Sakarja 1
1
Vend om til meg!
1I den åttande månaden i det andre styringsåret åt Dareios kom Herrens ord til profeten Sakarja, son til Berekja, som var son til Iddo, og det lydde så: #1,1 I den åttande månaden osb.[Hag 1,15]#Esra 5,1; Hag 1,1 2Herren har vore storleg harm på fedrane dykkar.
3Du skal tala til folket: Så seier Herren, Allhærs Gud: Vend om til meg, lyder ordet frå Herren, Allhærs Gud, så vil eg venda om til dykk, seier Herren, Allhærs Gud. #Mal 3,7; Jak 4,8 4Ver ikkje lik fedrane dykkar som dei førre profetane forkynte for og sa: «Så seier Herren, Allhærs Gud: Vend om frå dykkar vonde ferd og dykkar vonde gjerningar!» Men dei høyrde ikkje og vørde meg ikkje, lyder ordet frå Herren. #Jes 31,6; Jer 3,12; Hos 14,2f 5Kvar er no fedrane dykkar? Og profetane, lever dei til evig tid? 6Men mine ord og bod som eg baud tenarane mine, profetane, å forkynna, har ikkje dei råka fedrane dykkar? Så måtte dei venda om og seia: «Som Herren, Allhærs Gud, hadde sett seg føre å gjera med oss etter vår ferd og våre gjerningar, såleis har han gjort med oss.»
Ryttaren på den raude hesten
7Den 24. dagen i den ellevte månaden – det er sjebat månad – i det andre styringsåret åt Dareios kom Herrens ord til profeten Sakarja, son til Berekja, som var son til Iddo. Han sa:#1,7 Den 24. dagen ‘osb.‘ i februar 519 f.Kr.
8Eg hadde eit syn i natt. Eg såg ein mann som reid på ein raud hest. Han stogga mellom myrtetrea i dalbotnen, og attanfor han stod raude, raudbrune og kvite hestar. 9Eg spurde: «Kva tyder dette, herre?» Engelen som tala med meg, svara: «Eg skal syna deg kva det tyder.» #2,2 10Så sa mannen som stod mellom myrtetrea: «Det er dei som Herren har sendt ut så dei skal fara ikring på jorda.» 11Dei sa til Herrens engel, som stod mellom myrtetrea: «Vi har fare ikring på jorda, og heile jorda er roleg og still.» 12Då tok Herrens engel til ords og sa: «Herre, Allhærs Gud, kor lenge vil du drya før du gjer miskunn mot Jerusalem og byane i Juda som du har vore harm på i sytti år?» #Sal 102,14; Jer 29,10 13Og Herren gav engelen som tala med meg, gode og trøystande ord til svar. 14Og engelen som tala med meg, sa: Rop ut desse orda:
# Jer 31,20
Så seier Herren, Allhærs Gud:
Eg er full av brennhug
for Jerusalem og Sion,
15og stor er harmen min
mot dei trygge heidningfolka;
for då eg berre ¬var litegrann harm,
gjorde dei ulukka større. #Jes 10,5f
16Difor seier Herren:
Med miskunn kjem eg att ¬til Jerusalem.
Der skal huset mitt byggjast,
lyder ordet frå Herren, ¬Allhærs Gud,
og mælesnor skal strekkjast ¬over Jerusalem.
# 1,16 mælesnor skal strekkjast Byen og murane skal byggjast opp att. Sml. Jer 31,38f. # Jes 54,7f; Sak 8,3
17Rop ut på nytt og sei:
Så seier Herren, Allhærs Gud:
Atter ein gong skal ¬byane mine
fløyma over av det som godt er.
Atter skal Herren ¬ha medkjensle med Sion,
endå ein gong ¬velja ut Jerusalem.
Currently Selected:
Sakarja 1: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).