۱پطروس 1
1
1عئسا مسئحئن حوارئسی پطروسدان، پونطوس، قالاتئیا، کاپادوسئیا، آسئیا (ایالتی) و بئتئنئیایا داغیلمیش قرئبلره کی، 2آتا تارینین ائره‌لئدن بئلدئیئنه موطابئق، موقدّس روحون تقدئس ائشئنئن واسئطه‌سئله عئسا مسئحدن ائطاعت اتمکلری اوچون و اوستلرئنه اونون قانینین سپئلمه‌سی اوچون سچئلئبلر. فیض و باریش لاپ دولو اؤلچوده سئزئن اولسون.
3تاری و ربّئمئز عئسا مسئحئن آتاسی موتبارک اولسون کی، اؤز بؤیوک فیضئنه گؤره، عئسا مسئحئن اؤلولردن دئرئلمه‌سی ائله باعئث اولدو کی، بئز یاشایان بئر اومئده تزه‌دن دوغولاق. 4اِله کی، گؤیلرده سئزئن اوچون ساخلانمیش، آرادان گتمه‌ین، لکه‌سئز و سولماز بئر مئراثی اَله گتئرک. 5سئز تارینین قودرتی ائله، آخیر زاماندا ظاهئر اولونماغا حاضیر بئر نئجات اوچون، ائمان واسئطه‌سئله موحافئظت اولورسونوز. 6بوندا سئز چوخ سوئنئرسئنئز، گرچی ائندی آز بئر مودّت اوچون، لازیم اولسا، جوربه‌جور ائمتاحانلارلا پرئشان اولورسونوز، 7اِله کی، عئسا مسئحئن نئجاتینین ظوهوروندا، ائمانینیزین ثوبوتو، فانی اولان قیزیلدان داها دَیَرلی اولوب، اودلا بله ائمتاحان اولسا دا، تعرئف، عئزّت و حؤرمت گتئرسئن. 8سئز گرچی اونو گؤرمه‌یئبسئنئز، آمّا اونو سوئرسئنئز. گرچی ده ائندی اونو گؤرمه‌یئرسئنئز، لاکئن اونا ائنانیرسینیز و وصفه گلمه‌ین شادلیقلا، شؤوکت دولو چوخ شادلیق ادئرسئنئز 9و ائمانینیزین نتئجه‌سئنه کی، جانلارینیزین نئجاتی اولسون، نایئل اولورسونوز.
10بو نئجاتا گلئنجه، پیغمبرلر او فیض باره‌ده کی، سئزه گله‌جک، قاباقجادان جهدله آختاریب تجسّوس اتدئلر 11و آراشدیریردیلار کی، بئلسئنلر، اونلاردا اولان موقدّس روح، کئمه و هانسی زامانا ائشاره ادئر، او زامان کی، مسئحئن عذابلارینی و اوندان سونرا گلن شووکتلرئنی قاباقجادان خبر ورئر. 12اونلارا آشکار اولدو کی، بو شیلرده اونلار اؤزلرئنه یوخ، سئزه خئدمت ادئردئلر کی، ائندی ائنجئلی وعظ ادنلر طرفئندن گؤیدن گؤندَ‌رئلمئش موقدّس روح واسئطه‌سئله سئزه اعلان اولونوب؛ او شیلر کی، اونلاری گؤرمه‌یه ملکلر ده حسرت چکئرلر.
13بونون اوچون، فئکئرلرئنئزی عمل اوچون حاضیرلایین،#1:13 کئتابین اصل دئلی یونانی‌ده: «قلبلرئنئزئن بِلئنی باغلایین.» آییق اولون، اومئدئنئزی کامئل بئر شکئلده او فیضه باغلایین کی، عئسا مسئحئن ظوهوروندا سئزه گتئرئله‌جک. 14سؤزه باخان اوشاقلار کئمی، جاهئل زامانلارینیزدا اولان او اوّلکی شهوتلره اؤزونوزو اوخشاتمایین. 15لاکئن سئزی دعوت ادن او موقدّس اولان کئمی، سئز ده اؤزونوزو هر رفتاردا موقدّس ساخلایین. 16چونکی یازیلیب: «سئز گرک موقدّس اولاسینیز، چونکی من موقدّسم.»#1:16 لاوئلی‌لر ۱۱:۴۴ و ۴۵، ۱۹:۲، ۲۰:۷ 17اگر «آتا» چاغیردیغینیز اودور کی، طرفدارلیق اتمه‌دن هر کسی ائشئنه گؤره موحاکئمه ادئر، اوندا یر اوزونده اولان بو قوربت زامانینیزی قورخو ائله کچئردئن. 18بئلئرسئنئز ده کی، اجدادلارینیزدان مئراث آلدیغینیز باطئل حیات یوللارینیزدان، گوموش و یا قیزیل کئمی فانی شیلرله تزه‌دن آلینماییبسینیز، 19لاکئن باهالی قانلا، عیبسئز و لکه‌سئز بئر قوزونونکو کئمی، مسئحئن قانی ائله. 20چونکی او، دونیانین یارانماسیندان اوّل تانینمیشدی، آمّا سئزئن خاطئرئنئز اوچون بو آخیر زامانلاردا ظاهئر اولوب. 21سئز کی، اونون واسئطه‌سئله، اونو اؤلولردن دئرئلدن و اونا عئزّت ورن تارییا ائنانانلارسینیز، اِله کی، ائمان و اومئدئنئز تاریدادیر. 22ائندی کی، حقئقتدن ائطاعت ادئب جانلارینیزی قارداشلارا خالئص محبّت اتمک اوچون تمئزله‌یئبسئنئز، جهدله بئربئرئنئزی اورَکدن سوئن. 23چونکی سئز فانی توخومدان یوخ، فانی اولمایاندان، تارینین یاشایان و باقی اولان کلامینین واسئطه‌سئله تزه‌دن دوغولوبسونوز. 24چونکی «بوتون بشر اوت کئمی‌دئر، بوتون شؤوکتی ده اوتون چئچه‌یی کئمی‌دئر. اوت سولور، چئچک ده دوشور. 25لاکئن ربّئن کلامی ابده کئمی قالیر.»#1:25 اِشَعیا ۴۰:۶-۸ سئزه وعظ ادئلن کلام دا اله بودور.
Currently Selected:
۱پطروس 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
