3 JOHANE 1
1
Leratano. Ntwa le baaroši
1Nna mokgalabje ke ngwalela wena Gayo morategi yo ke mo ratago ka makgonthe.
2Morategi! Ke go belaelela go letlegelwa ke tšohle le go phela o thabile, bjalo ka ge o letlegetšwe ke tša moya. 3Gobane ke be ke fela ke thaba gagolo ge bana ba borena ba fihla, mme ba go hlatsela therešo ka mo o swerego ka tsela ya therešo. 4Nna ga ke na lethabo le le fetago leo la ge ke kwa gore bana ba ka ba swere tsela ya therešo.
5Morategi! O botegile ka tšohle tše o di diretšego bana bešo, wa di direla le ba mohuta o šele. 6Ba go hlatsetše le lerato ba lebane le phuthego. E tlo ba go setša ka mo go swanetšego ba Modimo ge o ka ba thuša go iša pele leeto la bona. 7Gobane ba wetše tsela ba direla ina la gagwe, gomme bantle ga ba ba fe selo. 8Batho ba babjalo go swanetše ge re ba amogela, gore re be bathuši modirong wa therešo.
9Phuthego ke e ngwaletše lengwalo; fela Dioterefe, e a ratago go ba mogolo wa bona, ga a re amogele. 10Ge ke etla ke mo ke tlogo mo gopotša mediro ye a e dirago ka go re phara ka dipolelo tše mpe; a se dire tšeo fela, a tloga a gana go amogela bana ba borena; mme bao ba ratilego go ba amogela a ba thibela, a ba raka phuthegong.
11Morategi! O se ke wa etša ba babe, etša ba bolo. Modirabolo o tšwa Modimong; modirabobe ga a ešo a bona Modimo.
12Ge e le Demetrio, bohle ba mo hlatsetše gabotse; le yona therešo e a mo emela. Le rena re dihlatse; gomme o a tseba, bohlatse bja rena ke go rereša.
13Ke be ke sa na le tše ntši tše nka bego ke go ngwalela tšona; fela, ga ke rate go go ngwalela ka pilwana le ka kwadi. 14Se ke se holofetšego ke go re ke tlo tloga ke go bona, ra tlo kgona re boledišana ka melomo.
15A khutšo e be le wena.
Bagwera ba gago ba a go dumediša. Dumediša bagwera ba rena ka go ba bitša ka maina ka o tee ka o tee.
Currently Selected:
3 JOHANE 1: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.