Nhiara 134
134
Mak kar lia Itmatromlawanni Romni nayanni la' melmela mmiai pia mi'uli-miwedia E'a
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah):
Itmatromlawanni rimormiorni mak kar lia E romni nayanni la' melmela,
hononmi mmiai pia mi'uli-miwedia E'a.
2Hononmi mrian limmi la'a gen miaka kmou-kwitna la do'a-hala ralamni,
nanpena mi'uli-miwedia Itmatromlawanni Makdenrer die.
3Ampakwak pa mliernana pripanni-fa'anni la'a Orgahi-Orha'a maka kakoki-kayap niana noha nora lyanti,
ampakwak pa Itmatromlawanni makdella Sion hota Nara'a-napal nian miy.
Currently Selected:
Nhiara 134: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
