Bɔa 31
31
Zwãakpɛdɔnaɔ
(Bɔa 35.30–36.1)
1Dii ò Mɔiziɛ à mɛ̀: 2Gwa! Ma Uli nɛ Bezalɛli, Hulu tɔũna, Yuda bui sɛ̀. 3Má tò ma Nisĩna dìɛ̀, ɔ̃ à ɔ̃nɔ ń gɔ̃io ń dɔ̃ao è ɔzĩ pii yãmusu. 4A vua ń ãnusuo ń mɔgotɛ̃o ń gɔ̃inakɛa pɔwao zĩ dɔ̃. 5A gbɛ̀ bɛɛɛde ãa ń a daa pɔuo ń li'ãao ń ɔzĩ piio dɔ̃. 6Bee gbɛa ma Aisama nɛ Ɔɔliabu, Dã bui dìlɛ aà dɔnlɛde ũ. Ma ɔzĩkɛnaɔ gbà ɔ̃nɔ pii, kɛ́ wà zĩ pɔ má dànɛ́ɔ kɛ: 7Kpaaũkpɛ, ikoyã kpagolo ń a nɛtaɛo ń kpɛ́pi pɔkeleɔ pii, 8taabũnu ń a pɔkeleɔ, vua tɛ̃ɛtɛ̃ɛ dau ń a pɔkeleɔ pii, tulaleti katɛakĩi, 9sa pɔ wì a pɔ katɛu à tɛkũ okĩi ń a pɔkeleɔ pii, dàa ń a dibɔo, 10pɔkasa pɔ wa tã̀ɔ, sa'ona Aalona pɔkasa pɔ ali sɔ̃òmaziɔ ń a nɛɔ sa'on pɔkasaɔ pii, 11nisi pɔ wì pɔ dilɛò à gɔ̃ ma pɔ ũ, zwãakpɛ tulaleti gĩnana. Aa pɔpiɔ kɛ, lá má dìlɛnɛwa pii.
Kãmabogɔɔ yã
12Dii ò Mɔiziɛ à mɛ̀: 13O Isailiɔnɛ aali kãmabogɔɔ pɔ má dìlɛ yãda, asa a dɛ seela ũ mapi ń apiɔ zãnguo e á buiwa, kɛ́ à e à dɔ̃ ma Dii ma á sɛ́ ma gbɛ̃́ɔ ũɛ. 14Àli kãmabogɔɔpi yãda, asa gɔɔpi adoaɛ. Gbɛ̃́ pɔ i gɔɔpi yãdao, à gàɛ. Gbɛ̃́ pɔ zĩkɛ̀ gɔɔpi zĩ́, wà ade bɔ a gbɛ̃́ɔ guu wà dɛ. 15Àli zĩkɛ gɔɔ soolo, a gɔɔ soplade íli kãmabo, asa ma Dii ma pɔɛ. Gbɛ̃́ pɔ zĩkɛ̀ kãmabogɔɔzĩ, à gàɛ. 16Isailiɔ lí kãmabogɔɔpi yãda, aali dilɛ gbia e ń buiwa ma baakuańnɔyã ũ. 17Ìɔ dɛ seela ũ mapi ń Isailiɔ zãnguo gɔɔpii, asa ma Dii ma musu ń dũniao kɛ̀ gɔɔ sooloɛ, ɔ̃ má làa, ɔ̃ ma kãmabò a gɔɔ sopladezĩ. 18Kɛ́ Dii yã'ò Mɔiziɛ Sinai gbɛ musu a làa, ɔ̃ à ikoyã kɛ̃̀ gbɛpɛpɛɛɔwa mɛn pla ń azĩa ɔtonao, a kpàwà.
Currently Selected:
Bɔa 31: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 31
31
Zwãakpɛdɔnaɔ
(Bɔa 35.30–36.1)
1Dii ò Mɔiziɛ à mɛ̀: 2Gwa! Ma Uli nɛ Bezalɛli, Hulu tɔũna, Yuda bui sɛ̀. 3Má tò ma Nisĩna dìɛ̀, ɔ̃ à ɔ̃nɔ ń gɔ̃io ń dɔ̃ao è ɔzĩ pii yãmusu. 4A vua ń ãnusuo ń mɔgotɛ̃o ń gɔ̃inakɛa pɔwao zĩ dɔ̃. 5A gbɛ̀ bɛɛɛde ãa ń a daa pɔuo ń li'ãao ń ɔzĩ piio dɔ̃. 6Bee gbɛa ma Aisama nɛ Ɔɔliabu, Dã bui dìlɛ aà dɔnlɛde ũ. Ma ɔzĩkɛnaɔ gbà ɔ̃nɔ pii, kɛ́ wà zĩ pɔ má dànɛ́ɔ kɛ: 7Kpaaũkpɛ, ikoyã kpagolo ń a nɛtaɛo ń kpɛ́pi pɔkeleɔ pii, 8taabũnu ń a pɔkeleɔ, vua tɛ̃ɛtɛ̃ɛ dau ń a pɔkeleɔ pii, tulaleti katɛakĩi, 9sa pɔ wì a pɔ katɛu à tɛkũ okĩi ń a pɔkeleɔ pii, dàa ń a dibɔo, 10pɔkasa pɔ wa tã̀ɔ, sa'ona Aalona pɔkasa pɔ ali sɔ̃òmaziɔ ń a nɛɔ sa'on pɔkasaɔ pii, 11nisi pɔ wì pɔ dilɛò à gɔ̃ ma pɔ ũ, zwãakpɛ tulaleti gĩnana. Aa pɔpiɔ kɛ, lá má dìlɛnɛwa pii.
Kãmabogɔɔ yã
12Dii ò Mɔiziɛ à mɛ̀: 13O Isailiɔnɛ aali kãmabogɔɔ pɔ má dìlɛ yãda, asa a dɛ seela ũ mapi ń apiɔ zãnguo e á buiwa, kɛ́ à e à dɔ̃ ma Dii ma á sɛ́ ma gbɛ̃́ɔ ũɛ. 14Àli kãmabogɔɔpi yãda, asa gɔɔpi adoaɛ. Gbɛ̃́ pɔ i gɔɔpi yãdao, à gàɛ. Gbɛ̃́ pɔ zĩkɛ̀ gɔɔpi zĩ́, wà ade bɔ a gbɛ̃́ɔ guu wà dɛ. 15Àli zĩkɛ gɔɔ soolo, a gɔɔ soplade íli kãmabo, asa ma Dii ma pɔɛ. Gbɛ̃́ pɔ zĩkɛ̀ kãmabogɔɔzĩ, à gàɛ. 16Isailiɔ lí kãmabogɔɔpi yãda, aali dilɛ gbia e ń buiwa ma baakuańnɔyã ũ. 17Ìɔ dɛ seela ũ mapi ń Isailiɔ zãnguo gɔɔpii, asa ma Dii ma musu ń dũniao kɛ̀ gɔɔ sooloɛ, ɔ̃ má làa, ɔ̃ ma kãmabò a gɔɔ sopladezĩ. 18Kɛ́ Dii yã'ò Mɔiziɛ Sinai gbɛ musu a làa, ɔ̃ à ikoyã kɛ̃̀ gbɛpɛpɛɛɔwa mɛn pla ń azĩa ɔtonao, a kpàwà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.