Второзаконие 2
2
1Потоа се вративме и тргнавме по пустината кон Црвеното Море, како што ми беше рекол Господ, и многу време одевме околу планината Сеир.
Поминување низ Едом, Моав и Амон
2И Господ ми рече, велејќи: 3„Доста одевте околу таа планина, свртете се, пак, кон север. 4#4 Мојс 20,14-21Заповедај му на народот и кажи му: ќе поминете сега низ пределите на вашите браќа, потомците Исавови, кои живеат во Сеир; и тие ќе се исплашат од вас, но вие ќе бидете внимателни: 5не започнувајте со нив војна. Јас нема да ви дадам од земјата нивна ни една стапка, зашто планината Сеир им ја дадов на потомците Исавови. 6#2,28Храна купувајте од нив со сребро и јадете; и вода купувајте од нив со сребро и пијте; 7#Неем 9,20-21зашто Господ, Бог твој, те благослови во секое твое дело; те чуваше додека патуваше ти по таа голема (и страшна) пустина; ете, четириесет години Господ, Бог твој, е со тебе; ти од ништо не се лишуваше.“ 8И минавме покрај нашите браќа, потомците Исавови, кои живеат во Сеир; по патот во рамнината од Елат и Ецјон-Гевер, па свртевме и го изминавме патот во пустината Моав. 9#23,4-7И ми рече Господ: „Не се карајте со Моавците, ниту почнувајте со нив војна; зашто Јас нема да ви дадам ништо од земјата нивна, бидејќи Јас им го дадов Ар на Лотовите потомци.“ 10#1,28; 4 Мојс 13,34Порано таму живееја Емијци, народ голем, многуброен и висок како Анаковите потомци, 11и ги сметаат Рефаим#2,11 Џинови, горостасни луѓе. како и Анакијците; Моавците, пак, ги нарекуваа Емијци. 12А во Сеир живееја порано Хоријците; но потомците Исавови ги изгонија и ги истребија од пред себе и се населија наместо нив – така, како што направи Израил со земјата на своето наследство, што му ја беше дал Господ. 13„И сега, станете и преминете го потокот Зеред.“ И ние го минавме потокот Зеред. 14#1,35Откако отидовме во Кадис-Барнеа и го минавме потокот Зеред, поминаа триесет и осум години, сѐ додека во таборот не изгинаа сите мажи, погодни за војна, според она како што им се беше заколнал Господ Бог; 15#4 Мојс 14,29-30; 1 Кор 10,1-5пак и раката Господова беше против нив, истребувајќи ги од логорот, додека сите не изумреа. 16И тогаш, кога изгинаа сите мажи, погодни за војна, и исчезнаа помеѓу народот, 17Господ ми рече, велејќи: 18„Ти минуваш сега низ пределите моавски, преку Ар, 19#1 Мојс 19,30-38и им се приближи на Амоновите потомци; не судрувај се со нив, ниту почнувај со нив војна, зашто Јас нема да ти дадам ништо во наследство од земјата на Амоновите потомци, бидејќи им ја дадов на потомците на Лот.“ 20Таа се сметаше за земја на Рефаимците: порано живееја во неа Рефаимци; Амонците, пак, ги нарекуваа Замзумијци; 21#1,28тие беа народ голем, многуброен и висок како Анакијците, и Господ ги истреби пред лицето нивно, и тие ги изгонија и се населија на нивното место, 22како што направи за синовите Исавови, кои живеат во Сеир, истребувајќи ги пред нив Хоријците, и тие ги изгонија, и се населија на местото нивно и таму живеат до ден денес. 23И Авијците, што живееја во селата кај Газа, Кафторијците, кои беа излегле од Кафтор, ги истребија и се населија на нивното место. 24„Станете, тргнете и минете го потокот Арнон; ете, го предавам во раката твоја Сион, царот хешбонски, Амореецот, и неговата земја; почни да ја покоруваш и војувај против него; 25од денес Јас ќе почнам да сеам страв и ужас пред тебе врз народите под целото небо; оние, што ќе чујат за тебе, ќе се растреперат и ќе се уплашат од тебе.“
Преземање на царството на Сион
26И испратив пратеници од пустината Кедемот кај хешбонскиот цар Сион, со мирни зборови, за да кажат: 27„Дозволи ми да минам преку твојата земја; ќе одам по патот, нема да скршнувам, ни десно, ни лево; 28#2,6храна продавај ми за сребро, и јас ќе јадам, и вода продавај ми за сребро, и јас ќе пијам; само со нозете мои да минам.“ 29#2,19Така, како што ми дозволија потомците Исавови, кои живеат во Сеир, и Моавците од Ар, додека не минам преку Јордан во земјата, што Господ, Бог наш, ни ја дава. 30#2 Мојс 4,21Но хешбонскиот цар Сион не се согласи да минеме преку земјата негова, зашто Господ, Бог наш, го ожесточи духот негов и срцето му го окорави, за да го предаде во раката твоја, како што тоа се виде сега. 31И ми рече Господ: „Ете, Јас почнав да ти го предавам Сион, (царот хешбонски, Амореецот) и земјата негова; почни да ја покоруваш земјата негова.“ 32И Сион (царот хешбонски), со целиот народ свој, излезе против нас во бој кај Јахца; 33и ни го предаде Господ, Бог наш, (во рацете наши) и ние го разбивме него, синовите негови и целиот народ негов. 34#Ис.Н. 6,16Тогаш ги презедовме сите градови негови, ги ставивме под клетва и ги разоривме, а и сите мажи, жени и деца ги убивме: никој не остана жив; 35само добитокот им го зедовме и пленот од градовите, што ги презедовме. 36Од Ароер, кој е на брегот од потокот Арнон, и од тој град, што е во долината, па сѐ до (планината) Галаад, немаше град, непристапен за нас: сѐ ни предаде Господ, Бог наш, (во рацете наши). 37Само кон земјата на потомците Амонови не пристапивме, ниту до местата, блиски до потокот Јавок, ниту кон градовите по планината, ниту до сѐ, за кое не ни заповеда Господ, Бог наш.
Currently Selected:
Второзаконие 2: MK2006D
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006