دانیال 4
4
1پادشاه نِبوکَدنِصّر بوتون دونیادا یاشایان خالقلارا، مئلّتلره و دئل‌لره منصوب آداملارا اعلان اتدی: «باریشینیز بول اولسون! 2مصلحت بئلدئم کی، اوجالاردا اولان تارینین منئم اوچون اتدئیی علامتلری و مؤجوزه‌لری سئزه اعلان اِدئم. 3اونون علامتلری نجه ده بؤیوکدور، اونون مؤجوزه‌لری نجه ده قودرتلی‌دئر! اونون پادشاهلیغی ابدی پادشاهلیقدیر، اونون حؤکمرانلیغی نسئلدن نسله داوام ادئر.»
نِبوکَدنِصّرئن ائکئنجی یوخوسو
4من نِبوکَدنِصّر اؤز اِوئمده-ساراییمدا راحات و ناز-نعمت ائچئنده یاشاییردیم. 5لاکئن بئر یوخو گؤردوم کی، منی قورخوتدو. یاتارکن دوشونجه‌لرئم و گؤردویوم رؤیالار منی اورکوتدو. 6اونا گؤره ده امر اتدئم کی، یوخونو یوزماق اوچون بوتون بابئل حئکمتلی‌لرئنی حوضوروما چاغیرسینلار. 7او واخت سحربازلار، اووسونچولار، مونجّئملر و فالچیلار گلدئلر. من یوخومو دانیشدیم، لاکئن اونلار یوخونو منه یوزا بئلمه‌دئلر. 8نهایت، آللاهیمین آدیندا گلن بِلطِشَصّر آدلانان و موقدّس آللاهلارین روحونا مالئک اولان دانیال حوضوروما گلدی. من یوخومو اونا دانیشاراق ددئم:
9«ای سحربازلارین لاپ بؤیوکو بِلطِشَصّر! بئلئرم کی، سنده موقدّس آللاهلارین روحو وار و سنئن اوچون هر هانسی بئر سئرّی آچماق چتئن دیئل. ائندی یوخودا گؤردویوم رؤیالاری و اونلارین تعبئرئنی منه دِه. 10یاتارکن بله یوخو گؤرموشدوم: دونیانین اورتاسیندا چوخ اوجا بئر آغاج وار ائدی. 11آغاج او قدر بؤیودو و مؤحکملَندی کی، باشی گؤیلره چاتدی. او، دونیانین هر طرفئندن گؤرونوردو. 12اونون گؤزل یارپاقلاری و چوخلو میوه‌لری وار ائدی، اوستونده هر کس اوچون یمک وار ائدی. آغاجین آلتیندا چؤل حیوانلاری کؤلگه تاپیردیلار، بوداقلاریندا یِرئن قوشلاری یووا سالیردیلار و بوتون جانلی مخلوقلار اوندان یمک یِیئردئلر.
13یاتارکن یوخومدا گؤردوم کی، گؤیلردن نظارت ادن موقدّس بئر ملک اِندی. 14او اوجادان اعلان ادئب ددی: ”بو آغاجی کَسئن، بوداقلارینی یارین، یارپاقلاری یولون و میوه‌سئنی سَپه‌له‌یئن. قوی حیوانلار اونون آلتیندان، قوشلار دا بوداقلاریندان قاچسین. 15لاکئن کؤتویو ائله کؤکلرئنی دمئر و بورونجله چَنبَرله‌یئب تورپاغین ائچئنده، چؤل اوتلاری آراسیندا ساخلایین. قوی او، گؤیلرئن شِحی ائله ائسلانسین و حیوانلارلا بئرلئکده یِرئن اوتو ائله یمک ورئلسئن. 16قوی ائنسان آغلی اوندان آلینسین و اونا حیوان آغلی ورئلسئن. قوی یدّی زامان#4:16 بله بئر عئبارتدن مقصد بلکه ده یدّی ائل دِمک اولسون کِچَنه قدر بله قالسین. 17نظارت ادن ملکلر بله امر ادئب، موقدّس ملکلر بله قرارا گلئب کی، ائندی یاشایانلار بونو بئلسئنلر: ائنسان پادشاهلیقلاری اوستونده اوجالاردا اولان تاری حؤکمرانلیق ادئر، پادشاهلیغی کئمه ائسته‌یئر، اونا ورئر و ائنسانلار آراسیندا لاپ آشاغی اولانی اونلارا باشچی قویور.“
18من پادشاه نِبوکَدنِصّر بله بئر یوخو گؤردوم. ای بِلطِشَصّر، سن بو یوخونو تعبئر ات، چونکی پادشاهلیغیمین حکئم آداملاریندان هچ بئری بو یوخونون معناسینی منه بئلدئره بئلمئر. آمّا سن بونو اده بئلرسن، چونکی سنده موقدّس آللاهلارین روحو وار.»
دانیالین یوخونو یوزماسی
19او زامان بِلطِشَصّر آدلانان دانیال بئر مودّت حیرت ائچئنده قالدی و فئکئرلری اونو واهئمه‌یه سالدی. پادشاه اونا بله ددی: «ای بِلطِشَصّر، قویما بو یوخو و اونون تعبئری سنی واهئمه‌یه سالماسین.» بِلطِشَصّر جاواب وردی: «ای آغام، قوی بو یوخو سندن نئفرت ادنلرئن، اونون تعبئری سنئن دوشمنلرئنئن نصئبی اولسون! 20سنئن گؤردویون آغاج، بؤیوک و مؤحکم اولان، باشی گؤیلره چاتان و دونیانین هر طرفئندن گؤرونَن، 21یارپاقلاری گؤزل، میوه‌لری چوخ و هر کس اوچون یِمه‌یی اولان، آلتیندا چؤل حیوانلاری کؤلگه تاپان و بوداقلاریندا یِرئن قوشلاری یووا قوران 22آغاج سنسن، ای پادشاه. سن بؤیویوب مؤحکملَندئن، عظمتئن آرتیب گؤیلره، حاکئمئیّتئن دونیانین هر طرفئنه چاتدی. 23پادشاه یوخودا گؤردو کی، نظارت ادن موقدّس بئر ملک گؤیلردن اِنئب ددی: ”بو آغاجی کَسئب محو ادئن، آمّا کؤتویو ائله کؤکلرئنی دمئر و بورونجله چَنبَرله‌یئب تورپاغین ائچئنده، چؤل اوتلاری آراسیندا ساخلایین. قوی او، گؤیلرئن شِحی ائله ائسلانسین و یدّی زامان کِچَنه قدر پایی چؤلون حیوانلاری ائله اولسون.“
24ای پادشاه، یوخونون یوزومو بودور: اوجالاردا اولان طرفئندن آغام پادشاهین ضئدّئنه بو حؤکم گلئب: 25سن ائنسانلار آراسیندان قووولاجاقسان، چؤل حیوانلاری ائله یاشایاجاقسان، سنه اؤکوز کئمی اوت یِدئرده‌جکلر، گؤیلرئن شِحی ائله ائسلاناجاقسان و یدّی زامان کچه‌جک، او زاماناجاق کی، سن درک اده‌سن کی، ائنسان پادشاهلیغی اوستونده اوجالاردا اولان حؤکمرانلیق ادئر و اونو کئمه ائسته‌سه، اونا ورئر. 26آغاجین کؤتویو ائله کؤکلرئنئن قالماسی باره‌ده اولان فرمانین معناسی بودور کی، سن گؤیلرئن حؤکمرانلیق اتدئیئنی درک ادندن سونرا پادشاهلیغین سنه قایتاریلاجاق. 27بونا گؤره ده ای پادشاه، قوی منئم مصلحتئم سنه مقبول اولسون: عدالتله رفتار اتمکله گوناهلاریندان اَل چک، یوخسوللارا مرحمت اتمکله تقصئرلرئندن اَل چک کی، بلکه بونونلا سنئن رئفاهینین مودّتی اوزادیلسین.»
28بوتون بونلار پادشاه نِبوکَدنِصّرئن باشینا گلدی. 29اون ائکی آی کِچَندن سونرا بابئلده‌کی سارایینین دامیندا گَزَن واخت ددی: 30«مگر بو، بؤیوک بابئل دیئل کی، من اونو شان-شؤهرتئم اوچون بؤیوک قودرتئمله پایتخت آدیندا تئکمئشم؟» 31سؤز پادشاهین آغزیندان چیخمامیشدی کی، گؤیلردن بئر سَس گلدی: «ای پادشاه نِبوکَدنِصّر، سنه دیئلئر کی، پادشاهلیغین اَلئندن آلیندی. 32سن ائنسانلار آراسیندان قووولاجاقسان، چؤل حیوانلاری ائله یاشایاجاقسان، سنه اؤکوز کئمی اوت یِدئرده‌جکلر. یدّی زامان کچه‌جک، او قدر کی، درک اده‌سن کی، ائنسان پادشاهلیغی اوستونده اوجالاردا اولان حؤکمدارلیق ادئر و اونو کئمه ائسته‌سه، اونا ورئر.»
33دیئلَن حادئثه‌لر او ساعات نِبوکَدنِصّرئن باشینا گلدی: او، ائنسانلار آراسیندان قووولدو، اؤکوز کئمی اوت یِمَیه باشلادی و گؤیلرئن شِحی ائله ائسلاندی. اونون توکو قارتال توکو کئمی، دیرناغی قوش دیرناغی کئمی اوزاندی.
34«او گونلرئن آخیریندا من نِبوکَدنِصّر اوزومو گؤیلره توتدوم و عاغلیم باشیما قاییتدی. اوجالاردا اولان تارینی حمد اتدئم، ابدی یاشایانی مدح ادئب عئزّتلَندئردئم، چونکی اونون حؤکمرانلیغی ابدی‌دئر و پادشاهلیغی نسئلدن نسله داوام ادئر. 35دونیادا یاشایانلارین هامیسی هچ بئر شی ساییلیر. او هم گؤی قوشونونون، هم ده دونیادا یاشایانلارین آراسیندا اؤز حؤکمونو یِرئدئر. اونون اَلئنی ساخلایان و اونا ”نه ادئبسن؟“ دئیَن بئر کس ده یوخدور.
36او زامان عاغلیم باشیما گلدی. پادشاهلیغیمین عئزّتی اوچون جاه-جلالیم گئنه اؤزومه قاییتدی. موشاوئرلرئم و اعیانلاریم منی آختاریب تاپدیلار. من گئنه اؤز تختئمه قاییتدیم و عظمتئم داها دا آرتدی. 37ائندی من نِبوکَدنِصّر گؤیلرئن پادشاهینا حمد ادئرم و اونو مدح ادئب عئزّتلَندئرئرَم، چونکی اونون بوتون ائشلری دوز، یوللاری دا عدالتلی‌دئر و قودرتی وار کی، کئبئرله گَزَنلری آلچالتسین.»
Currently Selected:
دانیال 4: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
