Amateeka Agokubiri 6

Ekiragiro ekisinga obukulu

1Agho Musa yaakoba Abaisiraeli ati: “Gano n'amateeka, n'ebiragiro, n'okulamba, Musengwa Katonda waimwe bye yandagira okubeegeresa. Mubituukirizenga mu nsi ye muli kumpi okwingiramu okutwala, ere nga musomoike omwiga Yorudani. 2Imwe n'abaana baimwe era n'abaidhukulu baimwe, mutenga mu Musengwa Katonda waimwe ekitiisa enaku edh'obulamu bwaimwe dhoonadhoona. Mutuukirizenga amateeka ge goonagoona n'ebiragiro bye, bye ndi kubagha, mughange okughangaalira mu nsi eyo. 3Imwe Abaisiraeli muwulire: mwegendereze okutuukirizanga ebyo, musobole okubanga obukalamu era mweyongerenga okuba abangi einho era ab'amaani, nga muli mu nsi eyo engimu era erimu ebirungi kamaala, nga Musengwa Katonda, Katonda wa badhaadha baimwe bweyasuubiza.

4 # Mar 12:29 “Imwe Abaisiraeli muwulire: Musengwa Katonda,#6:4 “Musengwa Katonda ... Musengwa Katonda yenka…”: Oba, “Musengwa Katonda waife, ni Katonda yenka” oba “Musengwa Katonda waife, ni Musengwa Katonda yenka” oba “Musengwa Katonda waife, ali mulala.” Mar 12:29 era Musengwa Katonda oyo yenka, ni Katonda waife. 5Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.#Mat 22:37; Mar 12:30; Luk 10:27 6Muteerabirangaku waire ekirala ku biragiro bino bye ndi kubagha olwaleero. #Ma 11:18-20 7Mubyegeresenga abaana baimwe. Era mubyogerengaku nga muli ghaka oba nga muli mu ngira mutambula, nga mulambaire oba nga musitwikegho. 8Mubyesibenga ku mikono gyaimwe, era mubyetimbenga mu byeni byaimwe ng'akamanhiso. 9Mubighandiikenga ku myango egy'emiryango gy'endhu dhaimwe, ni ku miryango gy'ebibuga byaimwe.”

Okulabula Abaisiraeli balobenga kudheema

10“Nga Musengwa Katonda waimwe bweyasuubiza badhaadha baimwe, Aburahamu, Isaaka ni Yakobo, aidha kubagha imwe ensi erimu ebibuga ebikologho era ebirungi bye mutaazimba. #Mainh 12:7; 26:3; 28:13 11Endhu dhaamu nga dhiidhwire ebintu ebirungi bye mutaataamu, era nga mulimu n'ensulo ensime dhe mutaasima, n'amasamba ag'emizabbibu n'ag'emiti emyoliva ge mutaasimba. Aye bwe munaamalanga okulya ni mwiguta nga muli mu nsi eyo, 12mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru. 13Mutyenga Musengwa Katonda waimwe, mumusinzenga, era eriina lye lyonka lye mube mulayirenga. #Mat 4:10; Luk 4:8 14Mutasinzanga waire omulala ku bakatonda amaghanga agandi be gasinza. 15Bwe mulisinza bakatonda abandi, obusungu bwa Musengwa Katonda bulibatumbukiraku ng'oti muliro bwabasaaniagho, kuba Musengwa Katonda waimwe oyo aba mu imwe, enkikidi emugema ku lw'abantu be.

16“Mutalebanga Musengwa Katonda waimwe, nga bwe mwamuleba e Massa. #Kuv 17:1-7; Mat 4:7; Luk 4:12 17Mwegenderezenga okukuuma ebiragiro n'amateeka n'okulamba, Musengwa Katonda waimwe bye yabagha. 18Mukolenga ebyo Musengwa Katonda by'abona nga bituufu era nga birungi. Olwo musobole okuba obukalamu, n'okwingira okutwala ensi enungi, Musengwa Katonda ye yasuubiza badhaadha baimwe. 19Abazigu baimwe boonaboona be mulyagaana mu nsi eyo, mulibabingamu nga Musengwa Katonda bweyasuubiza.

20“Ye bwidha, abaana baimwe baidhanga kubabuuza imwe bati, ‘Amateeka n'ebiragiro n'okulamba, Musengwa Katonda waife bye yatuteeragho bitegeeza ki?’ 21Olwo munaabairangamu muti, ‘Twali bairu ba kyabazinga w'e Misiri, aye Musengwa Katonda yaatutoolayo ng'akozesa amaani ge agataloodheka. 22Tweboneraku beene n'amaiso gaife ebyewuunhio n'ebyewuninkiriza eby'amaani era ebitiisa, Musengwa Katonda oyo bye yakola ku Misiri, ni ku kyabazinga waayo, ni ku bakungu ba kyabazinga oyo boonaboona. 23Ife yaatutoolayo yaatuleeta ghano, yaatugha ensi eno ye yasuubiza badhaadha baife. 24Musengwa Katonda waife oyo yaatulagira okutuukirizanga amateeka ago goonagoona n'okumutyanga, olwo tughange okubanga obukalamu buliidho, era atukuumenga nga tuli balamu, nga bwe tuli mpegaano. 25Ife kye tugwaine okukola, n'okwegendereza tutuukirizenga byonabyona Musengwa Katonda waife bye yatulagira.’ ”

Currently Selected:

Amateeka Agokubiri 6: Sog

Highlight

Copy

Compare