Sab 31
31
Zabaptá mnduha ŋa maga slna
1Ka Yawe nda Musa guli mantsa: 2« Fa fa ta sləməŋ, zbaf zba yu ta Betsalʼel zwaŋa Uri zigha Hur ma mndəra la Yahuda. 3Ndəghanaf ndəgha yu nda sulkuma ɗa, ŋa nzakwa ni nda ɗifil, nda mahizl, nda snaŋtá skwi, ŋa snaŋta ni ta maga inda slnaha, 4ŋa snaŋta ni ta tva maga tsatsaftá skwiha nda dasu, nda kfura tsedi, nda ghuva tili, 5nda fiɗa palaha nda bla nda bla ŋa wirtsaptá skwi, nda fiɗa udzuha, nda ya ŋa snaŋta ni ta maga inda slnaha. 6Ta ghəŋa tsa, fanava fa yu ta Uhuliyav zwaŋa Ahisamah ma mndəra la Daŋ ŋa kataŋta. Fanam fa yu ta ɗifil ta inda mnduha nda ɗifil ma ghəŋa taŋ, kada laviŋta həŋ ta maga inda skwi ya mnaghaf yu: 7Tsa tumpula guyaku, nda akwata dzratá wi nda paɗuwa vla pla dmaku tida tani, nda inda huzlaha ma tsa tumpul ya, 8nda tabəl nda huzlaha ni tani, nda pitirlaha ka dasu ghenen nda inda huzlaha ni tani, nda gwira dra urdi, 9nda gwira pla ghəŋ ŋa dray tsuh tsuh nda inda huzlaha ni tani, nda glifiŋ nda tughwa ni tani, 10nda lgutha rka gaf lu nda ga, nda lgutha nda ghuɓa ŋa Haruna mndu ta dra skwi ŋa ɗa, nda lgutha ŋa zwana ni ŋa maga slna dra skwi, 11nda rɗa fata ka ŋa ɗa, nda urdi zɗa ziʼakwa ni ŋa dray nda dra ŋa vli nda ghuɓa. Manda va inda skwiha managhaf yu dzaʼa magata həŋ, » kaʼa.
Fitika Sabat
12Ka Yawe nda Musa guli mantsa: 13« Wya ká ka da mnanatá la Israʼila: “Ka ŋanata kuni ɗina ta sabatha ɗa, kabga ŋizla tsaya mataba ɗa nda kaghuni ha ma zivirha ghuni, ŋa snaŋta ghuni kazlay iʼi Yawe ta pghata kaghuni ka ŋa ɗa kəʼa. 14Ka ŋanata kuni ɗina ta Sabat, kabga fitik nda ghuɓa ya da kaghuni. Mndu dzaʼa dmanaftá tsa fitik ya ná, dzaʼa dza dza lu kahwathwata ta tsa mndu ya, kabga inda mndu dzaʼa magaŋtá slna baɗ tsa fitik ya, dzaʼa kliŋ kla lu mataba mndəra taŋ. 15Mkuʼ fitik ŋa maga slna. Ama baɗ mandəfáŋ ta nzakway ka Sabat, fitika mbiʼa vgha dar dar tsaya, nda fa ka ŋa Yawe. Ka magaŋ maga mndu ta slna baɗ Sabat katsi, dzaʼa dza dza lu ta tsa mndu ya. 16Dzaʼa ŋana ŋa la Israʼila ta Sabat ka Sabat ha ma zivirha taŋ ka dzratá wi ŋa ɗekɗek. 17Dzaʼa nzakway tsa Sabat ya ka ŋizla mataba ɗa nda la Israʼila ŋa ɗekɗek, kabga ma fitik mkuʼ magafta Yawe ta luwa nda haɗik, ka mbiʼaptá tsi ta vgha baɗ mandəfáŋ, ka hlaptá tsi hafu,” » kaʼa.
18Manda kɗakwa Yawe ta gwaɗa nda Musa ta ghwá Sinay, ka hlaftá tsi ta klamha dzratá wi his vindaf tsatsi nda ndəfiŋa ni, ka vlaŋta.
Currently Selected:
Sab 31: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
