Maan-kʋʋr sebre Maan-kʋʋr sebra karemdb yĩnga
Maan-kʋʋr sebra karemdb yĩnga
Wẽnd sẽn naan ninsaal daare, b naan-a-la ne burkĩndlem, dat n yeelame tɩ b ka ning salbr a noorẽ tɩ Wẽnd veood-a wa b sẽn dat ye. Ninsaal tõe n yãka a sẽn date. A tõe n basa wẽnga pʋgbo n pʋg neere wa a sẽn tõe n bas neera pʋgbo n pʋg wẽnga. Neera pʋgb ka tar yell ye, la wẽnga pʋgb wata ne rẽgdo. Wẽnd me pa rat b kamba ne rẽgd ye, dẽ me la b le zĩnd tẽngre n bao tɩɩm n wilg ninsaala b maan-kʋʋr sebra pʋgẽ. Y kabr tɩ d sõdg tɩɩm fãa ne a bulli, n sõdg maanda toor-toora sẽn da kʋʋd Israyɛl buudẽ.
(a) - Yũ-noog maango
Yaa bark pʋʋsg yĩnga, f wata ne rũng sẽn ka tar bãnde, f tikda a zug tɩ b koadg-a la yõogd-a lame t'a rɩ bugum zãnga, bũmb pa keesd maan-kʋʋda bɩ maoonga soab yĩng ye.
(b) - Sugr kosg maoongo
Yaa yell manegr maoongo. Sẽn wata ne maoonga beegame n mi tiiri. A soab tõeeme n yĩd n dẽgem n yaool n wa bãng t'a rẽgmame t'a wat n na n kos sugri, t'a paka sore n kõ yel-beed sẽn tõe n wã a menga la a wã buuda zãnga. Zɩɩma raagdame, wolgda rũnga kaam n yõog bugum, Wẽnd yĩnga, sẽn keta yaa maan-kʋʋdã n so.
(d) - Dolbo maoongo
Yaa ninsaal la f beeg yã, wala f yaga zirẽ, bobell poorẽ, wala wagdem lʋɩɩ sʋka. Wẽnd pʋɩɩr la zɩɩma, maan-kʋʋdã n so sẽn ketã.
(e) - Yamleoog maoongo
Yaa kibs yĩnga. Wẽnd n so zɩɩma ne kaama sẽn mobg yãadã. Maan-kʋʋda yaa rũnga yãoog la a rɩt gere. Sẽn wa-a ne rũngã n so sẽn ketã. Maand a woto buud boondame yɛs tɩ lagem-n-dɩ, bɩ dɩ ne laafi, bɩ dɩ ne sũ-noogo.
(f) - Kũuni
Yaa kũun sẽn naagd ne maoongã wala zom, kaam, rãam, tɩdare.
Sẽn na yɩlẽ tɩ buuda yaas yɩlemde a Soaala taoore, maan-kʋʋra sebr le yalsa beoog-beoog fãa maoongo, vʋʋsg daare, kiuug pipi raare, pak, sẽgda kibsa, sugr kosg ra-kãsenga. Woto me la maan-kʋʋr sebra wẽnd logtor yir sebre.
Currently Selected:
Maan-kʋʋr sebre Maan-kʋʋr sebra karemdb yĩnga: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.