Zabuli 149
149
Lwimbo lwa kusumya
1Mumtogole Mkulu Nguluwi.
Mumwimbile Mkulu Nguluwi lwimbo lunyale,
mumtogole kuli nhing'hano ya walingukundigwa.
2Usangalale, gwa Isilaeli, kwa chiwalo cha yakulumbile hegwe,
wenyeng'haye wa Siyoni, mtowe luchenze kwa chiwalo cha mndewa wa hemwe.
3Mlitogole itagwa lya heye kwa ngoma,
mmwimbile na kutowa ngoma na igombogombo.
4Kwa vila Mkulu Nguluwi kangunojezwaga na wanhu wa heye,
nakawanoliga ulohozi walingunyenyetela.
5Wanhu walingukundigwa wangusangalala kwa kusumya,
wasangalale mbaka howalinguwasa.
6Wawe na lutogo lukulu lwa Nguluwi,
na mipanga jiwele na kunoleche kwili mmoko mwa hewo,
7wawahilulile chibida wanhu wa isi zinji,
wawagaze wanhu wa isi zinji,
8wawawohe wandewa wa hewo kwa minyololo,
na vilongozi wa hewo kwa pingu za chuma,
9leka weneze magazo gogalajizwe na Nguluwi.
Alo ndo lutogo lwa walingukundigwa wa Nguluwi.
Mumtogole Mkulu Nguluwi.
Currently Selected:
Zabuli 149: Chividunda
Highlight
Copy
Compare
Share
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
