Nhiara 8
8
Orgahi-Orha'a Makodi Plolli la Haneknek Wawannu Nala preheni-mkaini la rimormiori upni-tgarni
1Hadi de Daud nhiara ya'ulli-yawedni maka ha rala la mak khi' o'tani la mak kwatunu-kwahniara. Rwatunu-rwahniara rlernohora Gitit nhiarni:
2 Orgahi-Orha'u nee! A Matromlawan mamni O'a!
Plolmu-mnehemu O kotmu-nanmu nwewar la noheri woru-lyanti nayanni,
prehemu-mkaimu narehia lyanti.
3O Mpuatutga upa-a'na lokmera-papay pa rat niohora ra'uli-rawedi O'a.
Omhi'a genmu-tienmu pa naruri-nalai wia pede arwalmu re ta'enniana nawo'la nana.
Omuala mak edon rtelan nan-raut nan O' la yawa pede rakleha lira-waw la' temni.
4La'pa umkek la lyanit maka O Mhi' nana,
me wolla-wtiona maka O limmu ha ne'er taru re,
5de rimormiori die hya'a de Uplerlawnu ne, pede Omiwra Mhuoratreria?!
Rimormiori pa nden la rimormiori, ne nihya'pa Mhilpai-muanatga e'a?!
6Rimormiori nek de, Omuala pa namtatna la liwangeni-mtatangen tiutulu maka ha ratota-rawawa
totpena nlernana ya'uli-yawedi pa emekwali O'a.
Mere la' noheri woru-lyanti nayan di de O omueh'a nampena tulmu narehi e'a.
7Omuala limmu enni honona re pa rru'u-rtowar momuou lia nayanni,
8de nhiuri-wnia'ana, makawrika-kawriai,
mak kawlola-kawniai'ti, mak kpora-kdawra,
9onu-ma'nu, i'na-ya'an lalawna mak kden la lora,
ne mormiorni-dardiarni dom mak kwo'la-klekur la gera-tah'i ralamni.
10 Orgahi-Orha'u nee! A Matromlawan mamni O'a.
Plolmu-mnehemu O kotmu-nanmu nwewar la noheri woru-lyanti nayanni.
Currently Selected:
Nhiara 8: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
