Salmos 26
26
David: Apuru wi itiur pujaja tusam nekarata timiauri#2 Sam 15.1-16
1Yusru wikia tunaarinchau pujau asamtai,
wi itiur pujaja nusha nekarata.
Apuru tuke aminak nintimsan pujajai.
2Wi itiur pujaja tusam winasha nekaprutata.
Tura wina nintimaur itiur ainawa tusam nekamtikruata.
Tura wina nintirun nintimja nusha nekamtikruata.#Sal 139.23-24
3Wikia aminu anengkratairumin pengké kajinmatsjai.
Tura amincha tuke nintimnuyajme.
4Tura wait chichaman etserin ainaujaisha pengké pujuchuyajai.
Tura mai nintim wajau ainaujaisha pengké iruntrachmiajai.
5Pasé aints ainaujai iruntanka pengké nakitnuyajai.
Tura amin umirtamtsuk pujuu ainaujaisha tsaningnasha pujuchuyajai.#Sal 1.1-2
6Wina uwejrujaingkia tunaanaka pengké takachuyajai.
Apuru tu pujau asan amin:
Ameketme juuntam titasan tangku epetinam jeatasan wakerajai.
7Tura amin:
Ameketme pengkeram titasan kantan kantamruatasan wakerajme; tura ami turamurmincha etserkatasan wakerajai.
8Apuru ami pujutiram nekas pengker aa nuna wikia aneajai.
Ame paaniunam pujau asakmin,
paaniurmincha wainkatasan wakerajai.
9Wait aneasam,
pasé aints ainaujai tsaniasam amesha jakata turutiip.
Tura mangkartin ainau jainawa nunismek amesha jakata tusam pujutruka jurutkiip.
10Nu aints ainauka nekasar tunaunaka tuke takainawai.
Tura chikich ainaun kuikian suwinak:
Ame nu aints pachisam wait chicham ujakta tinu ainawai.
11Antsu nu aints ainau pasé turinamunka pengké turichuitjai.
Tura asamtai wait aneasam uwemtikrurta.
12Yusru wikia nungka yumpunkachminnum wajaina nunisnak amin tuke nintimsan pujajai.
Tura amin umirtamin iruntramunam amincha:
Ameketme pengkeram titatjame.#Jos 24.14-15
Currently Selected:
Salmos 26: acu
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
