Sab 27
27
Gwira pla ghəŋ ka ghuva tili
1« Ka magafta ka ta gwir nda udza kwehi. Ka mitər his nda rita slrakwa ni, ka mitər his nda rita bughwata ni, ka gragra nzakwa taŋ, ka mitər nda rita slada ni. 2Ka magafta ka ta tuldiha ni fwaɗ fwaɗ ka skwa turtuk nda tsi. Ka zlərɓata ka nda ghuva tili. 3Ka magafta ka ta hutayaha ni ŋa pgha hutiɗifa ni lmusa, nda pelha ni, nda nzəganzəga ni, nda gayaha ni, nda kwamblehha ni. Ka magafta ka ta inda tsa huzlaha ni ya nda ghuva tili. 4Ka maganafta ka ta katsar nda ghuva tili manda gata kadəŋ. Maganaf ka ta gidaŋha fwaɗ nda ghuva tili ta wa tsa tuldiha ni fwaɗ ya. 5Ka famta ka ta katsar ma huɗa tsa gwir ya, nda ma mndəra ɓlatá wa ni, ŋa nzakwa ni ma takataka tsa gwir ya. 6Ka fifiɗafta ta sandlaŋha ŋa gwir, sandlaŋha udza kwehi, ka zlərɓata ka nda ghuva tili. 7Ka hahamta ka ta tsa sandlaŋha ya ma tsa gidaŋha ta slərpuha tsa gwir ya his his ta dzaʼa lu klay. 8Ka magafta ka ta tsa gwir ya nda kataku, ka ghurum ká vli ma huɗa ni. Manda va ya maragha lu ta na ghwá na, mantsa ya dzaʼa magafta lu. »
Wupaya daɓa həga tumpul
9« Ka tsata ka ta daɓi ta wanaftá tsa həga tumpul ya. Ka wanafta ka nda wupayha gagaf lu nda vəvɗatá sləvdza liŋ kulefeɗ. Mitər hutaf mbsak dzaʼa nzakwa slrakwa ni nda təv maghura. 10Matalaha ni hisambsak, nda tughuha ni hisambsak ya ná, ka ghuva tili ka həŋ. Hdeuʼhdeuʼha tsa matalaha ya, nda htsiŋha taŋ ŋa habanata ya guli ná, ka kfura tsedi ka həŋ. 11Nda təv mazlay guli dzaʼa mamu wupayha ka mitər hutaf mbsak slrakwa ni, nda matalaha ni hisambsak, nda tughuha taŋ hisambsak ka ghuva tili ka həŋ. Hdeuʼhdeuʼha tsa matalaha ya, nda htsiŋha taŋ ka kfura tsedi ka həŋ. 12Bughwata tsa daɓi ya nda ga mazu guli ná, dzaʼa mamu wupayha ka mitər hisambsak hutaf mida, nda matalaha taŋ ghwaŋ, nda tughuha taŋ ghwaŋ. 13Bughwata tsa daɓi ya nda ga silwa təv safa fitik guli ná, mitər hisambsak hutaf mida dzaʼa nzakwa tsi. 14Ta sana slərpa tva lami ná, dzaʼa mamu wupayha ka mitər ndəfáŋ nda rita, nda matalaha taŋ hkən, nda tughuha taŋ hkən guli. 15Nda təv sana slərpu ya, dzaʼa mamu wupayha ka mitər ndəfáŋ nda rita, nda matalaha taŋ hkən, nda tughuha taŋ hkən guli. 16Ta wa tgha tsa daɓi ya ná, dzaʼa mamu laɓle nda sləvdzi ka kubwalkubwal, nda ya ka dva ghuz, nda ya ka dva ghəlez nda tsərslata vəvɗatá sləvdza liŋ kulefeɗ, gwal ta vivɗa dzaʼa gagafta. Ka magafta ka ta matalaha taŋ fwaɗ, nda tughuha taŋ fwaɗ guli.
17Inda tsa matalaha ta wanaftá kuraghuta tsa daɓi ya ná, ka magafta ka ta htsiŋha taŋ ŋa habanata nda hdeuʼhdeuʼha taŋ ka kfura tsedi, nda tughuha taŋ ka ghuva tili. 18Daɓa ni ná, ka mitər hutaf mbsak dzaʼa nzakwa slrakwa ni. Ka mitər hisambsak hutaf mida bughwata ni. Slada tsa ná, ka mitər his nda rita nda tsa wupaya vəvɗatá sləvdza liŋ kulefeɗ ya, nda tughuha taŋ ka ghuva tili. 19Inda huzlaha ŋa maga slna tsa həga tumpul ya, nda inda silikha ni, nda inda silikha tsa daɓa ni ya ná, ka ghuva tili ka həŋ. »
Rɗi ŋa da pitirla
20« Kagha Musa, ka mnanafta ka ta la Israʼila ŋa hlaghakta taŋ ta ɗitsatá rɗa zaytuŋ ghenen ŋa tsaftá vu ta pitirla ŋa gɗata ni ta zlghakwa inda fitik. 21Ka payanata i Haruna nda zwana ni ta pitirla ma tumpula guyaku nda ta kəma tsa zlala ta mbuŋtá akwata dzratá wi ya. Ka zlghakwa tsa pitirlaha ya petsuweɗ vli ta kəma Yawe. Tsaya skwi dzaʼa la Israʼila magay ŋa ɗekɗek ha ma zivira ghuni. »
Currently Selected:
Sab 27: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
