Bɔa 29
29
Sa'onaɔ dilɛa yã
(Lev 8.1-36)
1Lá ńyɔ̃ kɛ tó nlɛ ń dilɛ aa ma gbagban kɛ: Zugaaena sɛ mɛndo ń sãsakao sãasaiɔ mɛn pla. 2Pɛ̃ɛti sɛ́, ní kaakɛò ń kàa pɔ wa tòto ń nisio ń kaawana pɔ wà nisikàwàɔ. 3Ka gbiu, ní sɛ ǹ mɔò ń zugaaenapio ń sãsakao mɛn plapiɔ. 4Aalona ń a nɛɔ sɛ ǹ mɔńnɔ kpaaũkpɛ kpɛɛlɛ, ní ń zu'o we. 5Aalona pɔkasaɔ daɛ̀, ulatao ń ulatao pɔ wà bakɛ̃̀wào ń sa'o'ulao ń bɔɔloonnɔɛo. Ní bɔ̀ɔpi ba dɔ sa'o'ula asanawa. 6Tulu diɛ̀, ní vuapɛpɛɛna pɔ ali aà dilɛ ma pɔ ũ na tulupiwa. 7Nisi pɔ wì ma pɔ dilɛò sɛ ǹ ka aà miwa ǹ aà da zĩu. 8Mɔ́ ń aà nɛɔ, ní ulatao danɛ́, 9ní asana dɔdɔnɛ́ ń pi, ní ń fùa gbã̀aɔ kpakpanɛ́. Má dìlɛ aamɛ aaɔ ma gbagba gɔɔpii. Lá ńyɔ̃ Aalona ń a nɛɔ da zĩun we.
10Mɔ́ ń zugaaenao kpaaũkpɛ kpɛɛlɛ, Aalona ń a nɛɔ aai ɔnana a miwa, 11ní zugaaenapi kolokpa ma aɛ kpaaũkpɛ kpɛɛlɛ we. 12Zupi au sí, ní mama ma gbagbakĩi kɔbaɔwa ń n ɔtonao, ní au pɔ gɔ̃̀ ɛlɛ ma gbagbakĩipi gbázĩ. 13Zupi salana ń a guu nisio sɛlɛ pii ń a goleɔ ń golepi nisio, ní kpasa sa'okĩiwa, 14ní zupi nɔ̀ɔ ń a báao ń a guupɔɔ katɛu à tɛkũ bookpɛ. Bee ìɔ dɛ sa pɔ wa o an duuna yãmusu ũ.
15Sãsakao sɛ mɛndo, Aalona ń a nɛɔ i ɔnana a miwa, 16ní sãpi kolokpa, ní a au sí ǹ lɛ sa'okĩiwa ǹ liai. 17Sãpi paa, ní zɔ̃ɛzɔ̃ɛ, ní a guupɔɔ ń a koeɔ pipi, ní kalɛ ń a mio ń a gukĩniɔ. 18Sã bṹupi kpasa sa'okĩiwa sa pɔ wì a pɔ katɛu à tɛkũ a gĩ ì kɛmɛɛ na ũ.#Ɛfɛ 5.2; Flp 4.18
19Sãsakao plaade sɛ́, Aalona ń a nɛɔ i ɔnana a miwa, 20ní a kolokpa, ní a au sí, ní mama Aalona ń a nɛɔ ɔplaa swãlɛbawa ń ń ɔplaa ɔnɛmio ń ń ɔplaa gbanɛmio, ní aupi kĩni lɛ́ sa'okĩiwa ǹ liai. 21Ní au pɔ gɔ̃̀ ka sa'okĩi musu dã yɔɔ ń nisi pɔ wì ma pɔ dilɛòo, ní fãfã Aalonawa ń a pɔkasaɔ, ní fãfã aà nɛɔwa lɔ ń ń pɔkasaɔ, Aalona i gɔ̃ ma pɔ ũ ń a pɔkasaɔ ń a nɛɔ ń ń pɔkasaɔ lɔ. 22Sãsakao plaadepi nisi sɛ́, a vlã́ nisi ń a salanao ń a guu nisio ń a goleɔ ń golepi nisio ń a ɔplaa gbáo. Sãsakaopi ìɔ dɛ an daa zĩu sa'obɔ ũ. 23Kàa boolo sɛ mɛndo kàa gbi pɔ aɔ ku ma aɛ guu ń kàa nisideo mɛndo ń kaawanao mɛndo. 24Ní apii na Aalona ń a nɛɔnɛ ń ɔzĩ, aai mɔmɛɛ sa pɔ wì a pɔ mɔmɛɛ ũ, 25ní pɔpiɔ sí ń ɔzĩ, ní kpasa sa'okĩiwa ń sa pɔ wì a pɔ katɛu à tɛkũ a gĩ ì kɛmɛɛ na ũo. 26Aalona daa zĩu sãsakao kula sɛ́, ní mɔmɛɛ, iɔ dɛ n baa ũ. 27Sa'ona daa zĩu sãsakao kula pɔ wa mɔ̀mɛɛ ń a gbá pɔ wa bɔ̀ adoao dilɛ Aalona ń a nɛgɔ̃ɛɔ pɔ ũ. 28Bee iɔ dɛ Aalona ń a nɛɔ blekĩi ũ gɔɔpii. Gba pɔ Isailiɔ líɔ danɛ́ an Dii saaukpaa sa'oa guun we.
29Aalona pɔkasa pɔ ali sɔ̃òmaziɔ gɔ̃ aà buiɔnɛɛ. Aali da, wìli nisikaòmá wà ń da zĩu. 30Aà nɛ pɔ a gɔ̃ sa'onkia ũ aà gɛ̃ɛ ũ lí pɔkasapiɔ da gĩ́a gɔɔ sopla, i gbasa mɔ zĩkɛi kpaaũkpɛu.
31Sa'ona daa zĩu sãsakao nɔ̀ɔ sɛ ǹ a fuukɛ kpaaũkpɛ ua, 32Aalona ń a nɛɔ aai so ń kàa pɔ ku gbiu kpaaũkpɛ kpɛɛlɛo. 33Sã pɔ wà sa'òò an duunkɛ̃ama yãi ì to an kua aɔ adoa an daa zĩupi yãi, aamɛ aali só ntɛ̃ɛ. Gbɛ̃e suli sońnɔo, asa ma pɔɛ. 34Tó gu dɔ̀ nɔ̀ɔ ge kàapi kĩniwa, kpasa. Gbɛ̃e suli sóo, asa ma pɔɛ.
35Yã pɔ má dìlɛnɛ Aalona ń a nɛɔ musupi kɛ pii, ní ń daa zĩu yãkɛkɛ e gɔɔ sopla. 36Lagulɛdɔ níli sa'o ń zugaaenao duunkɛ̃ama yãi, ní gbãbɔò sa'okĩiɛ, ní nisikawà, i gɔ̃ ma pɔ ũ. 37Gbãbɔ sa'okĩiɛ màa e gɔɔ sopla, ní dilɛ ma pɔ ũ, sa'okĩipi iɔ dɛ ma pɔ ũ ń a mìbao. Pɔ pɔ kã̀wà pii a gɔ̃ ma pɔ ũɛ.
Sa'oa lagulɛdɔ yã
(Nao 28.1-8)
38Pɔ pɔ ńyɔ̃liɔ sa'oò sa'okĩipiwa lagulɛdɔn kɛ: Sãbɔlɔ wɛ̃donaɔ mɛn plapla. 39Níli sa'o ń a mɛndoo kɔɔ, mɛndo oosiɛlɛ. 40Níli sa kɔɔ o ń pɛ̃ɛtio kilo pla yãalɛa ń nisi íwao litili do, níli vɛ̃ɛ kawà litili do. 41Níli sa oosiɛlɛ o ń pɛ̃ɛtio ń vɛ̃ɛo màa lɔ, iɔ dɛ sa pɔ a pɔ tɛkũa gĩ ì kɛmɛɛ na ũ. 42Á buiɔ líɔ sa pɔ wì a pɔ katɛu à tɛkũpi oa kpaaũkpɛ kpɛɛlɛ gɔɔpii. Wekĩi máli kpaaũuánɔ, míli yã'oɛ́. 43We ɔ̃ máli kpaaũu ń Isailiɔ, ma gawi i pisi gupiwa. 44Mí tó kpaaũkpɛ ń sa'okĩipio àɔ dɛ ma pɔ ũ, mí Aalona ń a nɛɔ dilɛ aaɔ ma gbagba. 45Máɔ ku Isailiɔ guu, míɔ dɛ an Lua ũ, 46aaiɔ dɔ̃ kɛ́ mamɛ má Dii ń Lua pɔ ń bɔlɛ Egipi kɛ́ màɔ ku ń guu ũ. Mamɛ má Dii ń Lua ũ.
Currently Selected:
Bɔa 29: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 29
29
Sa'onaɔ dilɛa yã
(Lev 8.1-36)
1Lá ńyɔ̃ kɛ tó nlɛ ń dilɛ aa ma gbagban kɛ: Zugaaena sɛ mɛndo ń sãsakao sãasaiɔ mɛn pla. 2Pɛ̃ɛti sɛ́, ní kaakɛò ń kàa pɔ wa tòto ń nisio ń kaawana pɔ wà nisikàwàɔ. 3Ka gbiu, ní sɛ ǹ mɔò ń zugaaenapio ń sãsakao mɛn plapiɔ. 4Aalona ń a nɛɔ sɛ ǹ mɔńnɔ kpaaũkpɛ kpɛɛlɛ, ní ń zu'o we. 5Aalona pɔkasaɔ daɛ̀, ulatao ń ulatao pɔ wà bakɛ̃̀wào ń sa'o'ulao ń bɔɔloonnɔɛo. Ní bɔ̀ɔpi ba dɔ sa'o'ula asanawa. 6Tulu diɛ̀, ní vuapɛpɛɛna pɔ ali aà dilɛ ma pɔ ũ na tulupiwa. 7Nisi pɔ wì ma pɔ dilɛò sɛ ǹ ka aà miwa ǹ aà da zĩu. 8Mɔ́ ń aà nɛɔ, ní ulatao danɛ́, 9ní asana dɔdɔnɛ́ ń pi, ní ń fùa gbã̀aɔ kpakpanɛ́. Má dìlɛ aamɛ aaɔ ma gbagba gɔɔpii. Lá ńyɔ̃ Aalona ń a nɛɔ da zĩun we.
10Mɔ́ ń zugaaenao kpaaũkpɛ kpɛɛlɛ, Aalona ń a nɛɔ aai ɔnana a miwa, 11ní zugaaenapi kolokpa ma aɛ kpaaũkpɛ kpɛɛlɛ we. 12Zupi au sí, ní mama ma gbagbakĩi kɔbaɔwa ń n ɔtonao, ní au pɔ gɔ̃̀ ɛlɛ ma gbagbakĩipi gbázĩ. 13Zupi salana ń a guu nisio sɛlɛ pii ń a goleɔ ń golepi nisio, ní kpasa sa'okĩiwa, 14ní zupi nɔ̀ɔ ń a báao ń a guupɔɔ katɛu à tɛkũ bookpɛ. Bee ìɔ dɛ sa pɔ wa o an duuna yãmusu ũ.
15Sãsakao sɛ mɛndo, Aalona ń a nɛɔ i ɔnana a miwa, 16ní sãpi kolokpa, ní a au sí ǹ lɛ sa'okĩiwa ǹ liai. 17Sãpi paa, ní zɔ̃ɛzɔ̃ɛ, ní a guupɔɔ ń a koeɔ pipi, ní kalɛ ń a mio ń a gukĩniɔ. 18Sã bṹupi kpasa sa'okĩiwa sa pɔ wì a pɔ katɛu à tɛkũ a gĩ ì kɛmɛɛ na ũ.#Ɛfɛ 5.2; Flp 4.18
19Sãsakao plaade sɛ́, Aalona ń a nɛɔ i ɔnana a miwa, 20ní a kolokpa, ní a au sí, ní mama Aalona ń a nɛɔ ɔplaa swãlɛbawa ń ń ɔplaa ɔnɛmio ń ń ɔplaa gbanɛmio, ní aupi kĩni lɛ́ sa'okĩiwa ǹ liai. 21Ní au pɔ gɔ̃̀ ka sa'okĩi musu dã yɔɔ ń nisi pɔ wì ma pɔ dilɛòo, ní fãfã Aalonawa ń a pɔkasaɔ, ní fãfã aà nɛɔwa lɔ ń ń pɔkasaɔ, Aalona i gɔ̃ ma pɔ ũ ń a pɔkasaɔ ń a nɛɔ ń ń pɔkasaɔ lɔ. 22Sãsakao plaadepi nisi sɛ́, a vlã́ nisi ń a salanao ń a guu nisio ń a goleɔ ń golepi nisio ń a ɔplaa gbáo. Sãsakaopi ìɔ dɛ an daa zĩu sa'obɔ ũ. 23Kàa boolo sɛ mɛndo kàa gbi pɔ aɔ ku ma aɛ guu ń kàa nisideo mɛndo ń kaawanao mɛndo. 24Ní apii na Aalona ń a nɛɔnɛ ń ɔzĩ, aai mɔmɛɛ sa pɔ wì a pɔ mɔmɛɛ ũ, 25ní pɔpiɔ sí ń ɔzĩ, ní kpasa sa'okĩiwa ń sa pɔ wì a pɔ katɛu à tɛkũ a gĩ ì kɛmɛɛ na ũo. 26Aalona daa zĩu sãsakao kula sɛ́, ní mɔmɛɛ, iɔ dɛ n baa ũ. 27Sa'ona daa zĩu sãsakao kula pɔ wa mɔ̀mɛɛ ń a gbá pɔ wa bɔ̀ adoao dilɛ Aalona ń a nɛgɔ̃ɛɔ pɔ ũ. 28Bee iɔ dɛ Aalona ń a nɛɔ blekĩi ũ gɔɔpii. Gba pɔ Isailiɔ líɔ danɛ́ an Dii saaukpaa sa'oa guun we.
29Aalona pɔkasa pɔ ali sɔ̃òmaziɔ gɔ̃ aà buiɔnɛɛ. Aali da, wìli nisikaòmá wà ń da zĩu. 30Aà nɛ pɔ a gɔ̃ sa'onkia ũ aà gɛ̃ɛ ũ lí pɔkasapiɔ da gĩ́a gɔɔ sopla, i gbasa mɔ zĩkɛi kpaaũkpɛu.
31Sa'ona daa zĩu sãsakao nɔ̀ɔ sɛ ǹ a fuukɛ kpaaũkpɛ ua, 32Aalona ń a nɛɔ aai so ń kàa pɔ ku gbiu kpaaũkpɛ kpɛɛlɛo. 33Sã pɔ wà sa'òò an duunkɛ̃ama yãi ì to an kua aɔ adoa an daa zĩupi yãi, aamɛ aali só ntɛ̃ɛ. Gbɛ̃e suli sońnɔo, asa ma pɔɛ. 34Tó gu dɔ̀ nɔ̀ɔ ge kàapi kĩniwa, kpasa. Gbɛ̃e suli sóo, asa ma pɔɛ.
35Yã pɔ má dìlɛnɛ Aalona ń a nɛɔ musupi kɛ pii, ní ń daa zĩu yãkɛkɛ e gɔɔ sopla. 36Lagulɛdɔ níli sa'o ń zugaaenao duunkɛ̃ama yãi, ní gbãbɔò sa'okĩiɛ, ní nisikawà, i gɔ̃ ma pɔ ũ. 37Gbãbɔ sa'okĩiɛ màa e gɔɔ sopla, ní dilɛ ma pɔ ũ, sa'okĩipi iɔ dɛ ma pɔ ũ ń a mìbao. Pɔ pɔ kã̀wà pii a gɔ̃ ma pɔ ũɛ.
Sa'oa lagulɛdɔ yã
(Nao 28.1-8)
38Pɔ pɔ ńyɔ̃liɔ sa'oò sa'okĩipiwa lagulɛdɔn kɛ: Sãbɔlɔ wɛ̃donaɔ mɛn plapla. 39Níli sa'o ń a mɛndoo kɔɔ, mɛndo oosiɛlɛ. 40Níli sa kɔɔ o ń pɛ̃ɛtio kilo pla yãalɛa ń nisi íwao litili do, níli vɛ̃ɛ kawà litili do. 41Níli sa oosiɛlɛ o ń pɛ̃ɛtio ń vɛ̃ɛo màa lɔ, iɔ dɛ sa pɔ a pɔ tɛkũa gĩ ì kɛmɛɛ na ũ. 42Á buiɔ líɔ sa pɔ wì a pɔ katɛu à tɛkũpi oa kpaaũkpɛ kpɛɛlɛ gɔɔpii. Wekĩi máli kpaaũuánɔ, míli yã'oɛ́. 43We ɔ̃ máli kpaaũu ń Isailiɔ, ma gawi i pisi gupiwa. 44Mí tó kpaaũkpɛ ń sa'okĩipio àɔ dɛ ma pɔ ũ, mí Aalona ń a nɛɔ dilɛ aaɔ ma gbagba. 45Máɔ ku Isailiɔ guu, míɔ dɛ an Lua ũ, 46aaiɔ dɔ̃ kɛ́ mamɛ má Dii ń Lua pɔ ń bɔlɛ Egipi kɛ́ màɔ ku ń guu ũ. Mamɛ má Dii ń Lua ũ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.