ဢွၵ်ႇၵႂႃႇ 23
23
တြႃးတၢင်းဢၼ်ႁဵတ်းၽဵင်ႇၽဵင်ႇ
1“ယႃႇပေပိုၼ်ၽၢဝ်ႇၶၢဝ်ႇငၢဝ်းဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉ။ ယႃႇပေဢဝ်တင်းသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈလႄႈၸွႆႈလၢတ်ႈထႅမ်လၢတ်ႈပုၼ်ႈၵေႃႉဢၼ်ဢမ်ႇတြႃးၼၼ်ႉ။- 2ယႃႇပေယူႇၽၢႆႇၵူၼ်းၼမ်ဢၼ်ႁဵတ်းဢမ်ႇတြႃးၼၼ်ႉ။ ၼႂ်းလွင်ႈတၢင်းဢၼ်လၢတ်ႈဢမုၵေႃႈယႃႇပေယူႇၽၢႆႇၵူၼ်းၼမ်သေလႄႈႁႂ်ႈပိူင်ႈသဵၼ်ႈတၢင်းတြႃးၼၼ်ႉ။- 3ယႃႇပေၶဝ်ႈၶၢင်ႈၽၢႆႇၵူၼ်းၽၢၼ်ၼႂ်းလွင်ႈတၢင်းဢၼ်လၢတ်ႈဢမုၶဝ်ၼၼ်ႉ။
4“ပေႃးမႂ်းထူပ်းႁၼ်ဝူဝ်း၊မႃႉလီႈ၊ဢၼ်ပဵၼ်ၶွင်ရၢၼ်ႇသူႇမႂ်းၽိတ်းတၢင်းႁၢႆၵႂႃႇၼၼ်ႉၸိုင်၊ဢဝ်သူင်ႇၶိုၼ်းတီႈၸဝ်ႈမၼ်းတႃႉ။- 5ပေႃးမႂ်းထူပ်းႁၼ်မႃႉလီႈၵေႃႉဢၼ်ၸင်းမႂ်းၼၼ်ႉလူမ်ႉယူႇၵႃႈတႂ်ႈလင်ၶူဝ်းမၼ်းၼၼ်ႉၸိုင်၊ၽွမ်ႉလူၺ်ႈၵၼ်တင်းမၼ်းလႄႈၸွႆႈပူၵ်းပၼ်မႃႉလီႈၼၼ်ႉတႃႉ။ ယႃႇပေပႆပူၼ်ႉၵႂႃႇလၢႆလၢႆ။
6“ယႃႇပေဝႄႈပိူင်ႈသဵၼ်ႈတၢင်းတြႃးဢၼ်သိုဝ်ႈတေႃႇလႄႈၸီႇယၢင်ႇဢမုတီႈၵူၼ်းယၢၵ်ႈၵူၼ်းၽၢၼ်ၼႂ်းလွင်ႈဢၼ်လၢတ်ႈဢမုမၼ်းၼၼ်ႉ။- 7ၼႂ်းတၢင်းဢၼ်ၸီႇယၢင်ႇဢမုၼၼ်ႉယႃႇပေႁႂ်ႈလႆႈၽိတ်းလႆႈပိူင်ႈ။ ယႃႇပေႁႂ်ႈလႆႈဢဝ်တၢႆၵေႃႉဢၼ်ဢမ်ႇမီးဢပျတ်ႈလႄႈဢၼ်သိုဝ်ႈတေႃႇၼၼ်ႉ။ လွင်ႈမၼ်းၸမ်ႉ၊ၵေႃႉဢၼ်ႁဵတ်းဢမ်ႇတြႃးၼၼ်ႉၵဝ်ဢမ်ႇပွႆႇႁႂ်ႈဢပျတ်ႈၶဝ်လွတ်ႈလႃးလႃးၵူၺ်း။- 8ယႃႇပေၵိၼ်သူးၵိၼ်လၢပ်ႈ။ သူးလၢပ်ႈၸိုင်၊ၸၢင်ႈႁဵတ်းႁႂ်ႈတႃၶုၼ်လုမ်းလပ်းၵႂႃႇမွတ်ႇၵႂႃႇလႄႈ၊ၸၢင်ႈႁႂ်ႈတၢင်းႁဵတ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉပိူင်ႈၵႂႃႇၽိတ်းၵႂႃႇဢေႃႈ။
9“ယႃႇပေႁဵတ်းပႄႉႁဵတ်းၼႅင်ႇၶႅၵ်ႇဢၼ်ပဵၼ်ၵူၼ်းတၢင်ႇဝၢၼ်ႈတၢင်ႇမိူင်းၼၼ်ႉပိူဝ်ႈဢၼ်သူယၢမ်ႈပဵၼ်ၶႅၵ်ႇၼႂ်းမိူင်းဢေးၵျိပ်ႉ၊မႃးယဝ်ႉလႄႈ၊ၸႂ်သၽေႃးၶႅၵ်ႇပဵၼ်ၸိူဝ်ႉၼင်ႇႁိုဝ်သူႁုယူႇဢေႃႈ။
ပီဢၼ်ထူၼ်ႈၸဵတ်းပီလႄႈဝၼ်းဢၼ်ထူၼ်ႈၸဵတ်းဝၼ်း
10“ၼႂ်းၸူဝ်ႈႁူၵ်းပီၼၼ်ႉဢွၼ်ၵၼ်ႁဵတ်းႁႆႈႁဵတ်းၼႃးလႄႈသိမ်းဢဝ်မၢၵ်ႇဢဝ်ႁူင်းမၼ်းတႃႉ။- 11ၵူၺ်းၵႃႈ၊မိူဝ်ႈဢၼ်ထူၼ်ႈပီတီႈၸဵတ်းၼၼ်ႉၸိုင်၊တၵ်းဢမ်ႇလႆႈႁဵတ်းႁႆႈႁဵတ်းၼႃးလႄႈတၵ်းလႆႈပွႆႇႁႆႈပွႆႇၼႃးႁၢမ်းဝႆႉဢေႃႈ။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ၵူၼ်းယၢၵ်ႈၵူၼ်းၽၢၼ်ၶဝ်တၵ်းလႆႈၵိၼ်ၵႃႈဢၼ်ဢွၵ်ႇမႃးၼႂ်းၼႃးၼၼ်ႉလႄႈ၊တူဝ်ထိူၼ်ႇတင်းလၢႆၵေႃႈတၵ်းလႆႈၵိၼ်ဢၼ်ၵိုတ်းဢၼ်ၵျၢၼ်ႇမၼ်းဢေႃႈ။ သူၼ်မၢၵ်ႇၸပိတ်ႉလႂ်၊သူၼ်မၢၵ်ႇသၢၼ်ႇလုၼ်ႇလႂ်ၸိူဝ်းၼၼ်ႉၵေႃႈတၵ်းလႆႈႁဵတ်းၸိူဝ်ႉၼင်ႇၼၼ်ၼင်ႇၵဝ်ႇဢေႃႈ။
12“ၼႂ်းၸူဝ်ႈႁူၵ်းဝၼ်းၼၼ်ႉဢွၼ်ၵၼ်ႁဵတ်းၵၢၼ်ႁဵတ်းငၢၼ်းတႃႉ။ ၵူၺ်းၵႃႈ၊ၼႂ်းဝၼ်းဢၼ်ထူၼ်ႈဝၼ်းတီႈၸဵတ်းၼၼ်ႉၸိုင်၊တၵ်းဢမ်ႇလႆႈႁဵတ်းၵၢၼ်သေၸိူဝ်ႉသေပိူင်လႃးလႃး။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ၶႃႈသူတင်းလၢႆလႄႈၶႅၵ်ႇဢၼ်ႁဵတ်းၵၢၼ်သူတင်းလၢႆ ဢိၵ်ႇတင်းတူဝ်တရိၵ်ႈသၢၼ်ႇသူတင်းလၢႆလႆႈလိုဝ်ႈႁိူဝ်ႉႁွမ်ႁႅင်းဢေႃႈ။
13“ၵႃႈဢၼ်ၵဝ်ထႃႇဝရႃႉၽြႃး၊မီးဢမိင်ႉတီႈသူဝႆႉၵူႈၸိူဝ်ႉၵူႈပိူင်ၼၼ်ႉထွမ်ႇဢဝ်တႃႉ။ ယႃႇပေတိူင်ႇႁႃၵၢဝ်ႇႁႃၽြႃးတၢင်ႇသူႇတၢင်ႇပႃး။ ၸိုဝ်ႈသဵင်ၶဝ်ၵူၺ်းၵေႃႈယႃႇပေလၢတ်ႈဢွၵ်ႇသူပ်းသူ။
ပွႆးလူင်သၢမ်မဵဝ်း
(တူၺ်း၊ ဢွၵ်ႇၵႂႃႇ 34:18-26။ ႁေႃးတြႃး 16:1-17)
14“ၼႂ်းယေႈပီတၵ်းလႆႈႁဵတ်းပွႆးလူင်သၢမ်ပွၵ်ႈပုၼ်ႈၵဝ်ဢေႃႈ။- 15တၵ်းလႆႈႁဵတ်းပွႆးၵိၼ်ၶဝ်ႈမုၼ်းဢၼ်ဢမ်ႇသႂ်ႇၸိူဝ်ႉပႅင်ႈၼႂ်းလိူၼ်ဢပိပႃႉ#23:15 “လိူၼ်ဢပိပႃႉ” ပဵၼ်ၸိုဝ်ႈလိူၼ်ၵူၼ်းႁေႇပြႄးလႄႈပဵၼ်ဢၼ်မီးၼႂ်းဝူင်ႈၵၢင်လိူၼ်သီႇတင်းလိူၼ်ႁႃႈတႆးဢေႃႈလိူၼ်ဢၼ်သူဢွၵ်ႇမိူင်းဢေးၵျိပ်ႉ၊မႃးၼၼ်ႉဢေႃႈ။ ၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈသူၼၼ်ႉ၊သူတၵ်းလႆႈၵိၼ်ၶဝ်ႈမုၼ်းဢၼ်ဢမ်ႇသႂ်ႇၸိူဝ်ႉပႅင်ႈၸဵတ်းဝၼ်းတဵမ်တဵမ်ဢေႃႈ။ ယင်းဢမ်ႇပႃးၶိူင်ႈတၢင်းလူႇလႄႈၽူႈလႂ်ဢမ်ႇလႆႈမႃးဝႆႈသႃၵူဝ်းၵႂၢႆႇၵဝ်လူၺ်ႈတူဝ်လၢႆမိုဝ်းပဝ်ႇ။
16“တၵ်းလႆႈႁဵတ်းပွႆးပၢတ်ႇဢဝ်မၢၵ်ႇဢဝ်ႁူင်းဢၼ်ပဵၼ်မၢၵ်ႇပဵၼ်ႁူင်းဢၼ်မၢၵ်ႇဢွၼ်တၢင်းပိူၼ်ႈၵႃႈၼႂ်းႁႆႈၼႂ်းၼႃးဢၼ်သူၽုၵ်ႇသွမ်ႈၼၼ်ႉဢေႃႈ။
“တၵ်းလႆႈႁဵတ်းပွႆးသုမ်ႉထဵင်#23:16 “ပွႆးသုမ်ႉထဵင်” - ၵျၢမ်းမူႇမၢင်ဢၼ်ဝႃႈ၊ “ပွႆးဢၼ်သိမ်းဢဝ်မၢၵ်ႇဢဝ်ႁူင်းဝႆႉ” ဢေႃႈ။ ၼႂ်းႁၢင်ပီမိူဝ်ႈဢၼ်သူဢဝ်မၢၵ်ႇဢဝ်ႁူင်းမႃးသိမ်းဝႆႉၼႂ်းယွင်ႈၼႂ်းယေးၼၼ်ႉဢေႃႈ။- 17ၼႂ်းပွႆးတင်းသၢမ်ပွၵ်ႈၼႆႉၵႃႈပဵၼ်ၵူၼ်းၸၢႆးတင်းသဵင်ႈတင်းလူင်တၵ်းလႆႈမႃးဝႆႈသႃၵူဝ်းၵႂၢႆႇၵဝ်ဢၼ်ပဵၼ်ထႃႇဝရႃႉၽြႃး၊ၽြႃးပဵၼ်ၸဝ်ႈသူၵူႈပီဢေႃႈ။
18“ၼႂ်းမိူဝ်ႈဢၼ်သူသၢၵ်ႈလူႇတူဝ်သတ်းတီႈၵဝ်ၼၼ်ႉယႃႇပေသၢၵ်ႈလူႇလူၺ်ႈၵၼ်တင်းၶဝ်ႈမုၼ်းဢၼ်သႂ်ႇၸိူဝ်ႉပႅင်ႈၼၼ်ႉ။ ၵွၼ်ႈၶႆၵွၼ်ႈမၼ်းတူဝ်တၢင်းလူႇၼၼ်ႉၵေႃႈယႃႇပေႁႂ်ႈၵိုတ်းဝႆႉၵျၢၼ်ႇဝႆႉတေႃႇထိုင်ႁွတ်ႈၶိင်ႇၵၢင်ၼႂ်။
19“ဢဝ်မၢၵ်ႇဢဝ်ႁူင်းဢၼ်သူဝိတ်းသူပၢတ်ႇဢွၼ်တၢင်းသုတ်းပိူၼ်ႈၼၼ်ႉမႃးသႂၢင်းသႂ်ႇဝႆႉၵႃႈၼႂ်းႁိူၼ်းထႃႇဝရႃႉၽြႃး၊ၽြႃးပဵၼ်ၸဝ်ႈသူတႃႉ။
“တၵ်းဢမ်ႇလႆႈဢဝ်သူဝ်းဢွၼ်ႇပႄႉဢွၼ်ႇတူမ်ႈၼႂ်းၼမ်ႉၼူမ်းမႄႈမၼ်း။
ၵႂၢမ်းၵတိလႄႈၵႂၢမ်းသင်ႇၽြႃးပဵၼ်ၸဝ်ႈ
20“ၵဝ်တၵ်းပွႆႇၸႂ်ႉတမၢၼ်ႇၵၢင်ႁၢဝ်ပႃးၼိုင်ႈဢွၼ်ႁူဝ်တၢင်းသူၵႂႃႇပုၼ်ႈတႃႇတၵ်းႁႄႉတၵ်းၵင်ႈသူၸွမ်းသဵၼ်ႈတၢင်းသူလႄႈဢွၼ်သူင်ႇသူၵႂႃႇၵႃႈတီႈဢၼ်ၵဝ်မႄးႁႅၼ်းဝႆႉၼၼ်ႉဢေႃႈ။- 21ႁဵတ်းသတိလႄႈထွမ်ႇဢဝ်ၵႂၢမ်းမၼ်းတႃႉ။ ယႃႇပေႁဵတ်းၶတ်းႁဵတ်းၶဵင်ႇမၼ်း။ မၼ်းတၵ်းဢမ်ႇပွႆႇဢမ်ႇၶႂၢင်းဢပျတ်ႈဢၼ်သူၽိတ်းပိူင်ႈၼၼ်ႉၵူၺ်း။ ၼႃႇမႃႉၸိုဝ်ႈသဵင်ၵဝ်မီးယူႇၵႃႈၼႂ်းမၼ်းဢေႃႈ။- 22ပေႃးသူထွမ်ႇဢဝ်ၵႂၢမ်းမၼ်းလႄႈႁဵတ်းၸွမ်းၵႃႈၼင်ႇဢၼ်ၵဝ်မီးဢမိင်ႉဝႆႉၼၼ်ႉၸိုင်၊ၵဝ်တၵ်းတိုၵ်းတေႃးပႅတ်ႈရၢၼ်ႇသူႇသူ#23:22 “ၵဝ်တၵ်းတိုၵ်းတေႃးပႅတ်ႈရၢၼ်ႇသူႇသူ” - ၼႂ်းၵျၢမ်းမူႇမၢင်ဢၼ်ဝႃႈ၊ “တၵ်းႁဵတ်းရၢၼ်ႇသူႇတီႈရၢၼ်ႇသူႇသူ၊သမ်ႉတၵ်းႁဵတ်းၵေႃႉဢၼ်ႁႄႉဢၼ်ၶႅၼ်တီႈၶဝ်ၸိူဝ်းဢၼ်ႁႄႉၶႅၼ်သူ” ဢေႃႈ။ ၵႃႈမီးတင်းသဵင်ႈတင်းလူင်ဢေႃႈ။- 23တမၢၼ်ႇၵၢင်ႁၢဝ်ၵဝ်တၵ်းဢွၼ်ႁူဝ်သူၵႂႃႇၶဝ်ႈၸူးၵႃႈၼႂ်းမိူင်းၵူၼ်းမဵဝ်းဢႃႇမေႃးရိ၊ၵူၼ်းမဵဝ်းႁိတ်ႉတိ၊ၵူၼ်းမဵဝ်းၽေႇရၸိ၊ၵူၼ်းမဵဝ်းၶႃႇၼၼိ၊ၵူၼ်းမဵဝ်းႁိဝိ၊ၵူၼ်းမဵဝ်းယေႇပုသိ၊ၸိူဝ်းၼၼ်ႉလႄႈ၊ၵဝ်တၵ်းပႄႇၽဵဝ်ႈၵူၼ်းမဵဝ်းၸိူဝ်းၼၼ်ႉပႅတ်ႈဢေႃႈ။- 24သူတၵ်းဢမ်ႇလႆႈၵူမ်ႈႁူဝ်ၵွမ်းႁူဝ်ၸူးလႄႈဝႆႈၽြႃးၶဝ်ၵႃႈမီးၸိူဝ်းၼၼ်ႉ၊တၵ်းဢမ်ႇလႆႈၵမ်ၵျၢင်ႉၸွမ်းထုင်းၸၢမ်ႇၽႃႇသႃႇၶဝ်ၼၼ်ႉ။ တၵ်းလႆႈယႃႉလႅဝ်ၽြႃးၸိူဝ်းၼၼ်ႉပႅတ်ႈလႄႈႁၵ်းႁိၵ်းသဝ်ႁိၼ်ဢၼ်ၶဝ်ဝႆႈသႃၸိူဝ်းၼၼ်ႉပႅတ်ႈမူတ်းမူတ်းသဵင်ႈသဵင်ႈဢေႃႈ။- 25သူတၵ်းလႆႈဝႆႈသႃၵူဝ်းၵႂၢႆႇၵဝ်ထႃႇဝရႃႉၽြႃး၊ဢၼ်ပဵၼ်ၽြႃးပဵၼ်ၸဝ်ႈသူၼၼ်ႉဢေႃႈ။ ၵဝ်တၵ်းပၼ်တၢင်းလီၵႃႈၼိူဝ်ဢႁႃႇရႃႉတၢင်းၵိၼ်သူဢိၵ်ႇတင်းတီႈၼမ်ႉသူဢေႃႈ။ ၵဝ်တၵ်းဢဝ်တၢင်းၶႆႈတၢင်းပဵၼ်သူဢွၵ်ႇပႅတ်ႈဢေႃႈ။- 26ၵႃႈၼႂ်းမိူင်းသူၼၼ်ႉမႄႈယိင်းဢၼ်ပတိၵ်ႈသၼ်ႇထေႇလုသေဢမ်ႇဝႃႈ၊မႄႈယိင်းဢၼ်ဢမ်ႇမီးလုၵ်ႈသေဢမ်ႇဝႃႈ၊တေဢမ်ႇမီးလႃးလႃး၊ၵဝ်တၵ်းႁႂ်ႈဢသၢၵ်ႈသူယိုၼ်းယၢဝ်းဢေႃႈ။
27“ၵဝ်တၵ်းႁဵတ်းႁႂ်ႈၶဝ်ၸိူဝ်းဢၼ်ၶတ်းၶဵင်ႇၵၼ်တင်းသူၼၼ်ႉၵူဝ်ႁႄၵဝ်ဢေႃႈ။ တီႈၶဝ်ၸိူဝ်းဢၼ်တိုၵ်းတေႃးၵၼ်တင်းသူၼၼ်ႉၵဝ်တၵ်းႁႂ်ႈၶဝ်သုၵ်ႉယုင်ႈၵၼ်ဢေႃႈ။ ရၢၼ်ႇသူႇသူၵႃႈမီးတင်းသဵင်ႈတင်းလူင်ၵေႃႈၵဝ်တၵ်းႁႂ်ႈၶဝ်ဝၢႆႇႁူဝ်လႅၼ်ႈပၢႆႈပႅတ်ႈသူဢေႃႈ။- 28ၵဝ်တၵ်းပွႆႇၸႂ်ႉၽေးတေႃႇၽေးတႅၼ်ၵႂႃႇဢွၼ်တၢင်းသူလႄႈၶဝ်တၵ်းႁေႃႈၵူၼ်းမဵဝ်းႁိဝိ၊ၵူၼ်းမဵဝ်းၶႃႇၼၼိ၊ဢိၵ်ႇတင်းၵူၼ်းမဵဝ်းႁိတ်ႉတိ၊ၸိူဝ်းၼၼ်ႉဢွၵ်ႇပၢႆႈသေၵႃႈတီႈၽၢႆႇၼႃႈသူဢေႃႈ။- 29ၵဝ်တၵ်းႁေႃႈၵူၼ်းၸိူဝ်းၼၼ်ႉဢွၵ်ႇၼႂ်းတႂၢင်းပီၼိုင်ႈဢမ်ႇၸႂ်ႈၵူၺ်း။ ပေႃးၵဝ်ႁဵတ်းၸိူဝ်ႉၼင်ႇၼၼ်ၸိုင်၊လိၼ်မိူင်းတၵ်းပဵၼ်ထိူၼ်ႇႁၢမ်းၵႂႃႇလႄႈ၊တူဝ်ထိူၼ်ႇႁၢႆႉၵေႃႈတၵ်းၼမ်ၵိုၼ်းၼႃႇလူင်လၢင်တီႈသူဢေႃႈ။- 30ၵဝ်တၵ်းႁေႃႈၶဝ်ဢွၵ်ႇယေႈပွၵ်ႈယေႈဢိတ်းတေႃႇထိုင်ႁွတ်ႈသူၼမ်မႃးၵိုၼ်းမႃးထၢၼ်ႈပေႃးၸၢမ်ႇၸႃးမိူင်းတင်းမိူင်းၵႂႃႇၼၼ်ႉဢေႃႈ။- 31ၵဝ်တၵ်းမၵ်းမၢႆလႅၼ်လိၼ်ပုၼ်ႈမိူင်းသူတႄႇဢဝ်တီႈပၢင်ႇလၢႆႇလႅင်၊တေႃႇထိုင်ပၢင်ႇလၢႆႇၽိလိတ်ႉတိ၊ဢိၵ်ႇတင်းတႄႇဢဝ်ထိူၼ်ႇလႅင်ႉၼၼ်ႉတေႃႇထိုင်ၼမ်ႉဢုၽရတ်ႉ၊ဢေႃႈ။ ၵဝ်တၵ်းဢဝ်ၵူၼ်းမိူင်းၼၼ်ႉဢၢပ်ႈပၼ်ၼႂ်းမိုဝ်းသူဢေႃႈ။ သူသမ်ႉတၵ်းႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈသူဢေႃႈ။- 32သူတၵ်းဢမ်ႇလႆႈႁဵတ်းၵေႃႉႁဵတ်းသႄႈတၢင်းဢၼ်ၽွမ်ႉၸႂ်ၵၼ်တင်းၶဝ် ဢိၵ်ႇတင်းၽြႃးၶဝ်တင်းလၢႆၼၼ်ႉ။- 33ယႃႇပေႁႂ်ႈၵူၼ်းၸိူဝ်းၼၼ်ႉယူႇၵႃႈၼႂ်းမိူင်းသူ။ ပေႃးသူႁႂ်ႈၶဝ်ယူႇၸိုင်၊ၵူဝ်ၶဝ်ႁဵတ်းႁႂ်ႈသူလႆႈၽိတ်းပိူင်ႈၵဝ်ဢေႃႈ။ ပေႃးသူႁဵတ်းဝၢတ်ႈလႄႈဝႆႈၽြႃးၶဝ်ၸိုင်၊တၵ်းပဵၼ်တူင်ႇႁႅဝ်ႉတူင်ႇၶိုမ်းဢၼ်သူၸၢင်ႈၶမ်လႄႈတၢႆဢေႃႈ၊” ဝႃႈၼင်ႇၼႆဢေႃႈ။
Currently Selected:
ဢွၵ်ႇၵႂႃႇ 23: SHNCL
Highlight
Share
Copy
Want to have your highlights saved across all your devices? Sign up or sign in
ဢွၵ်ႇၵႂႃႇ 23
23
တြႃးတၢင်းဢၼ်ႁဵတ်းၽဵင်ႇၽဵင်ႇ
1“ယႃႇပေပိုၼ်ၽၢဝ်ႇၶၢဝ်ႇငၢဝ်းဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉ။ ယႃႇပေဢဝ်တင်းသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈလႄႈၸွႆႈလၢတ်ႈထႅမ်လၢတ်ႈပုၼ်ႈၵေႃႉဢၼ်ဢမ်ႇတြႃးၼၼ်ႉ။- 2ယႃႇပေယူႇၽၢႆႇၵူၼ်းၼမ်ဢၼ်ႁဵတ်းဢမ်ႇတြႃးၼၼ်ႉ။ ၼႂ်းလွင်ႈတၢင်းဢၼ်လၢတ်ႈဢမုၵေႃႈယႃႇပေယူႇၽၢႆႇၵူၼ်းၼမ်သေလႄႈႁႂ်ႈပိူင်ႈသဵၼ်ႈတၢင်းတြႃးၼၼ်ႉ။- 3ယႃႇပေၶဝ်ႈၶၢင်ႈၽၢႆႇၵူၼ်းၽၢၼ်ၼႂ်းလွင်ႈတၢင်းဢၼ်လၢတ်ႈဢမုၶဝ်ၼၼ်ႉ။
4“ပေႃးမႂ်းထူပ်းႁၼ်ဝူဝ်း၊မႃႉလီႈ၊ဢၼ်ပဵၼ်ၶွင်ရၢၼ်ႇသူႇမႂ်းၽိတ်းတၢင်းႁၢႆၵႂႃႇၼၼ်ႉၸိုင်၊ဢဝ်သူင်ႇၶိုၼ်းတီႈၸဝ်ႈမၼ်းတႃႉ။- 5ပေႃးမႂ်းထူပ်းႁၼ်မႃႉလီႈၵေႃႉဢၼ်ၸင်းမႂ်းၼၼ်ႉလူမ်ႉယူႇၵႃႈတႂ်ႈလင်ၶူဝ်းမၼ်းၼၼ်ႉၸိုင်၊ၽွမ်ႉလူၺ်ႈၵၼ်တင်းမၼ်းလႄႈၸွႆႈပူၵ်းပၼ်မႃႉလီႈၼၼ်ႉတႃႉ။ ယႃႇပေပႆပူၼ်ႉၵႂႃႇလၢႆလၢႆ။
6“ယႃႇပေဝႄႈပိူင်ႈသဵၼ်ႈတၢင်းတြႃးဢၼ်သိုဝ်ႈတေႃႇလႄႈၸီႇယၢင်ႇဢမုတီႈၵူၼ်းယၢၵ်ႈၵူၼ်းၽၢၼ်ၼႂ်းလွင်ႈဢၼ်လၢတ်ႈဢမုမၼ်းၼၼ်ႉ။- 7ၼႂ်းတၢင်းဢၼ်ၸီႇယၢင်ႇဢမုၼၼ်ႉယႃႇပေႁႂ်ႈလႆႈၽိတ်းလႆႈပိူင်ႈ။ ယႃႇပေႁႂ်ႈလႆႈဢဝ်တၢႆၵေႃႉဢၼ်ဢမ်ႇမီးဢပျတ်ႈလႄႈဢၼ်သိုဝ်ႈတေႃႇၼၼ်ႉ။ လွင်ႈမၼ်းၸမ်ႉ၊ၵေႃႉဢၼ်ႁဵတ်းဢမ်ႇတြႃးၼၼ်ႉၵဝ်ဢမ်ႇပွႆႇႁႂ်ႈဢပျတ်ႈၶဝ်လွတ်ႈလႃးလႃးၵူၺ်း။- 8ယႃႇပေၵိၼ်သူးၵိၼ်လၢပ်ႈ။ သူးလၢပ်ႈၸိုင်၊ၸၢင်ႈႁဵတ်းႁႂ်ႈတႃၶုၼ်လုမ်းလပ်းၵႂႃႇမွတ်ႇၵႂႃႇလႄႈ၊ၸၢင်ႈႁႂ်ႈတၢင်းႁဵတ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉပိူင်ႈၵႂႃႇၽိတ်းၵႂႃႇဢေႃႈ။
9“ယႃႇပေႁဵတ်းပႄႉႁဵတ်းၼႅင်ႇၶႅၵ်ႇဢၼ်ပဵၼ်ၵူၼ်းတၢင်ႇဝၢၼ်ႈတၢင်ႇမိူင်းၼၼ်ႉပိူဝ်ႈဢၼ်သူယၢမ်ႈပဵၼ်ၶႅၵ်ႇၼႂ်းမိူင်းဢေးၵျိပ်ႉ၊မႃးယဝ်ႉလႄႈ၊ၸႂ်သၽေႃးၶႅၵ်ႇပဵၼ်ၸိူဝ်ႉၼင်ႇႁိုဝ်သူႁုယူႇဢေႃႈ။
ပီဢၼ်ထူၼ်ႈၸဵတ်းပီလႄႈဝၼ်းဢၼ်ထူၼ်ႈၸဵတ်းဝၼ်း
10“ၼႂ်းၸူဝ်ႈႁူၵ်းပီၼၼ်ႉဢွၼ်ၵၼ်ႁဵတ်းႁႆႈႁဵတ်းၼႃးလႄႈသိမ်းဢဝ်မၢၵ်ႇဢဝ်ႁူင်းမၼ်းတႃႉ။- 11ၵူၺ်းၵႃႈ၊မိူဝ်ႈဢၼ်ထူၼ်ႈပီတီႈၸဵတ်းၼၼ်ႉၸိုင်၊တၵ်းဢမ်ႇလႆႈႁဵတ်းႁႆႈႁဵတ်းၼႃးလႄႈတၵ်းလႆႈပွႆႇႁႆႈပွႆႇၼႃးႁၢမ်းဝႆႉဢေႃႈ။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ၵူၼ်းယၢၵ်ႈၵူၼ်းၽၢၼ်ၶဝ်တၵ်းလႆႈၵိၼ်ၵႃႈဢၼ်ဢွၵ်ႇမႃးၼႂ်းၼႃးၼၼ်ႉလႄႈ၊တူဝ်ထိူၼ်ႇတင်းလၢႆၵေႃႈတၵ်းလႆႈၵိၼ်ဢၼ်ၵိုတ်းဢၼ်ၵျၢၼ်ႇမၼ်းဢေႃႈ။ သူၼ်မၢၵ်ႇၸပိတ်ႉလႂ်၊သူၼ်မၢၵ်ႇသၢၼ်ႇလုၼ်ႇလႂ်ၸိူဝ်းၼၼ်ႉၵေႃႈတၵ်းလႆႈႁဵတ်းၸိူဝ်ႉၼင်ႇၼၼ်ၼင်ႇၵဝ်ႇဢေႃႈ။
12“ၼႂ်းၸူဝ်ႈႁူၵ်းဝၼ်းၼၼ်ႉဢွၼ်ၵၼ်ႁဵတ်းၵၢၼ်ႁဵတ်းငၢၼ်းတႃႉ။ ၵူၺ်းၵႃႈ၊ၼႂ်းဝၼ်းဢၼ်ထူၼ်ႈဝၼ်းတီႈၸဵတ်းၼၼ်ႉၸိုင်၊တၵ်းဢမ်ႇလႆႈႁဵတ်းၵၢၼ်သေၸိူဝ်ႉသေပိူင်လႃးလႃး။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ၶႃႈသူတင်းလၢႆလႄႈၶႅၵ်ႇဢၼ်ႁဵတ်းၵၢၼ်သူတင်းလၢႆ ဢိၵ်ႇတင်းတူဝ်တရိၵ်ႈသၢၼ်ႇသူတင်းလၢႆလႆႈလိုဝ်ႈႁိူဝ်ႉႁွမ်ႁႅင်းဢေႃႈ။
13“ၵႃႈဢၼ်ၵဝ်ထႃႇဝရႃႉၽြႃး၊မီးဢမိင်ႉတီႈသူဝႆႉၵူႈၸိူဝ်ႉၵူႈပိူင်ၼၼ်ႉထွမ်ႇဢဝ်တႃႉ။ ယႃႇပေတိူင်ႇႁႃၵၢဝ်ႇႁႃၽြႃးတၢင်ႇသူႇတၢင်ႇပႃး။ ၸိုဝ်ႈသဵင်ၶဝ်ၵူၺ်းၵေႃႈယႃႇပေလၢတ်ႈဢွၵ်ႇသူပ်းသူ။
ပွႆးလူင်သၢမ်မဵဝ်း
(တူၺ်း၊ ဢွၵ်ႇၵႂႃႇ 34:18-26။ ႁေႃးတြႃး 16:1-17)
14“ၼႂ်းယေႈပီတၵ်းလႆႈႁဵတ်းပွႆးလူင်သၢမ်ပွၵ်ႈပုၼ်ႈၵဝ်ဢေႃႈ။- 15တၵ်းလႆႈႁဵတ်းပွႆးၵိၼ်ၶဝ်ႈမုၼ်းဢၼ်ဢမ်ႇသႂ်ႇၸိူဝ်ႉပႅင်ႈၼႂ်းလိူၼ်ဢပိပႃႉ#23:15 “လိူၼ်ဢပိပႃႉ” ပဵၼ်ၸိုဝ်ႈလိူၼ်ၵူၼ်းႁေႇပြႄးလႄႈပဵၼ်ဢၼ်မီးၼႂ်းဝူင်ႈၵၢင်လိူၼ်သီႇတင်းလိူၼ်ႁႃႈတႆးဢေႃႈလိူၼ်ဢၼ်သူဢွၵ်ႇမိူင်းဢေးၵျိပ်ႉ၊မႃးၼၼ်ႉဢေႃႈ။ ၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈသူၼၼ်ႉ၊သူတၵ်းလႆႈၵိၼ်ၶဝ်ႈမုၼ်းဢၼ်ဢမ်ႇသႂ်ႇၸိူဝ်ႉပႅင်ႈၸဵတ်းဝၼ်းတဵမ်တဵမ်ဢေႃႈ။ ယင်းဢမ်ႇပႃးၶိူင်ႈတၢင်းလူႇလႄႈၽူႈလႂ်ဢမ်ႇလႆႈမႃးဝႆႈသႃၵူဝ်းၵႂၢႆႇၵဝ်လူၺ်ႈတူဝ်လၢႆမိုဝ်းပဝ်ႇ။
16“တၵ်းလႆႈႁဵတ်းပွႆးပၢတ်ႇဢဝ်မၢၵ်ႇဢဝ်ႁူင်းဢၼ်ပဵၼ်မၢၵ်ႇပဵၼ်ႁူင်းဢၼ်မၢၵ်ႇဢွၼ်တၢင်းပိူၼ်ႈၵႃႈၼႂ်းႁႆႈၼႂ်းၼႃးဢၼ်သူၽုၵ်ႇသွမ်ႈၼၼ်ႉဢေႃႈ။
“တၵ်းလႆႈႁဵတ်းပွႆးသုမ်ႉထဵင်#23:16 “ပွႆးသုမ်ႉထဵင်” - ၵျၢမ်းမူႇမၢင်ဢၼ်ဝႃႈ၊ “ပွႆးဢၼ်သိမ်းဢဝ်မၢၵ်ႇဢဝ်ႁူင်းဝႆႉ” ဢေႃႈ။ ၼႂ်းႁၢင်ပီမိူဝ်ႈဢၼ်သူဢဝ်မၢၵ်ႇဢဝ်ႁူင်းမႃးသိမ်းဝႆႉၼႂ်းယွင်ႈၼႂ်းယေးၼၼ်ႉဢေႃႈ။- 17ၼႂ်းပွႆးတင်းသၢမ်ပွၵ်ႈၼႆႉၵႃႈပဵၼ်ၵူၼ်းၸၢႆးတင်းသဵင်ႈတင်းလူင်တၵ်းလႆႈမႃးဝႆႈသႃၵူဝ်းၵႂၢႆႇၵဝ်ဢၼ်ပဵၼ်ထႃႇဝရႃႉၽြႃး၊ၽြႃးပဵၼ်ၸဝ်ႈသူၵူႈပီဢေႃႈ။
18“ၼႂ်းမိူဝ်ႈဢၼ်သူသၢၵ်ႈလူႇတူဝ်သတ်းတီႈၵဝ်ၼၼ်ႉယႃႇပေသၢၵ်ႈလူႇလူၺ်ႈၵၼ်တင်းၶဝ်ႈမုၼ်းဢၼ်သႂ်ႇၸိူဝ်ႉပႅင်ႈၼၼ်ႉ။ ၵွၼ်ႈၶႆၵွၼ်ႈမၼ်းတူဝ်တၢင်းလူႇၼၼ်ႉၵေႃႈယႃႇပေႁႂ်ႈၵိုတ်းဝႆႉၵျၢၼ်ႇဝႆႉတေႃႇထိုင်ႁွတ်ႈၶိင်ႇၵၢင်ၼႂ်။
19“ဢဝ်မၢၵ်ႇဢဝ်ႁူင်းဢၼ်သူဝိတ်းသူပၢတ်ႇဢွၼ်တၢင်းသုတ်းပိူၼ်ႈၼၼ်ႉမႃးသႂၢင်းသႂ်ႇဝႆႉၵႃႈၼႂ်းႁိူၼ်းထႃႇဝရႃႉၽြႃး၊ၽြႃးပဵၼ်ၸဝ်ႈသူတႃႉ။
“တၵ်းဢမ်ႇလႆႈဢဝ်သူဝ်းဢွၼ်ႇပႄႉဢွၼ်ႇတူမ်ႈၼႂ်းၼမ်ႉၼူမ်းမႄႈမၼ်း။
ၵႂၢမ်းၵတိလႄႈၵႂၢမ်းသင်ႇၽြႃးပဵၼ်ၸဝ်ႈ
20“ၵဝ်တၵ်းပွႆႇၸႂ်ႉတမၢၼ်ႇၵၢင်ႁၢဝ်ပႃးၼိုင်ႈဢွၼ်ႁူဝ်တၢင်းသူၵႂႃႇပုၼ်ႈတႃႇတၵ်းႁႄႉတၵ်းၵင်ႈသူၸွမ်းသဵၼ်ႈတၢင်းသူလႄႈဢွၼ်သူင်ႇသူၵႂႃႇၵႃႈတီႈဢၼ်ၵဝ်မႄးႁႅၼ်းဝႆႉၼၼ်ႉဢေႃႈ။- 21ႁဵတ်းသတိလႄႈထွမ်ႇဢဝ်ၵႂၢမ်းမၼ်းတႃႉ။ ယႃႇပေႁဵတ်းၶတ်းႁဵတ်းၶဵင်ႇမၼ်း။ မၼ်းတၵ်းဢမ်ႇပွႆႇဢမ်ႇၶႂၢင်းဢပျတ်ႈဢၼ်သူၽိတ်းပိူင်ႈၼၼ်ႉၵူၺ်း။ ၼႃႇမႃႉၸိုဝ်ႈသဵင်ၵဝ်မီးယူႇၵႃႈၼႂ်းမၼ်းဢေႃႈ။- 22ပေႃးသူထွမ်ႇဢဝ်ၵႂၢမ်းမၼ်းလႄႈႁဵတ်းၸွမ်းၵႃႈၼင်ႇဢၼ်ၵဝ်မီးဢမိင်ႉဝႆႉၼၼ်ႉၸိုင်၊ၵဝ်တၵ်းတိုၵ်းတေႃးပႅတ်ႈရၢၼ်ႇသူႇသူ#23:22 “ၵဝ်တၵ်းတိုၵ်းတေႃးပႅတ်ႈရၢၼ်ႇသူႇသူ” - ၼႂ်းၵျၢမ်းမူႇမၢင်ဢၼ်ဝႃႈ၊ “တၵ်းႁဵတ်းရၢၼ်ႇသူႇတီႈရၢၼ်ႇသူႇသူ၊သမ်ႉတၵ်းႁဵတ်းၵေႃႉဢၼ်ႁႄႉဢၼ်ၶႅၼ်တီႈၶဝ်ၸိူဝ်းဢၼ်ႁႄႉၶႅၼ်သူ” ဢေႃႈ။ ၵႃႈမီးတင်းသဵင်ႈတင်းလူင်ဢေႃႈ။- 23တမၢၼ်ႇၵၢင်ႁၢဝ်ၵဝ်တၵ်းဢွၼ်ႁူဝ်သူၵႂႃႇၶဝ်ႈၸူးၵႃႈၼႂ်းမိူင်းၵူၼ်းမဵဝ်းဢႃႇမေႃးရိ၊ၵူၼ်းမဵဝ်းႁိတ်ႉတိ၊ၵူၼ်းမဵဝ်းၽေႇရၸိ၊ၵူၼ်းမဵဝ်းၶႃႇၼၼိ၊ၵူၼ်းမဵဝ်းႁိဝိ၊ၵူၼ်းမဵဝ်းယေႇပုသိ၊ၸိူဝ်းၼၼ်ႉလႄႈ၊ၵဝ်တၵ်းပႄႇၽဵဝ်ႈၵူၼ်းမဵဝ်းၸိူဝ်းၼၼ်ႉပႅတ်ႈဢေႃႈ။- 24သူတၵ်းဢမ်ႇလႆႈၵူမ်ႈႁူဝ်ၵွမ်းႁူဝ်ၸူးလႄႈဝႆႈၽြႃးၶဝ်ၵႃႈမီးၸိူဝ်းၼၼ်ႉ၊တၵ်းဢမ်ႇလႆႈၵမ်ၵျၢင်ႉၸွမ်းထုင်းၸၢမ်ႇၽႃႇသႃႇၶဝ်ၼၼ်ႉ။ တၵ်းလႆႈယႃႉလႅဝ်ၽြႃးၸိူဝ်းၼၼ်ႉပႅတ်ႈလႄႈႁၵ်းႁိၵ်းသဝ်ႁိၼ်ဢၼ်ၶဝ်ဝႆႈသႃၸိူဝ်းၼၼ်ႉပႅတ်ႈမူတ်းမူတ်းသဵင်ႈသဵင်ႈဢေႃႈ။- 25သူတၵ်းလႆႈဝႆႈသႃၵူဝ်းၵႂၢႆႇၵဝ်ထႃႇဝရႃႉၽြႃး၊ဢၼ်ပဵၼ်ၽြႃးပဵၼ်ၸဝ်ႈသူၼၼ်ႉဢေႃႈ။ ၵဝ်တၵ်းပၼ်တၢင်းလီၵႃႈၼိူဝ်ဢႁႃႇရႃႉတၢင်းၵိၼ်သူဢိၵ်ႇတင်းတီႈၼမ်ႉသူဢေႃႈ။ ၵဝ်တၵ်းဢဝ်တၢင်းၶႆႈတၢင်းပဵၼ်သူဢွၵ်ႇပႅတ်ႈဢေႃႈ။- 26ၵႃႈၼႂ်းမိူင်းသူၼၼ်ႉမႄႈယိင်းဢၼ်ပတိၵ်ႈသၼ်ႇထေႇလုသေဢမ်ႇဝႃႈ၊မႄႈယိင်းဢၼ်ဢမ်ႇမီးလုၵ်ႈသေဢမ်ႇဝႃႈ၊တေဢမ်ႇမီးလႃးလႃး၊ၵဝ်တၵ်းႁႂ်ႈဢသၢၵ်ႈသူယိုၼ်းယၢဝ်းဢေႃႈ။
27“ၵဝ်တၵ်းႁဵတ်းႁႂ်ႈၶဝ်ၸိူဝ်းဢၼ်ၶတ်းၶဵင်ႇၵၼ်တင်းသူၼၼ်ႉၵူဝ်ႁႄၵဝ်ဢေႃႈ။ တီႈၶဝ်ၸိူဝ်းဢၼ်တိုၵ်းတေႃးၵၼ်တင်းသူၼၼ်ႉၵဝ်တၵ်းႁႂ်ႈၶဝ်သုၵ်ႉယုင်ႈၵၼ်ဢေႃႈ။ ရၢၼ်ႇသူႇသူၵႃႈမီးတင်းသဵင်ႈတင်းလူင်ၵေႃႈၵဝ်တၵ်းႁႂ်ႈၶဝ်ဝၢႆႇႁူဝ်လႅၼ်ႈပၢႆႈပႅတ်ႈသူဢေႃႈ။- 28ၵဝ်တၵ်းပွႆႇၸႂ်ႉၽေးတေႃႇၽေးတႅၼ်ၵႂႃႇဢွၼ်တၢင်းသူလႄႈၶဝ်တၵ်းႁေႃႈၵူၼ်းမဵဝ်းႁိဝိ၊ၵူၼ်းမဵဝ်းၶႃႇၼၼိ၊ဢိၵ်ႇတင်းၵူၼ်းမဵဝ်းႁိတ်ႉတိ၊ၸိူဝ်းၼၼ်ႉဢွၵ်ႇပၢႆႈသေၵႃႈတီႈၽၢႆႇၼႃႈသူဢေႃႈ။- 29ၵဝ်တၵ်းႁေႃႈၵူၼ်းၸိူဝ်းၼၼ်ႉဢွၵ်ႇၼႂ်းတႂၢင်းပီၼိုင်ႈဢမ်ႇၸႂ်ႈၵူၺ်း။ ပေႃးၵဝ်ႁဵတ်းၸိူဝ်ႉၼင်ႇၼၼ်ၸိုင်၊လိၼ်မိူင်းတၵ်းပဵၼ်ထိူၼ်ႇႁၢမ်းၵႂႃႇလႄႈ၊တူဝ်ထိူၼ်ႇႁၢႆႉၵေႃႈတၵ်းၼမ်ၵိုၼ်းၼႃႇလူင်လၢင်တီႈသူဢေႃႈ။- 30ၵဝ်တၵ်းႁေႃႈၶဝ်ဢွၵ်ႇယေႈပွၵ်ႈယေႈဢိတ်းတေႃႇထိုင်ႁွတ်ႈသူၼမ်မႃးၵိုၼ်းမႃးထၢၼ်ႈပေႃးၸၢမ်ႇၸႃးမိူင်းတင်းမိူင်းၵႂႃႇၼၼ်ႉဢေႃႈ။- 31ၵဝ်တၵ်းမၵ်းမၢႆလႅၼ်လိၼ်ပုၼ်ႈမိူင်းသူတႄႇဢဝ်တီႈပၢင်ႇလၢႆႇလႅင်၊တေႃႇထိုင်ပၢင်ႇလၢႆႇၽိလိတ်ႉတိ၊ဢိၵ်ႇတင်းတႄႇဢဝ်ထိူၼ်ႇလႅင်ႉၼၼ်ႉတေႃႇထိုင်ၼမ်ႉဢုၽရတ်ႉ၊ဢေႃႈ။ ၵဝ်တၵ်းဢဝ်ၵူၼ်းမိူင်းၼၼ်ႉဢၢပ်ႈပၼ်ၼႂ်းမိုဝ်းသူဢေႃႈ။ သူသမ်ႉတၵ်းႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈသူဢေႃႈ။- 32သူတၵ်းဢမ်ႇလႆႈႁဵတ်းၵေႃႉႁဵတ်းသႄႈတၢင်းဢၼ်ၽွမ်ႉၸႂ်ၵၼ်တင်းၶဝ် ဢိၵ်ႇတင်းၽြႃးၶဝ်တင်းလၢႆၼၼ်ႉ။- 33ယႃႇပေႁႂ်ႈၵူၼ်းၸိူဝ်းၼၼ်ႉယူႇၵႃႈၼႂ်းမိူင်းသူ။ ပေႃးသူႁႂ်ႈၶဝ်ယူႇၸိုင်၊ၵူဝ်ၶဝ်ႁဵတ်းႁႂ်ႈသူလႆႈၽိတ်းပိူင်ႈၵဝ်ဢေႃႈ။ ပေႃးသူႁဵတ်းဝၢတ်ႈလႄႈဝႆႈၽြႃးၶဝ်ၸိုင်၊တၵ်းပဵၼ်တူင်ႇႁႅဝ်ႉတူင်ႇၶိုမ်းဢၼ်သူၸၢင်ႈၶမ်လႄႈတၢႆဢေႃႈ၊” ဝႃႈၼင်ႇၼႆဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in