Salmane 92
N11NN

Salmane 92

92
1Ein salme. Ein song for sabbatsdagen.
2 # 134,1; 147,1 Det er godt å takka Herren
og lovsyngja ditt namn, du Høgste,
3å kunngjera di miskunn om morgonen,
din truskap om nettene,
4til den tistrengja harpa,
til linne tonar frå lyra.
5 Herre, du har gledd meg med ditt verk,
eg jublar over det dine hender har gjort.
6 # 40,6+ Kor store dine gjerningar er,
kor djupe dine tankar, Herre!
7Den uforstandige forstår ikkje dette,
dåren skjønar det ikkje:
8 # 37,1f+ Dei urettferdige skyt opp som gras,
alle som gjer urett, blømer,
berre for å bli rydda ut for alltid.
9 # 83,19+ Men du, Herre, er opphøgd til evig tid.
10 # 68,2+ Dine fiendar, Herre,
dine fiendar skal gå til grunne,
alle som gjer urett, skal spreiast.
11 # 23,5 Du gjev meg kraft som ein villokse
og salvar meg med den friskaste olje.
12 # 91,8+ Eg kan følgja fienden med auga,
eg kan høyra om valdsmenn som reiste seg mot meg.
13 # 1,3+ Dei rettferdige skyt opp som palmar,
dei veks seg høge som sedrar på Libanon.
14Dei er planta i Herrens hus
og blømer i føregardane hos vår Gud.
15Enno i alderdomen ber dei frukt,
dei er friske og frodige.
16 # 18,3+ Slik forkynner dei at Herren er rettvis.
Han er mitt berg, det er ingen urett hos han.

© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).

© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).


Learn More About Bibelen 2011 nynorsk

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.