یعقوب 4

تارییا تابع اولون

1آرانیزدا اولان داعوالار و ائختئلافلار هارادان باش آلیر؟ مگر او هاوا-هوسلرئنئزدن دیئل کی، عوضولرئنئزده داعوا ادئر؟ 2آرزو ادئرسئنئز، لاکئن یوخونوزدور. بونون اوچون آدام اؤلدورورسونوز. پاخیلّیق ادئرسئنئز، آمّا اَله گتئره بئلمئرسئنئز. بونا گؤره ده ساواشیب، داعوا ادئرسئنئز. یوخونوزدور، چونکی طلب اتمئرسئنئز. 3طلب ادئرسئنئز، لاکئن آلمیرسینیز. چونکی سهو نئیّتلر‌له طلب ادئرسئنئز، اِله کی، اونو اؤز هاوا-هوسلرئنئز اوچون صرف اده‌سئنئز. 4سئز، زئناکارلار! مگر بئلمئرسئنئز کی، دونیا ائله دوستلوق اتمک، تارینین ضئدّئنه دوشمنچئلئکدئر؟! بونون اوچون کئم دونیانین دوستو اولماق ائسته‌سه، اؤزونو تارینین دوشمنی ادئر. 5یوخسا موقدّس یازینین بوش یره بونو یازدیغینی دوشونورسونوز کی، «تاری، ائچئمئزده ساکئن اولمالی موقدّس روحو، قیرتله آرزو ادئر»؟ 6لاکئن تاری داها بؤیوک فیض عطا ادئر. بو سببدن دیئر: «تاری مغرور آداملارا ضئدّ دورور، لاکئن باشی‌آشاغی آداملارا فیض عطا ادئر.»#4‏:6 مثل‌لر ۳‏:۳۴ 7پس، تارییا موطئع اولون. شیطانین قاباغیندا موقاوئمت ادئن و او سئزدن قاچار. 8تارییا یاخینلاشین، او دا سئزه یاخینلاشار. سئز گوناهکارلار، اللرئنئزی تمئزله‌یئن؛ سئز موتردّئدلر، اورَکلرئنئزی طاهئر ادئن. 9قوصّه ییئن، یاس توتون، آغلایین. قویون گولوشونوز یاسا، شادلیغینیز دا قمه دؤنسون. 10ربّئن حوضوروندا اؤزونوزو آلچالدین و او سئزی اوجالدار. 11قارداشلار، بئربئرئنئزی پئسلمه‌یئن. قارداشینین ضئدّئنه دانیشان یا دا قارداشینی موحاکئمه اِدن، شرئعتئن ضئدّئنه دانیشیر و شرئعتی موحاکئمه ادئر. آمّا اگر شرئعتی موحاکئمه اده‌سئنئز، شرئعته عمل ادن یوخ، اونو موحاکئمه‌یه چکنسئنئز. 12آنجاق بئر شرئعت ورن و بئر قاضی وار. هم نئجات ورمه‌یه، هم ده هلاک اتمه‌یه قادئر اولان اودور. آمّا سن کئمسن کی، اؤز قونشونو موحاکئمه اده‌سن؟! 13ائندی باخین، سئزلر کی، دیئرسئنئز «بو گون یا دا صاباح فئلان و بهمان شهره گده‌رئک و اورادا بئر ائل تئجارته مشغول اولوب، قازانج ییغاریق.» 14حال بو کی، حیاتینین صاباح نه جور اولدوغونو بئلمئرسئنئز. سئز بوخار کئمئسئنئز کی، آز بئر مودّت گؤرونور و سونرا ائتئب گدئر. 15بونون عوضئنه سئز گرک دئیه‌سئنئز: «اگر رب ائسته‌سه، یاشایاریق، بونو و اونو دا اِده‌رئک.» 16آمّا نجه کی، وار، سئز تکبّورونوزه فخر ادئرسئنئز؛ بوتون بله فخرلر پئسدئر. 17بونا گؤره، هر کس کی، دوروست ائشی بئلئر، لاکئن اونو یرئنه یتئرمئر، گوناه ادئر.

Currently Selected:

یعقوب 4: موقدس کتاب

Highlight

Copy