Ñwaè' Áfásoès 2
2
1À m ba à nfè' mò' wèe à ba àmbò bèe ce a kweŋger wa'a, njobè' wèe à m gèe fàa ba buu bbebep. 2À m ba à nfè' anà wèe à ce gèe ŋgèe ce bèe enjep ŋgòŋ na a ce gèe, a ker ce yu'ni ba nè ŋkʉʉ embe dì' ce byʉ' bbebep vi ce cu, à ba dì' ce yi yu ba mbekì. Ŋkʉʉ ca yu yʉ' ce yi ce fà' njep mntee bèe ce a tèe btu nè Nyʉ̀. 3À m ba à nfè' mò' see sèe à ba àmbò bèe ca, a ce gèe buu ce yìsèe nyor à m ce kòŋ à rgèe ker ba vì ce sèe à m ce kwà'shi à rgèe. À ka' ba njobè' sèe à m ku tʉr ba njɛ̀ɛ ntee ce bèe ca a m tʉr, yi ba enɛ Nyʉ̀ be ko'si rshentee nè sèe wowèe wɛɛwɛ.
4Ka' yi m ba wa'a, ŋkoosimnse Nyʉ̀ à m càa ŋger, e ker koŋ sèe magòr. 5À m ba à nfè' ce sèe à m ce gèe buu bbebep, a ba àmbò bèe ce a kweŋger nà, Nyʉ̀ à gee sèe à kʉtì btèe sèe Jisos Krǎis wèe. Yu njobè' ntee bòŋboŋ ce Nyʉ̀ à m tʉr nè sèe, ce sèe à lùŋ efa rkwe. 6À ka' ba njo' Jisos Krâis, Nyʉ̀ à naa sèe mbekì àbee sèe wowèe, a gee sèe wowèe à cu mbe bùu. 7E m gèe buu ca tɛ bèe wɛɛwɛ a bo yɛ buu bòŋboŋ ce e m gèe nè sèe ce sèe yu àbee sèe Jisòs wèe, rìŋ yi ntee bòŋboŋ ce yi càa ŋger. 8Yu njo' ntee bòŋboŋ ca ce wèe à m lùŋ efa rkwe à nfè' ce wèe à m byemi nè Jisòs. Cena yi m lò ba ese wèe ka'. Nyʉ̀ à m fa nè wèe à cicì. 9Sèe à koni rbòŋ ca njo' yuu mo' ce sèe à gèe ka', fà dì' ŋwɛ̀ mò' bo nàa nyor enɛ e gèe yuu mo' a ka' koni ka'. 10Sèe yu bo rfǎ' Nyʉ̀. E gèe sèe Jisos Krǎis wèe à ba àbee tɛ sèe bo gèe mfǎ' mmbòŋmboŋ ce Nyʉ̀ à m lɛ̀ enɛ sèe gêe.
11Wèe ce wèe yu bèe enje jɛɛ nà, kuushi nè njɛ̀ɛ bèe ce wèe à m ba. Jus ce a ce too wap btu enɛ ŋgǎa ŋgèe bʉ̀ nà, a ce too wèe enɛ mmbɛ̀'nsʉ̀r. Bʉ̀ ca ku ba bʉ̀ ce bèe a gèe nè mmbo. 12Kuushi nè enɛ wèe à m tʉr yuu mo' à rgèe nè Krǎis ka'. Wèe à m ba ŋgʉ̀ bèe Isrɛ̀l ce Nyʉ̀ à m ce nà ka'. Wèe à m tʉr yuu mo' à rgèe nè lè' ce Nyʉ̀ à m ye a yi bèe njo' mkà'ni ce e m gèe a wowèe nà ka'. Wèe à m ce cu le rcu enjep ŋgòŋ na, a tʉr yuu mo' ce àde' wèe lɛ mmir mbendù mo ka', a riŋ Nyʉ̀ ka'. 13Wèe à m ba ànjìsàp ese Nyʉ̀, à ka' ba sè'ni ce wèe yu àbee wèe Jisos Krǎis wèe na, wee wèe à vʉ àtʉtʉ njobè' e m kwe a wěe btù. 14Yu ye ce e gèe sèe à ce cu nè cumʉnyaŋ-ŋwɛ̀. E m gèe bèe ce a yu Jûs, ker ba bèe ce a yu Jus ka' a ba ŋwɛ̀ mò'sir. E m lòr yì nyor a ca'si buu ce vi m gàpni sèe, a gee sèe à banì nà, àgho. 15E m siŋsi mncir Musìs ce vi m ce suŋ bèe buu ce bèe a ba ce gèe. E m gèe wa'a tɛ e bo lòr bèe embe mnjɛ̌ɛ bbaa ca, ba a wowèe àbee, tɛ a ba njɛ̀ɛ mò'sir, cu nè cumʉnyaŋ-ŋwɛ̀. 16E m kwe mbe kìntaa, a gee sèe Nyʉ̀ wèe à kʉtì àbee. E m gèe mmbàni anà yi mî, 17e vʉ̂, a fe'shi nsuŋ cumʉnyaŋ nè wèe ce wèe à m ba ànjìsàp ker ba nè bèe ce a m ba àtʉtʉ. 18Yu njo' Jisòs ce sèe wɛɛwɛ à tʉr yʉ' e mo'sir, a koni fɛŋ à rtɛɛ à bsii Tàr.
19Banɛ wèe ce wèe yu Jus ka' na, wèe ker bii bkìlò kɛ̀ bèe ce a ce càa càa ka', wèe yu boo ŋgǎa nshe wèe bèe Nyʉ̀ wèe, a ba bèe embe ndàp Nyʉ̀. 20Wèe yu ŋgʉ̀' mò' efa ndàp Nyʉ̀ ce a boo. Bèe ce a m ba ŋgǎa ntuu nè Jisos Krâis, ba ŋgǎa ncep ntuu Nyʉ̀, a ba kùundap anà. Jisos Krǎis yu lùr rbuu ndap anà, 21à ba ye ce e gèe ndap anà à tɛɛ yɛɛnì, a ku', a ba ndap nrara. 22Àmbò wèe Jisos Krǎis wèe yu ŋwɛ̀ mò'sir sè'ni na, e gèe wèe bèe ca wèe à ba àbee àmbò ndap ce a bà'ri wa'a, tɛ Yʉ' Nyʉ̀ yi bo cu mbo.
Currently Selected:
Ñwaè' Áfásoès 2: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Áfásoès 2
2
1À m ba à nfè' mò' wèe à ba àmbò bèe ce a kweŋger wa'a, njobè' wèe à m gèe fàa ba buu bbebep. 2À m ba à nfè' anà wèe à ce gèe ŋgèe ce bèe enjep ŋgòŋ na a ce gèe, a ker ce yu'ni ba nè ŋkʉʉ embe dì' ce byʉ' bbebep vi ce cu, à ba dì' ce yi yu ba mbekì. Ŋkʉʉ ca yu yʉ' ce yi ce fà' njep mntee bèe ce a tèe btu nè Nyʉ̀. 3À m ba à nfè' mò' see sèe à ba àmbò bèe ca, a ce gèe buu ce yìsèe nyor à m ce kòŋ à rgèe ker ba vì ce sèe à m ce kwà'shi à rgèe. À ka' ba njobè' sèe à m ku tʉr ba njɛ̀ɛ ntee ce bèe ca a m tʉr, yi ba enɛ Nyʉ̀ be ko'si rshentee nè sèe wowèe wɛɛwɛ.
4Ka' yi m ba wa'a, ŋkoosimnse Nyʉ̀ à m càa ŋger, e ker koŋ sèe magòr. 5À m ba à nfè' ce sèe à m ce gèe buu bbebep, a ba àmbò bèe ce a kweŋger nà, Nyʉ̀ à gee sèe à kʉtì btèe sèe Jisos Krǎis wèe. Yu njobè' ntee bòŋboŋ ce Nyʉ̀ à m tʉr nè sèe, ce sèe à lùŋ efa rkwe. 6À ka' ba njo' Jisos Krâis, Nyʉ̀ à naa sèe mbekì àbee sèe wowèe, a gee sèe wowèe à cu mbe bùu. 7E m gèe buu ca tɛ bèe wɛɛwɛ a bo yɛ buu bòŋboŋ ce e m gèe nè sèe ce sèe yu àbee sèe Jisòs wèe, rìŋ yi ntee bòŋboŋ ce yi càa ŋger. 8Yu njo' ntee bòŋboŋ ca ce wèe à m lùŋ efa rkwe à nfè' ce wèe à m byemi nè Jisòs. Cena yi m lò ba ese wèe ka'. Nyʉ̀ à m fa nè wèe à cicì. 9Sèe à koni rbòŋ ca njo' yuu mo' ce sèe à gèe ka', fà dì' ŋwɛ̀ mò' bo nàa nyor enɛ e gèe yuu mo' a ka' koni ka'. 10Sèe yu bo rfǎ' Nyʉ̀. E gèe sèe Jisos Krǎis wèe à ba àbee tɛ sèe bo gèe mfǎ' mmbòŋmboŋ ce Nyʉ̀ à m lɛ̀ enɛ sèe gêe.
11Wèe ce wèe yu bèe enje jɛɛ nà, kuushi nè njɛ̀ɛ bèe ce wèe à m ba. Jus ce a ce too wap btu enɛ ŋgǎa ŋgèe bʉ̀ nà, a ce too wèe enɛ mmbɛ̀'nsʉ̀r. Bʉ̀ ca ku ba bʉ̀ ce bèe a gèe nè mmbo. 12Kuushi nè enɛ wèe à m tʉr yuu mo' à rgèe nè Krǎis ka'. Wèe à m ba ŋgʉ̀ bèe Isrɛ̀l ce Nyʉ̀ à m ce nà ka'. Wèe à m tʉr yuu mo' à rgèe nè lè' ce Nyʉ̀ à m ye a yi bèe njo' mkà'ni ce e m gèe a wowèe nà ka'. Wèe à m ce cu le rcu enjep ŋgòŋ na, a tʉr yuu mo' ce àde' wèe lɛ mmir mbendù mo ka', a riŋ Nyʉ̀ ka'. 13Wèe à m ba ànjìsàp ese Nyʉ̀, à ka' ba sè'ni ce wèe yu àbee wèe Jisos Krǎis wèe na, wee wèe à vʉ àtʉtʉ njobè' e m kwe a wěe btù. 14Yu ye ce e gèe sèe à ce cu nè cumʉnyaŋ-ŋwɛ̀. E m gèe bèe ce a yu Jûs, ker ba bèe ce a yu Jus ka' a ba ŋwɛ̀ mò'sir. E m lòr yì nyor a ca'si buu ce vi m gàpni sèe, a gee sèe à banì nà, àgho. 15E m siŋsi mncir Musìs ce vi m ce suŋ bèe buu ce bèe a ba ce gèe. E m gèe wa'a tɛ e bo lòr bèe embe mnjɛ̌ɛ bbaa ca, ba a wowèe àbee, tɛ a ba njɛ̀ɛ mò'sir, cu nè cumʉnyaŋ-ŋwɛ̀. 16E m kwe mbe kìntaa, a gee sèe Nyʉ̀ wèe à kʉtì àbee. E m gèe mmbàni anà yi mî, 17e vʉ̂, a fe'shi nsuŋ cumʉnyaŋ nè wèe ce wèe à m ba ànjìsàp ker ba nè bèe ce a m ba àtʉtʉ. 18Yu njo' Jisòs ce sèe wɛɛwɛ à tʉr yʉ' e mo'sir, a koni fɛŋ à rtɛɛ à bsii Tàr.
19Banɛ wèe ce wèe yu Jus ka' na, wèe ker bii bkìlò kɛ̀ bèe ce a ce càa càa ka', wèe yu boo ŋgǎa nshe wèe bèe Nyʉ̀ wèe, a ba bèe embe ndàp Nyʉ̀. 20Wèe yu ŋgʉ̀' mò' efa ndàp Nyʉ̀ ce a boo. Bèe ce a m ba ŋgǎa ntuu nè Jisos Krâis, ba ŋgǎa ncep ntuu Nyʉ̀, a ba kùundap anà. Jisos Krǎis yu lùr rbuu ndap anà, 21à ba ye ce e gèe ndap anà à tɛɛ yɛɛnì, a ku', a ba ndap nrara. 22Àmbò wèe Jisos Krǎis wèe yu ŋwɛ̀ mò'sir sè'ni na, e gèe wèe bèe ca wèe à ba àbee àmbò ndap ce a bà'ri wa'a, tɛ Yʉ' Nyʉ̀ yi bo cu mbo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.