Bɔa 28
28
Sa'onaɔ pɔkasaɔ
(Bɔa 39.1-31)
1Isailiɔ guu ǹ n vĩi Aalona ń a nɛgɔ̃ɛɔ Nadabu ń Abiuo ń Ɛleazaao ń Itamaao sisi, aaliɔ ma gbagba. 2Pɔkasa pɔ n vĩi Aalona ali sɔ̃òmaziɔ zɔ̃ɛ̀, iɔ gawi vĩ ń bɛɛɛo. 3O gɔ̃ide pɔ ma ń gbá ɔ̃nɔɔnɛ pii, aa pɔkasapiɔ zɔ̃ Aalonaɛ, wi aà dilɛ adoa aàɔ ma gbagba. 4Pɔkasa pɔ aa zɔ̃ɛ̀piɔn kɛ: Bɔɔloonnɔɛ, sa'o'ula, ulatao, ulatao pɔ wà ba kɛ̃̀wà, tulu, asana. Aa pɔkasapiɔ zɔ̃ n vĩi Aalonaɛ ń a nɛgɔ̃ɛɔ, kɛ́ aaliɔ sɔ̃òmazi aaɔ ma gbagba. 5Aa pɔkasapiɔ zɔ̃ ń vuabao ń babuunao ń bagaaluladeo ń wɔ̃ɔtɛ̃nao ń baabaao.
6Aa sa'o'ulapi zɔ̃ ń pɔlɛ pɔ wa tã̀ ń bataɛao, wà gɔ̃inakɛ̀wà ń vuao ń babuunao ń bagaaluladeo ń wɔ̃ɔtɛ̃nao. 7Danziipi iɔ dɛ bakangãu ũ. 8Aai asana tã ń sa'o'ula pɔlɛ doũpio, kɛ́ aàli dɔ sa'o'ulapia. 9Onisi gbɛ sɛ mɛn pla, ní Isaili buiɔ tɔ́ kɛ̃ gbɛpiɔwa 10lá an ia tɛtɛ kɔ̃iwa. Tɔ́ mɛn soolo iɔ ku gbɛ̀ mɛndowa, a soolo pɔ gɔ̃̀ iɔ ku a plaadewa. 11Isaili buiɔ tɔ́ kɛ̃́ gbɛpiɔwa, lá wì wɛ̃sãkɛ̃ nɔamblebɔwa. Gbɛpiɔ kũbɔɔ kɛ ń vuao, ní gbɛpiɔ dadau. 12Gbɛ̀ mɛn plapiɔ pɛpɛ sa'o'ula bakangãuwa, aaiɔ dɛ Isaili buiɔ yãdɔngugbɛɔ ũ. An tɔ́ iɔ ku Aalona gãu kpɛplapla pii yãdɔngugbɛɔ ũ ma aɛ. 13Gbɛkũbɔpiɔ kɛ ń vuao. 14Vua tɛ̃ɛtɛ̃ɛ tã mɛn pla yabaa ũ, a tãa iɔ dɛ lan balɛɛnawa, ní dɔdɔ gbɛkũbɔpiɔwa.
15Bɔɔloonnɔɛ kɛ yãgɔ̃gɔ̃bɔ ũ ń pɔlɛ pɔ wa tã̀ ń bataɛao lan sa'o'ula pɔwa, wi gɔ̃inakɛwà ń vuao ń babuunao ń bagaaluladeo ń wɔ̃ɔtɛ̃nao. 16Bɔɔloonnɔɛpi gbã̀a ń a yaasao iɔ sáa ɔtã dodo. 17Zãblewà ń gbɛ̀ bɛɛɛdeɔ dɔɔ siiɔ̃. A dɔɔ sɛ̃ia saadɔani ń topazao ń ɛmɛlodio. 18A dɔɔ plaade tiikɔazi ń safiio ń diamao. 19A dɔɔ aaɔ̃de belili ń agatao ń amɛtisio. 20A dɔɔ siiɔ̃de kisoliti ń onisio ń yasepeo. Gbɛpiɔ kũbɔɔ kɛ ń vuao, ní dadau. 21Gbɛpiɔ iɔ mɛn kuɛpla Isaili buiɔ tɔ́ lɛu. Wa ń tɔ́piɔ kɛ̃ gbɛpiɔwa dodo, lá wì wɛ̃sãkɛ̃ nɔamblebɔwawa. 22Vua tɛ̃ɛtɛ̃ɛ tã mɛn pla, a tãa iɔ dɛ lan balɛɛnawa. 23Vua tãana pi bɔɔloonnɔɛ pɔ ũ mɛn pla, ní tãanapiɔ dɔdɔ bɔ̀ɔpi swãɔwa musu. 24Balɛɛna mɛn plapiɔ dɔdɔ bɔ̀ɔpi tãana mɛn plapiɔwa, 25ní balɛɛnapiɔ lɛ doɔ dɔdɔ gbɛkũbɔ pɔ ku bakangãuwapiɔwa. 26Vua tãana mɛn pla pãleɔ pi lɔ, ní ń dɔdɔ bɔ̀ɔpi swãɔwa zĩlɛ, a gu pɔ ali na sa'o'ulawa. 27Vua tãana pãleɔ pi mɛn pla lɔ, ní dɔdɔ sa'o'ulapi aɛ a pɛkĩi saɛ zĩlɛ oi asana musu. 28Wi bɔɔloonnɔɛ tãanaɔ ń sa'o'ula tãanapiɔ dɔkɔ̃wa ń babuuna tãao, bɔ̀ɔpi iɔ dɔa sa'o'ula asanawa, kɛ́ asu go sa'o'ulapiwao yãi.
29Gɔɔ pɔ Aalona lɛ́ gɛ̃ zwãakpɛu, aɔ Isaili buiɔ tɔ́ pɔ wa kɛ̃̀ yãgɔ̃gɔ̃ bɔɔloonnɔɛwa naa a sɔ̃waɛ, iɔ dɛmɛɛ á yãdɔngubɔ ũ gɔɔpii. 30Ní Uliũ ń Tumiũo#Nao 27.21; Iko 33.8; Ɛza 2.63; Nɛɛ 7.65 ka bɔ̀ɔpiu, aaiɔ naa Aalona sɔ̃wa gɔɔ pɔ àlɛ mɔ́ ma kĩi. Màa Aalona aliɔ Isaili buiɔ yãgɔ̃gɔ̃bɔ naa a sɔ̃wa gɔɔ pɔ àlɛ mɔ́ ma kĩi pii.
31Ulatao pɔ Aalona ali da ń sa'o'ulao zɔ̃ ń zwãa búunao. 32Danziipi fɔ̃ guoguo a migɛ̃kĩi ũ, ní a nɔɛpi miba, lá pɔnamina ì kɛwa, kɛ́ asu kɛ̃o yãi. 33Gɔ̃inakɛ sa'o'ulapi lɛ́wa lan gbɛafu bɛɔwa ǹ liai ń babuunao ń bagaaluladeo ń wɔ̃ɔtɛ̃nao, ní vua ãnanaɔ looloo gbɛafu bɛpiɔ zãnguo. 34Vua ãnanan kɛ, gbɛafu bɛn kɛ, vua ãnanan kɛ, gbɛafu bɛn kɛ. Wa kɛ ulataopi lɛ́wa màa à liai e à gɛ pɛɛ. 35Aalona lí ulataopi da à zĩkɛò, tó àlɛ mɔ́ ma kĩi zwãakpɛu ge àlɛ bɔ, wìliɔ aà kɔ̃fĩ ma, kɛ́ asu gao yãi.
36Vua tɛ̃ɛtɛ̃ɛ kɛ pɛpɛɛnnɔ, ní kɛ̃wà: Dii pɔɛ a zɛ́i, lá wì wɛ̃sãkɛ̃ nɔamblebɔwa. 37Vuapɛpɛɛnapi dɔ tulu aɛ ń balɛɛna búunao. 38Iɔ naa Aalona mi'aɛwa, iɔ dɛ Isailiɔ tàae pɔ aalɛ ma gba pɔ a yãi seela ũ a miwa, pɔ pɔ aalɛ ma gba piin nò. Vuapɛpɛɛnapi aɔ naa aà mi'aɛwa gɔɔpiiɛ, kɛ́ aa e aaɔ namanɔ.
39Ulatao zɔ̃ ń baabaao, ní tulu zɔ̃ ń baabaao lɔ, ni asana kɛ ǹ bakɛ̃wà. 40Ulataoɔ zɔ̃ Aalona nɛgɔ̃ɛɔnɛ ń asanaɔ ń fùa gbã̀aɔ, aaiɔ bɛɛɛ vĩ ń gawio. 41Pɔkasapiɔ da n vĩi Aalonaɛ ń a nɛgɔ̃ɛɔ, ní nisikamá ǹ ń da zĩu. Ǹ ń dilɛ ńdoa, aaliɔ ma gbagba. 42Baabaa soologeseɔ zɔ̃nɛ́ za ń kãnawɛ lɛu e ń kosokũ lɛu kɛ́ aali ye aa ń puizi ulɛò. 43Tó Aalona ń a nɛgɔ̃ɛɔ lɛ́ gɛ̃ kpaaũkpɛu, ge tó aalɛ gɛ́ sa'okĩi ma gbagbai, an baade lí a sòolopi ye, kɛ́ aasu taaekɛ aa gagao yãi. Bee iɔ dɛ ikoyã ũ Aalonaɛ ń aà buiɔ aà kpɛ.
Currently Selected:
Bɔa 28: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Bɔa 28
28
Sa'onaɔ pɔkasaɔ
(Bɔa 39.1-31)
1Isailiɔ guu ǹ n vĩi Aalona ń a nɛgɔ̃ɛɔ Nadabu ń Abiuo ń Ɛleazaao ń Itamaao sisi, aaliɔ ma gbagba. 2Pɔkasa pɔ n vĩi Aalona ali sɔ̃òmaziɔ zɔ̃ɛ̀, iɔ gawi vĩ ń bɛɛɛo. 3O gɔ̃ide pɔ ma ń gbá ɔ̃nɔɔnɛ pii, aa pɔkasapiɔ zɔ̃ Aalonaɛ, wi aà dilɛ adoa aàɔ ma gbagba. 4Pɔkasa pɔ aa zɔ̃ɛ̀piɔn kɛ: Bɔɔloonnɔɛ, sa'o'ula, ulatao, ulatao pɔ wà ba kɛ̃̀wà, tulu, asana. Aa pɔkasapiɔ zɔ̃ n vĩi Aalonaɛ ń a nɛgɔ̃ɛɔ, kɛ́ aaliɔ sɔ̃òmazi aaɔ ma gbagba. 5Aa pɔkasapiɔ zɔ̃ ń vuabao ń babuunao ń bagaaluladeo ń wɔ̃ɔtɛ̃nao ń baabaao.
6Aa sa'o'ulapi zɔ̃ ń pɔlɛ pɔ wa tã̀ ń bataɛao, wà gɔ̃inakɛ̀wà ń vuao ń babuunao ń bagaaluladeo ń wɔ̃ɔtɛ̃nao. 7Danziipi iɔ dɛ bakangãu ũ. 8Aai asana tã ń sa'o'ula pɔlɛ doũpio, kɛ́ aàli dɔ sa'o'ulapia. 9Onisi gbɛ sɛ mɛn pla, ní Isaili buiɔ tɔ́ kɛ̃ gbɛpiɔwa 10lá an ia tɛtɛ kɔ̃iwa. Tɔ́ mɛn soolo iɔ ku gbɛ̀ mɛndowa, a soolo pɔ gɔ̃̀ iɔ ku a plaadewa. 11Isaili buiɔ tɔ́ kɛ̃́ gbɛpiɔwa, lá wì wɛ̃sãkɛ̃ nɔamblebɔwa. Gbɛpiɔ kũbɔɔ kɛ ń vuao, ní gbɛpiɔ dadau. 12Gbɛ̀ mɛn plapiɔ pɛpɛ sa'o'ula bakangãuwa, aaiɔ dɛ Isaili buiɔ yãdɔngugbɛɔ ũ. An tɔ́ iɔ ku Aalona gãu kpɛplapla pii yãdɔngugbɛɔ ũ ma aɛ. 13Gbɛkũbɔpiɔ kɛ ń vuao. 14Vua tɛ̃ɛtɛ̃ɛ tã mɛn pla yabaa ũ, a tãa iɔ dɛ lan balɛɛnawa, ní dɔdɔ gbɛkũbɔpiɔwa.
15Bɔɔloonnɔɛ kɛ yãgɔ̃gɔ̃bɔ ũ ń pɔlɛ pɔ wa tã̀ ń bataɛao lan sa'o'ula pɔwa, wi gɔ̃inakɛwà ń vuao ń babuunao ń bagaaluladeo ń wɔ̃ɔtɛ̃nao. 16Bɔɔloonnɔɛpi gbã̀a ń a yaasao iɔ sáa ɔtã dodo. 17Zãblewà ń gbɛ̀ bɛɛɛdeɔ dɔɔ siiɔ̃. A dɔɔ sɛ̃ia saadɔani ń topazao ń ɛmɛlodio. 18A dɔɔ plaade tiikɔazi ń safiio ń diamao. 19A dɔɔ aaɔ̃de belili ń agatao ń amɛtisio. 20A dɔɔ siiɔ̃de kisoliti ń onisio ń yasepeo. Gbɛpiɔ kũbɔɔ kɛ ń vuao, ní dadau. 21Gbɛpiɔ iɔ mɛn kuɛpla Isaili buiɔ tɔ́ lɛu. Wa ń tɔ́piɔ kɛ̃ gbɛpiɔwa dodo, lá wì wɛ̃sãkɛ̃ nɔamblebɔwawa. 22Vua tɛ̃ɛtɛ̃ɛ tã mɛn pla, a tãa iɔ dɛ lan balɛɛnawa. 23Vua tãana pi bɔɔloonnɔɛ pɔ ũ mɛn pla, ní tãanapiɔ dɔdɔ bɔ̀ɔpi swãɔwa musu. 24Balɛɛna mɛn plapiɔ dɔdɔ bɔ̀ɔpi tãana mɛn plapiɔwa, 25ní balɛɛnapiɔ lɛ doɔ dɔdɔ gbɛkũbɔ pɔ ku bakangãuwapiɔwa. 26Vua tãana mɛn pla pãleɔ pi lɔ, ní ń dɔdɔ bɔ̀ɔpi swãɔwa zĩlɛ, a gu pɔ ali na sa'o'ulawa. 27Vua tãana pãleɔ pi mɛn pla lɔ, ní dɔdɔ sa'o'ulapi aɛ a pɛkĩi saɛ zĩlɛ oi asana musu. 28Wi bɔɔloonnɔɛ tãanaɔ ń sa'o'ula tãanapiɔ dɔkɔ̃wa ń babuuna tãao, bɔ̀ɔpi iɔ dɔa sa'o'ula asanawa, kɛ́ asu go sa'o'ulapiwao yãi.
29Gɔɔ pɔ Aalona lɛ́ gɛ̃ zwãakpɛu, aɔ Isaili buiɔ tɔ́ pɔ wa kɛ̃̀ yãgɔ̃gɔ̃ bɔɔloonnɔɛwa naa a sɔ̃waɛ, iɔ dɛmɛɛ á yãdɔngubɔ ũ gɔɔpii. 30Ní Uliũ ń Tumiũo#Nao 27.21; Iko 33.8; Ɛza 2.63; Nɛɛ 7.65 ka bɔ̀ɔpiu, aaiɔ naa Aalona sɔ̃wa gɔɔ pɔ àlɛ mɔ́ ma kĩi. Màa Aalona aliɔ Isaili buiɔ yãgɔ̃gɔ̃bɔ naa a sɔ̃wa gɔɔ pɔ àlɛ mɔ́ ma kĩi pii.
31Ulatao pɔ Aalona ali da ń sa'o'ulao zɔ̃ ń zwãa búunao. 32Danziipi fɔ̃ guoguo a migɛ̃kĩi ũ, ní a nɔɛpi miba, lá pɔnamina ì kɛwa, kɛ́ asu kɛ̃o yãi. 33Gɔ̃inakɛ sa'o'ulapi lɛ́wa lan gbɛafu bɛɔwa ǹ liai ń babuunao ń bagaaluladeo ń wɔ̃ɔtɛ̃nao, ní vua ãnanaɔ looloo gbɛafu bɛpiɔ zãnguo. 34Vua ãnanan kɛ, gbɛafu bɛn kɛ, vua ãnanan kɛ, gbɛafu bɛn kɛ. Wa kɛ ulataopi lɛ́wa màa à liai e à gɛ pɛɛ. 35Aalona lí ulataopi da à zĩkɛò, tó àlɛ mɔ́ ma kĩi zwãakpɛu ge àlɛ bɔ, wìliɔ aà kɔ̃fĩ ma, kɛ́ asu gao yãi.
36Vua tɛ̃ɛtɛ̃ɛ kɛ pɛpɛɛnnɔ, ní kɛ̃wà: Dii pɔɛ a zɛ́i, lá wì wɛ̃sãkɛ̃ nɔamblebɔwa. 37Vuapɛpɛɛnapi dɔ tulu aɛ ń balɛɛna búunao. 38Iɔ naa Aalona mi'aɛwa, iɔ dɛ Isailiɔ tàae pɔ aalɛ ma gba pɔ a yãi seela ũ a miwa, pɔ pɔ aalɛ ma gba piin nò. Vuapɛpɛɛnapi aɔ naa aà mi'aɛwa gɔɔpiiɛ, kɛ́ aa e aaɔ namanɔ.
39Ulatao zɔ̃ ń baabaao, ní tulu zɔ̃ ń baabaao lɔ, ni asana kɛ ǹ bakɛ̃wà. 40Ulataoɔ zɔ̃ Aalona nɛgɔ̃ɛɔnɛ ń asanaɔ ń fùa gbã̀aɔ, aaiɔ bɛɛɛ vĩ ń gawio. 41Pɔkasapiɔ da n vĩi Aalonaɛ ń a nɛgɔ̃ɛɔ, ní nisikamá ǹ ń da zĩu. Ǹ ń dilɛ ńdoa, aaliɔ ma gbagba. 42Baabaa soologeseɔ zɔ̃nɛ́ za ń kãnawɛ lɛu e ń kosokũ lɛu kɛ́ aali ye aa ń puizi ulɛò. 43Tó Aalona ń a nɛgɔ̃ɛɔ lɛ́ gɛ̃ kpaaũkpɛu, ge tó aalɛ gɛ́ sa'okĩi ma gbagbai, an baade lí a sòolopi ye, kɛ́ aasu taaekɛ aa gagao yãi. Bee iɔ dɛ ikoyã ũ Aalonaɛ ń aà buiɔ aà kpɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.