YouVersion Logo
Search Icon

Mathayo 1

1
Ndĩra cia rũruka rwa Jesũ Kristũ
(Luk 3.23-38)
1Rĩĩrĩ nĩrĩo ibuku rĩrĩa rĩandĩkĩĩtwo ũhoro wa ndĩra cia rũruka rwa Jesũ Kristũ, ũrĩa warĩ wa mbarĩ ya Daudi, ũrĩa warĩ wa mbarĩ ya Aburahamu.
2Ũyũ nĩguo mũtaratara wa ndĩra cia rũruka rwake: Aburahamu aarĩ ithe wa Isaaka, naake Isaaka aarĩ ithe wa Jakubu, naake Jakubu aarĩ ithe wa Juda na aariũ a ithe, 3naake Juda aarĩ ithe wa Perezu na Zera, na nyina wao aarĩ Tamaru, naake Perezu aarĩ ithe wa Hezironi, naake Hezironi aarĩ ithe wa Ramu, 4naake Ramu aarĩ ithe wa Aminadabu, naake Aminadabu aarĩ ithe wa Nahashoni, naake Nahashoni aarĩ ithe wa Salimoni, 5naake Salimoni aarĩ ithe wa Boazu, na nyina aarĩ Rahabu, naake Boazu aarĩ ithe wa Obedi, na nyina aarĩ Ruthu, naake Obedi aarĩ ithe wa Jesii, 6naake Jesii aarĩ ithe wa Daudi ũrĩa warĩ mũthamaki.
Naake Daudi aarĩ ithe wa Solomoni na nyina aarĩ mũtumia ũrĩa warĩ wa Uria, 7naake Solomoni aarĩ ithe wa Rehoboamu, naake Rehoboamu aarĩ ithe wa Abija, naake Abija aarĩ ithe wa Asa, 8naake Asa aarĩ ithe wa Jehoshafatu, naake Jehoshafatu aarĩ ithe wa Joramu, naake Joramu aarĩ ithe wa Uzia, 9naake Uzia aarĩ ithe wa Jothamu, naake Jothamu aarĩ Ithe wa Ahazu, naake Ahazu aarĩ ithe wa Hezekia, 10naake Hezekia aarĩ ithe wa Manase, naake Manase aarĩ ithe wa Amoni#1.10 Amoni: Maandĩko mamwe moigaga Amosi., naake Amoni aarĩ ithe wa Josia, naake Josia aarĩ ithe wa Jehoiakini na aariũ a ithe. 11#2Atha 24.14-15; 2Maũ 36.10; Jer 27.20 naake Josia aarĩ ithe wa Jekonia na aariũ a ithe hĩndĩ ya gũthaamĩrio Babiloni.
12Na thuutha wa gũthaamĩrio Babiloni, Jekonia aarĩ ithe wa Shealitieli, naake Shealitieli aarĩ ithe wa Zerubabeli, 13naake Zerubabeli aarĩ ithe wa Abihudu, naake Abihudu aarĩ ithe wa Eliakimu, naake Eliakimu aarĩ ithe wa Azoro, 14naake Azoro aarĩ ithe wa Zadoku, naake Zadoku aarĩ ithe wa Akimu, naake Akimu aarĩ ithe wa Eliudi, 15naake Eliudi aarĩ ithe wa Eleazaru, naake Eleazaru aarĩ ithe wa Mathani, naake Mathani aarĩ ithe wa Jakubu. 16naake Jakubu aarĩ ithe wa Josefu ũrĩa warĩ mũthuuri wa Mariamu, ũrĩa waciarire Jesũ ũrĩa wĩtagwo Mesia.
17Kwoguo kwarĩ na njiarwa ikũmi na inya kuuma Aburahamu kinyagia mũthamaki Daudi, ingĩ ikũmi na inya kuuma mũthamaki Daudi kinyagia hĩndĩ ya gũthaamĩrio bũrũri wa Babiloni, na ingĩ ikũmi na inya kuuma hĩndĩ ya gũthaamio kinyagia gũciarwo kwa Mesia.
Gũciarwo kwa Jesũ Kristũ
(Luk 2.1-7)
18 # Luk 1.27 Gũciarwo kwa Jesũ Kristũ gwatariĩ ta ũũ: Nyina Mariamu nĩorĩĩtio nĩ Josefu, no mataanahikania nĩamenyekire atĩ aarĩ na nda ya Roho Mũtheru. 19Naake mũthuuriwe Josefu, tondũ aarĩ mũndũ mũthingu na ndeendaga gũconorithia mũirĩĩtu ũcio, agĩciiria atigane naake na hitho. 20No hĩndĩ ĩyo eeciiragia ũrĩa angĩmũtiga, mũraika wa Mwathani akĩmuumĩrĩra kĩrootoinĩ akĩmwĩra atĩrĩ, “Josefu mũrũ wa Daudi, tiga gwĩtigĩra kũhikia Mariamu atuĩke mũtumia waku, nĩ ũndũ nda ĩyo arĩ nayo nĩ ya Roho Mũtheru. 21#Luk 1.31 Mariamu nĩagaaciara mwana wa kahĩĩ, na rĩĩtwa rĩrĩa ũkaamũhe nĩ Jesũ, nĩ ũndũ nĩ we ũkaahonokia andũ aake kuuma meehiainĩ maao.”
22Maũndũ maya moothe meekĩkire nĩ geetha ciugo iria ciaririo nĩ Mwathani ahũthĩrĩĩte mũnabii ihinge, rĩrĩa oigire: 23#Isa 7.14 “Atĩrĩĩrĩ, mũirĩĩtu thingi nĩakaagĩa nda, na nĩagaaciara mwana wa kahĩĩ, naake mwana ũcio ageetwo Imanueli” (narĩo rĩĩtwa rĩu rĩgĩtaũrwo nĩkuuga, “Ngai hamwe na ithuĩ.”)
24Rĩrĩa Josefu ookĩrire kuuma toro akĩhikia Mariamu kũringana na ũrĩa mũraika wa Mwathani aamwathĩĩte. 25#Luk 2.21 No rĩĩrĩ, ndaigana kũmũmenya kĩĩmwĩrĩ kinya hĩndĩ ĩrĩa aaheirwo mwana. Naake Josefu agĩtua mwana ũcio Jesũ.

Currently Selected:

Mathayo 1: GKN

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy