Mateo 1

Ang mga Ninuno ni Hesus

(Luc. 3:23‑38)

1Ito ang talaan ng mga ninuno ni Hesus, ang Mesias#1:1 Sa Griyego, Kristos. Ang kahulugan salitang ito ay “Ang Hinirang”. na mula sa angkan ni David na mula sa lahi ni Abraham:#1:1 Katulad ng sinabi sa talata 17|MAT 1:17, ang unang grupo ng labing-apat na henerasyon ay mababasa sa talata 2-6a|MAT 1:2‑6. Ang pangalawa naman ay sa talata 6b-11|MAT 1:6‑11, at ang pangatlo ay sa talata 12‑16|MAT 1:12‑16.

2Si Abraham ang ama ni Isaac,

si Isaac ang ama ni Jacob,

at si Jacob ang ama ni Juda at ng kanyang mga kapatid,

3si Juda ang ama nina Perez at Zera, at sila ay mga anak niya kay Tamar,

si Perez ang ama ni Hezron,

si Hezron ang ama ni Ram,

4si Ram ang ama ni Aminadab,

si Aminadab ang ama ni Naason,

si Naason ang ama ni Salmon,

5si Salmon ang ama ni Boaz, at si Rahab ang kanyang ina,

si Boaz ang ama ni Obed, at si Ruth ang kanyang ina,

si Obed ang ama ni Jesse,

6at si Jesse ang ama ni Haring David.

Si David ang ama ni Solomon (ang kanyang ina ay si Batsheba na dating asawa ni Urias),

7si Solomon ang ama ni Rehoboam,

si Rehoboam ang ama ni Abias,

si Abias ang ama ni Asa.

8Si Asa ang ama ni Jehoshafat,

si Jehoshafat ang ama ni Jehoram,

si Jehoram ang ama ni Uzias,

9si Uzias ang ama ni Jotam,

si Jotam ang ama ni Ahaz,

si Ahaz ang ama ni Ezequias,

10si Ezequias ang ama ni Manases,

si Manases ang ama ni Amon,

si Amon ang ama ni Josias,

11si Josias ang ama ni Jeconias#1:11 O Jehoyakin. Tingnan din sa talata 12|MAT 1:12. at ng kanyang mga kapatid; silaʼy ipinanganak noong panahong binihag at dinala sa Babilonia ang mga taga-Juda.

12Matapos silang dalhin sa Babilonia bilang bihag:

Si Jeconias ang ama ni Salatiel,

si Salatiel ang ama ni Zerubabel,

13at si Zerubabel ang ama ni Abiud,

si Abiud ang ama ni Eliakim,

si Eliakim ang ama ni Azor,

14at si Azor ang ama ni Sadoc,

si Sadoc ang ama ni Akim,

si Akim ang ama ni Elihud,

15at si Elihud ang ama ni Eleazar,

si Eleazar ang ama ni Matan,

si Matan ang ama ni Jacob,

16at si Jacob ang ama ni Jose na ang asawaʼy si Maria. Si Maria ang ina ni Hesus na tinatawag na Mesias.

17Kaya may labing-apat na henerasyon mula kay Abraham hanggang kay David, at labing-apat na henerasyon din mula kay David hanggang sa pagkabihag sa Babilonia, at labing-apat na henerasyon mula sa pagkabihag hanggang sa Mesias.

Ang Kapanganakan ni Hesus, ang Mesias

(Luc. 2:1‑7)

18Ganito nangyari ang kapanganakan ni Hesus, ang Mesias: Si Maria na kanyang ina ay ipinagkasundong ikasal kay Jose. Ngunit bago pa sila ikasal, nalaman ni Maria na siyaʼy nagdadalantao sa pamamagitan ng Banal na Espiritu. 19Si Jose na mapapangasawa niya ay isang matuwid na tao at ayaw nitong malagay sa kahihiyan si Maria, kaya ipinasya niyang hiwalayan na lang si Maria nang palihim.

20Ngunit habang pinag-iisipan niya ito, may isang anghel ng Panginoon na nagpakita sa kanya sa panaginip. Sinabi nito, “Jose, anak ni David, huwag kang matakot na pakasalan si Maria dahil ang ipinagbubuntis niyaʼy mula sa Banal na Espiritu. 21Manganganak siya ng isang lalaki at papangalanan mo siyang Hesus#1:21 Ang ibig sabihin ng pangalang Hesus sa wikang Hebreo ay “nagliligtas ang Panginoon.” dahil ililigtas niya ang kanyang bayan sa kanilang mga kasalanan.”

22Nangyari ang lahat ng ito para matupad ang sinabi ng Panginoon sa pamamagitan ng propeta: 23“Magdadalantao ang isang birhen#1:23 birhen: O dalaga. at manganganak ng isang lalaki. Tatawagin siyang Immanuel”#1:23 Isa. 7:14. (na ang ibig sabihin ay “Kasama natin ang Diyos”).

24Nang magising si Jose, ginawa nga niya ang ipinag-utos ng anghel ng Panginoon at pinakasalan si Maria. 25Ngunit hindi siya sumiping kay Maria hanggang sa maipanganak nito ang sanggol. Nang maisilang na ang sanggol, pinangalanan siya ni Jose ng Hesus.

Currently Selected:

Mateo 1: ASD

Highlight

Copy