Sekaria 13

1Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na. 2N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni. 3Le unii u beenin ban ke u nabr tibɔr na aate ni una le ga bui u ke bi ga ku u, ba pu? u bui ke u nabr Uwumbɔr aamɔboln la, le ki tee mɔln inyamɔn. U yaa nabr tibɔr kan, ute ni una le ga saa kijuk ku u. 4N‑yoonn ngbaan yaa nan fuu ni kan, ubɔnabr aan li kpa kigaak waah kan tibɔkpiirkaan ti na pu. Ubaa aan li tun ke ubɔnabr na. Ubaa aan kii ke u peen ubɔnabr aawanpeenkaan ni saak kuub na ke u di ŋmann binib. 5U ga labr bui ke, ‘Maa ye Uwumbɔr aabɔnabr. M ye ukpaal la, maah fii ubo na, m boo ko la.’ 6Le ubaa yaa baa u ke, ‘Kina kan, tibuwar ti bi aabiŋ pu na nyan ni la chee’ kan, u ga bui ke, ‘Njɔ ubaa do le m kan ti.’”

Uwumbɔr aah bui ke bi ku waapihkpaal pu na

7Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.#13.7: Lik Matiu 26.31; Mak 14.27. 8M ga tak maanib, le kitiŋ kee mɔmɔk pu binib ŋigetek ŋilee kpoi. 9Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Currently Selected:

Sekaria 13: xonB

Highlight

Copy

Compare