2. Timoteus 1
1
Helsing
1Paulus, som etter Guds vilje er Kristi Jesu apostel til å forkynna lovnaden om liv i Kristus Jesus, 2helsar Timoteus, sin kjære son. Nåde, miskunn og fred frå Gud Fader og Kristus Jesus, vår Herre!#1 Tim 1,2+
Apostelen og læresveinen hans
3Med takk til Gud som eg tener med reint samvit, liksom fedrane mine, nemner eg deg støtt i mine bøner, natt og dag. #Apg 23,1; Rom 1,9 4Eg minnest tårene dine, og eg lengtar etter å få sjå deg att; det ville gjera meg hjarteglad. 5Eg kan ikkje gløyma den ærlege trua di. Denne trua budde i Lois, mormor di, og i Eunike, mor di, og eg er viss på at ho bur i deg òg.#Apg 16,1
6Difor vil eg minna deg om dette: Kveik på nytt den nådegåva frå Gud som er i deg, den du tok imot då eg la hendene på deg! #1 Tim 4,14 7For Gud gav oss ikkje ei ånd som gjer motlaus, men ei ånd som gjev kraft og kjærleik og visdom. #Rom 8,15 8Du skal ikkje skjemmast ved vitnemålet om vår Herre, og heller ikkje ved meg, som er fange for hans skuld. Men lid vondt for evangeliet, du òg, med den kraft som Gud gjev. #1,8 fange Paulus skriv brevet frå fengslet i Roma. Sjå 1,16f; 4,16.#Sal 119,46; Luk 9,26; Rom 1,16; 2 Tim 2,9 9Han har frelst oss og kalla oss med eit heilagt kall, ikkje på grunn av gjerningane våre, men etter sin eigen vilje og nåde. Det er den nåden som er oss gjeven i Kristus Jesus frå æva av, #Ef 2,8f; Tit 3,5 10og som no har vorte openberra då vår frelsar, Kristus Jesus, kom til jord. Han har gjort døden til inkjes og ført liv og udøyelegdom fram i ljoset ved evangeliet. #1 Kor 15,55.57; Hebr 2,14f 11Det er eg sett til herold, apostel og lærar for. #1 Tim 2,7 12Difor er det eg lid, men eg skjemmest ikkje, for eg veit kven eg trur på. Eg er viss på at han har makt til å ta vare på det som er meg overgjeve, til dagen kjem.
13Ha dei sunne ord som du har høyrt av meg, til føredøme, og stå fast i den tru og kjærleik som vi har i Kristus Jesus. #4,3+ 14Ta vare på den fagre skatten som er deg tiltrudd! Den Heilage Ande som bur i oss, skal hjelpa deg til det.#1 Tim 6,20
15Du veit at alle frå Asia har vendt seg frå meg, og mellom dei er Fygelus og Hermogenes. #4,16 16Gjev Herren må visa miskunn mot huslyden åt Onesiforos. For han har mange gonger sett mot i meg, og han skjemdest ikkje ved lekkjene mine. #4,19 17Då han kom til Roma, leita han ihuga etter meg til han fann meg. 18Gjev Herren må la han få miskunn hjå Herren på domedag! Alt det han har gjort gjennom tenesta si i Efesos, kjenner du best til sjølv.#Matt 5,7
Currently Selected:
2. Timoteus 1: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).