‘e Sioape ki he tu‘i ‘a e tohi ‘o e lau ‘o e kakai; pea tā na‘e ‘i ‘Isileli ko e kau to‘a ‘e toko valu kilu na‘e to‘o heletā; pea ko e kau tangata Siuta na‘e toko nima kilu.
10Pea tautea ‘a Tēvita ‘e hono loto hili ‘ene fai ‘a e tohi kakai. Pea fakatau folofola ‘a Tēvita ki he ‘Eiki, kuo u mātu‘aki hia he me‘a kuo u fai; ka ke fakamolemole mu‘a, ‘Eiki, ‘a e kovi ‘a ho‘o tamaio‘eiki–he kuo u fai vale ‘aupito.
11Pea ‘i he tu‘u pongipongi hake ‘a Tēvita, na‘e hoko ‘a e folofola ‘a Sihova ki he palōfita ko Kata ko e tongafisi ‘a Tēvita, ‘o pehē, 12‘Alu, ‘o lea kia Tēvita, Ko eni ‘a e folofola ‘a Sihova, ‘Oku ou hilifaki kiate koe ha me‘a ‘e tolu; fili hanau taha ma‘au ke u fai kiate koe. 13Ko ia na‘e ha‘u ‘a Kata kia Tēvita, ‘o ne fakahā ki ai, ‘o ne pehē kiate ia, ‘E hoko kiate koe ha honge ‘o fitu‘i ta‘u#24.13 fitu‘i ta‘u; Ko hono faka-Hepeluú ia, ka ‘oku pehē he ngaahi hiki ‘e ni‘ihi: tolu‘i ta‘u. ‘i ho fonua? pe ‘e tolu māhina ho‘o hola mei ho ngaahi fili ka nau tuli koe? pe hoko ‘a e mahaki faka‘auha ki ho fonua ‘o ‘aho tolu? Ke ke fakakaukau mu‘a, ‘o vakai pe ko e hā ha tali te u foki mo au kiate ia na‘a ne fai hoku fekau.
14Pea pehē ‘e Tēvita kia Kata, kuo u ‘efihia ‘aupito: tau tō mu‘a ki he nima ‘o e ‘Eiki; he ‘oku lahi ha‘ana ‘alo‘ofa: kae ‘oua na‘a ku tō ki he nima ‘o e tangata. 15Ko ia, na‘e tuku atu ‘e Sihova ha mahaki faka‘auha ki ‘Isileli, mei he pongipongi ko ia, ‘o a‘u ki he taimi tu‘utu‘uni: pea na‘e pekia ‘a e kakai, mei Tani ki Peasipa, ‘a e kau tangata ‘e toko fitu mano. 16Pea ‘i he mafao atu ‘e he ‘āngelo hono nima ki Selusalema ke faka‘auha, na‘e momou ‘a e ‘Eiki ‘i he kovi, ‘o ne folofola ki he ‘āngelo na‘e fai ‘a e faka‘auha ‘o e kakai, Ma‘u ā; ta‘ofi eni ho nima. Pea ‘oku tu‘u ‘a e ‘āngelo ‘a Sihova fe‘unga mo e haha‘anga ‘o e Siepusi ko ‘Elaona.
17Pea fakatau folofola ‘a Tēvita ki he ‘Eiki ‘i he‘ene vakai ‘a e ‘āngelo ‘oku ne fai ‘a e taa‘i ‘o e kakai, ‘o ne pehē; Vakai, ko au kuo u hia, pea kuo u fai kovi: ka ko e fanga sipi ni, ko e hā ‘anautolu kuo fai? Ke tō mu‘a kiate au ho‘o tā, pea ki he fale ‘o ‘eku tamai.
18Pea ‘alu ‘a Kata kia Tēvita ‘i he ‘aho ko ia, ‘o ne pehē ki ai, ‘Alu hake, ‘o fokotu‘u ha ‘ōlita kia Sihova ‘i he haha‘anga ‘o e Siepusi ko ‘Elaona. 19Ko ia na‘e hā‘ele hake ‘a Tēvita hangē ko e lea ‘a Kata ‘i he funga ‘o e tu‘utu‘uni ‘a Sihova. 20Pea fakasio atu ‘a ‘Elaona, ‘o ne vakai ki he tu‘i mo ‘ene kau tamaio‘eiki ‘oku nau fakafononga mai kiate ia: pea ‘alu atu ‘a ‘Elaona, ‘o tō fo‘ohifo he fai ‘ene faka‘apa‘apa ki he tu‘i. 21Pea fakatau folofola hake ‘e ‘Elaona, Ko e hā kuo me‘a mai ai ‘a e ‘afio ko e tu‘i ki he‘ene tamaio‘eiki ko au? Pea tali ‘e Tēvita, Koe‘uhi he fakatau meiate koe ‘a e haha‘anga ke langa ai ha ‘ōlita kia Sihova, ke ta‘ofi ‘a e mala mei he kakai.
22Pea fakatau folofola ‘a ‘Elaona kia Tēvita, Ke fa‘iteliha ‘a e ‘afio ‘a e tu‘i ha me‘a te ne to‘o ‘o feia: vakai, ko e fanga pulu ē ki he feilaulau-mōifua, mo e ngaahi me‘a haha mo e nāunau ‘o e pulu ke fefie ‘aki; 23ko hono kotoa na‘e foaki ‘e ‘Elaona ko e tu‘i ki he tu‘i.#24.23 ko e tu‘i ki he tu‘i; Ko hono faka-Hepeluú ia, ka ‘oku ngali tonu ange ‘a hono faka‘uhinga ‘o: Ēī, ‘oku foaki hono kotoa ‘e ‘Elaona ki he ‘afiona. Na‘e pehē foki ‘e ‘Elaona ki he tu‘i, ‘Ofa ke tali koe ‘e Sihova ko ho ‘Otua!
24Pea folofola ‘a e tu‘i kia ‘Elaona, ‘Ikai; ka te u mātu‘aki fakatau pa‘anga pē meiate koe: ‘o ‘ikai te u feia kia Sihova ko hoku ‘Otua ha ngaahi feilaulau kuo u ma‘u fakafiemālie. Ko ia na‘e fakatau ‘e Tēvita ‘a e haha‘anga mo e fanga pulu ‘aki ‘a e nimangofulu‘i sikeli siliva. 25Pea na‘e langa ai ‘e Tēvita ha ‘ōlita kia Sihova, ‘o ne feia ai ‘ani feilaulau-mōifua mo ‘ofa. Pea ‘ikai kei tekaki ‘e he ‘Eiki ‘enau hufekina ‘a e fonua, pea na‘e ta‘ofi ‘a e mala mei ‘Isileli.
Currently Selected:
KO 2 SĀMIUELA 24: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 24
24
Ko Hono Fai ‘e Tēvita ha Tohi Kakai
(1 Kal 21.1-27)
1PEA toe langa‘i ‘a e houhau ‘o Sihova ki ‘Isileli, ‘o ne ue‘i ‘a Tēvita ke fai ha me‘a kiate kinautolu, he‘ene pehē, ‘Alu, ‘o lau ‘a ‘Isileli mo Siuta. 2Pea folofola ‘a e tu‘i kia Sioape ko e ‘eikitau, ‘a ia na‘e ‘iate ia, ‘Alu holo mu‘a ‘i he ngaahi matakali ‘Isileli, mei Tani ‘o a‘u ki Peasipa, ‘o lau ‘a e kakai, ka u ‘ilo honau tokolahi.
3Pea fakatau folofola ‘a Sioape ki he tu‘i, ‘Ofa ange ‘a Sihova ko ho ‘Otua ke fakatupu ‘a e kakai, pe ‘oku nau toko fiha, ke tātu‘oteau honau tokolahi, pea ke sio ki ai foki ‘a e ‘afio ‘a e tu‘i: ka ko e hā ‘oku manako ai ‘a e ‘afiona ki he me‘a ni? 4Ka na‘e mālohi ‘a e folofola ‘a e tu‘i kia Sioape, pea ki he hou‘eiki tau; pea na‘e ‘alu atu ‘a Sioape mo e hou‘eiki tau ‘i he ‘ao ‘o e tu‘i ke lau ‘a e kakai ‘Isileli.
5Pea nau a‘a ‘i Soatani, ‘o nau ‘apitanga ‘i ‘Aloeli, ‘i he potu to‘omata‘u ‘o e kolo ‘oku ne ‘i loto tele‘a ‘o Kata,#24.5 ‘Aloeli… Kata: ‘Oku ‘ikai ke mahino ‘a hono faka-Hepeluú, ka ‘oku ngali tonu ange ‘a hono faka‘uhinga ‘o ‘Aloeli, ko e kolo ‘i he loto tele‘a, ‘i he vahefonua ‘o Katá. pea ‘i Siasea: 6pea nau toki a‘u ki Kiliati, pea ki he fonua Tātimi-ketesi;#24.6 ‘Oku maveuveu ‘a e tohí. ‘Oku pehē he faka-Hepeluú: ki he fonua ko Tahatimi, Hōtisi; ka ‘oku pehē he hiki fuoloa ‘e taha: ki Kātesi i he fonua ‘o e kakai Hetí. pea nau a‘u ki Tani-‘iani, ‘o nau fai takai ki Saitoni,#24.6 pea nau a‘u… Saitoni; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o Pea nau ō ki Tani, pea nau ō fakahihifo leva mei Tani. 7pea nau a‘u ki he talitau‘anga ‘o Taia, mo e tukui kolo ‘o ha‘a Hevi mo ha‘a Kēnani; pea nau tū‘ulu ki he feitu‘u tonga ‘o Siuta, ki Peasipa. 8Pea kuo nau ‘alu holo ‘i he fonua kotoa, na‘a nau a‘u ki Selusalema ‘i he hili ‘a e māhina ‘e hiva mo e ‘aho ‘e uofulu. 9Pea ‘atu ‘e Sioape ki he tu‘i ‘a e tohi ‘o e lau ‘o e kakai; pea tā na‘e ‘i ‘Isileli ko e kau to‘a ‘e toko valu kilu na‘e to‘o heletā; pea ko e kau tangata Siuta na‘e toko nima kilu.
10Pea tautea ‘a Tēvita ‘e hono loto hili ‘ene fai ‘a e tohi kakai. Pea fakatau folofola ‘a Tēvita ki he ‘Eiki, kuo u mātu‘aki hia he me‘a kuo u fai; ka ke fakamolemole mu‘a, ‘Eiki, ‘a e kovi ‘a ho‘o tamaio‘eiki–he kuo u fai vale ‘aupito.
11Pea ‘i he tu‘u pongipongi hake ‘a Tēvita, na‘e hoko ‘a e folofola ‘a Sihova ki he palōfita ko Kata ko e tongafisi ‘a Tēvita, ‘o pehē, 12‘Alu, ‘o lea kia Tēvita, Ko eni ‘a e folofola ‘a Sihova, ‘Oku ou hilifaki kiate koe ha me‘a ‘e tolu; fili hanau taha ma‘au ke u fai kiate koe. 13Ko ia na‘e ha‘u ‘a Kata kia Tēvita, ‘o ne fakahā ki ai, ‘o ne pehē kiate ia, ‘E hoko kiate koe ha honge ‘o fitu‘i ta‘u#24.13 fitu‘i ta‘u; Ko hono faka-Hepeluú ia, ka ‘oku pehē he ngaahi hiki ‘e ni‘ihi: tolu‘i ta‘u. ‘i ho fonua? pe ‘e tolu māhina ho‘o hola mei ho ngaahi fili ka nau tuli koe? pe hoko ‘a e mahaki faka‘auha ki ho fonua ‘o ‘aho tolu? Ke ke fakakaukau mu‘a, ‘o vakai pe ko e hā ha tali te u foki mo au kiate ia na‘a ne fai hoku fekau.
14Pea pehē ‘e Tēvita kia Kata, kuo u ‘efihia ‘aupito: tau tō mu‘a ki he nima ‘o e ‘Eiki; he ‘oku lahi ha‘ana ‘alo‘ofa: kae ‘oua na‘a ku tō ki he nima ‘o e tangata. 15Ko ia, na‘e tuku atu ‘e Sihova ha mahaki faka‘auha ki ‘Isileli, mei he pongipongi ko ia, ‘o a‘u ki he taimi tu‘utu‘uni: pea na‘e pekia ‘a e kakai, mei Tani ki Peasipa, ‘a e kau tangata ‘e toko fitu mano. 16Pea ‘i he mafao atu ‘e he ‘āngelo hono nima ki Selusalema ke faka‘auha, na‘e momou ‘a e ‘Eiki ‘i he kovi, ‘o ne folofola ki he ‘āngelo na‘e fai ‘a e faka‘auha ‘o e kakai, Ma‘u ā; ta‘ofi eni ho nima. Pea ‘oku tu‘u ‘a e ‘āngelo ‘a Sihova fe‘unga mo e haha‘anga ‘o e Siepusi ko ‘Elaona.
17Pea fakatau folofola ‘a Tēvita ki he ‘Eiki ‘i he‘ene vakai ‘a e ‘āngelo ‘oku ne fai ‘a e taa‘i ‘o e kakai, ‘o ne pehē; Vakai, ko au kuo u hia, pea kuo u fai kovi: ka ko e fanga sipi ni, ko e hā ‘anautolu kuo fai? Ke tō mu‘a kiate au ho‘o tā, pea ki he fale ‘o ‘eku tamai.
18Pea ‘alu ‘a Kata kia Tēvita ‘i he ‘aho ko ia, ‘o ne pehē ki ai, ‘Alu hake, ‘o fokotu‘u ha ‘ōlita kia Sihova ‘i he haha‘anga ‘o e Siepusi ko ‘Elaona. 19Ko ia na‘e hā‘ele hake ‘a Tēvita hangē ko e lea ‘a Kata ‘i he funga ‘o e tu‘utu‘uni ‘a Sihova. 20Pea fakasio atu ‘a ‘Elaona, ‘o ne vakai ki he tu‘i mo ‘ene kau tamaio‘eiki ‘oku nau fakafononga mai kiate ia: pea ‘alu atu ‘a ‘Elaona, ‘o tō fo‘ohifo he fai ‘ene faka‘apa‘apa ki he tu‘i. 21Pea fakatau folofola hake ‘e ‘Elaona, Ko e hā kuo me‘a mai ai ‘a e ‘afio ko e tu‘i ki he‘ene tamaio‘eiki ko au? Pea tali ‘e Tēvita, Koe‘uhi he fakatau meiate koe ‘a e haha‘anga ke langa ai ha ‘ōlita kia Sihova, ke ta‘ofi ‘a e mala mei he kakai.
22Pea fakatau folofola ‘a ‘Elaona kia Tēvita, Ke fa‘iteliha ‘a e ‘afio ‘a e tu‘i ha me‘a te ne to‘o ‘o feia: vakai, ko e fanga pulu ē ki he feilaulau-mōifua, mo e ngaahi me‘a haha mo e nāunau ‘o e pulu ke fefie ‘aki; 23ko hono kotoa na‘e foaki ‘e ‘Elaona ko e tu‘i ki he tu‘i.#24.23 ko e tu‘i ki he tu‘i; Ko hono faka-Hepeluú ia, ka ‘oku ngali tonu ange ‘a hono faka‘uhinga ‘o: Ēī, ‘oku foaki hono kotoa ‘e ‘Elaona ki he ‘afiona. Na‘e pehē foki ‘e ‘Elaona ki he tu‘i, ‘Ofa ke tali koe ‘e Sihova ko ho ‘Otua!
24Pea folofola ‘a e tu‘i kia ‘Elaona, ‘Ikai; ka te u mātu‘aki fakatau pa‘anga pē meiate koe: ‘o ‘ikai te u feia kia Sihova ko hoku ‘Otua ha ngaahi feilaulau kuo u ma‘u fakafiemālie. Ko ia na‘e fakatau ‘e Tēvita ‘a e haha‘anga mo e fanga pulu ‘aki ‘a e nimangofulu‘i sikeli siliva. 25Pea na‘e langa ai ‘e Tēvita ha ‘ōlita kia Sihova, ‘o ne feia ai ‘ani feilaulau-mōifua mo ‘ofa. Pea ‘ikai kei tekaki ‘e he ‘Eiki ‘enau hufekina ‘a e fonua, pea na‘e ta‘ofi ‘a e mala mei ‘Isileli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.