1 Macabeo 15
15
Meniawad yang Saup i Antiocus a Kapitu kang Simon
1Ibat king kasumangid ning dagat peparalan neng sulat Antiocus a anak nang Aring Demetrio i Simon, ing Pekapun ding Pari at gobernador da ring Judio at ing kabilugan a bansa. Ngana ning sulat:
2Ibat ya iting sulat kang Aring Antiocus. Miparala ya kang Simon, ing Pekapun ding Pari at gobernador, at king bansa da ring Judio. Kukomustan da kayu.
3Antimo ing balu yu, simsam de ring taksil ing kayarian da ring makatua ku. Inari ku king lub ku ing tagalan ku ing matulid ku at ibalik ke king sadia nang kabilian. Mekatipun kung dakal a sundalung upahan at migsadia kung barkung panggera.
4Pagnasan ku ing miras ku king bansa ku at lusuban ku la detang miglasak king kayarian ku at miglasak karing dakal nang siudad.
5Uli na niti, patunayan ku ing pangapatawaran da ring sablang buis a pepatawad da kekayu ding aring tikian ku at pati na ding sablang aliwang babayaran a pepatawad da kekayu.
6Paintulutan da kayung gawang sarili yung salapi a gamitan king sarili yung bansa.
7Mipasubali ya king buis ing Jerusalem at ing Templo. Ding sablang armas a sidia yu, at manatili lang kekayu ding kuta a telakad yu a ngeni sakup yu.
8Ing sablang utang yu ngeni king pondu ning ari at ing paintungulan pang sukat yung bayaran makalis na la manibat ngeni at angga na king kapilan pa man.
9Kabud atalakad mi neng pasibayu ing kekaming kayarian, ibie mi la kekayu, king bansa yu, at king Templo ding matas diling parangal ban makilala ing kekong dangalan king mabilug a yatu.
10King banuang dinalan pitung pulu at apat#15:10 BANUANG DINALAN PITUNG PULU AT APAT: ya naman ing 138 B.C. lisuban neng Antiocus ing bansa ding makatua na. Linipat la kang Antiocus ding sablang sundalus, inya ditak na la mu ding melakuan kang Trifo. 11Tegal neng Antiocus i Trifo a tinakas at minta ya king siudad ning Dor a atyu lele ning dagat. 12Balu na king mapanganib na ing kabilian na uling tekasan de ring sundalus na. 13Kibkuban neng Antiocus ing Dor; kayabe na lang linusub ding dinalan aduang pulung libung sundalus a masibukan at walung libung sundalung pakakabayu. 14Pepadurutnan de ing balen at sebat de ring barku na ing dagat. Makanyan ya kaigpit ing pangakubkub na manibat king mamala at danuman, inya alang milual o milub king siudad.
Sinaup la ding Tau Roma karing Judio
15 # 1 Mac 12:16. Samantala, dinatang ya Jerusalem ibat king Roma i Numenius at ding kayabe na. Atin lang daralang sulat para karing miyayaliwang ari at bansa. Ngana ning mababasa:
16Ibat ya iting sulat kang Lucio, ing pekakatawan ding Romano. Miparala ya kang Aring Tolomeo. Kukomustan da kayu.
17Dinatang ya kekami ing metung a grupu a tubud ibat karing kakaluguran mi at kakamping Judio a tinubud nang Simon, ing Pekapun ding Pari, at ding memalen ning Judio, ban ibayu re ing minuna rang kasunduan a pamikaluguran at pamikampi.
18Migdala lang gintung kalasag anting regalu a titimbang kapitnang tonelada.
19Uli na niti, pikayari mi ing sulatanan la ding miyayaliwang ari at bansa at aduan mi karela ing e da la sana tataginan ding Judio, ding siudad da o ing bansa ra king makananu pa mang paralan. King e da la gegerahan ding Judio o makikampi karing aliwang makigera karela.
20Pikayari mi munaman ing tanggapan mi ya ing kalasag.
21Nung sakaling ating taksil karing Judio a tinakas king bansa ra a dinatang kekayu, ibalik yu la kang Simon, ing Pekapun ding Pari, ban parusan na la agpang king kautusan da ring Judio.
22Peparala ya namang sulat a kalupa na niti i Lucio kang Aring Demetrio, kang Attalus, Ariarates, Arsaces, Sampsames, at karing tau Esparta, 23at kareting lugal: Delos, Myndos, Sicyon, Caria, Samos, Pamfilia, Licia, Halicarnassus, Rhodes, Faselis, Cos, Side, Aradus, Gortyna, Cnidus, Cyprus, at Cyrene. 24Miparala ya naman ing kopia na niti kang Simon, ing Pekapun ding Pari.
Kinawani ya i Aring Antiocus a Kapitu kang Simon
25King kaduang besis#15:25 Deng aliwang patutu babasan de king kaduang aldo. kibkuban neng Aring Antiocus ing Dor at tuki-tuking paglusub ing gewa na. Pepagawa yang kasangkapan a pangubkub at sebatan ne i Trifo, inya alang milual o milub karela. 26Peparala yang aduang libung piling tau i Simon ban sumaup kang Antiocus. Magdala lang pilak at gintu at dakal a gamit; 27oneng tinggian nang Antiocus ing aluk. Pepayalan na ngang ulaga ing sadia nang kasunduan kang Simon at meging kalaban ne. 28Tinubud neng Antiocus ing pagkatiwalan nang opisyal a i Atenobius ban makipagsalita kang Simon. Ngana kang Simon, Kasalukuyan meng sasakupan ngeni ing Jopa at Gezer at ing kuta ning Jerusalem, ding siudad a dake na ning kanakung kayarian. 29Lesak mu la ding sakup da at ginawa kang maragul a kasiran king bansa, at gewa yung panginuan ing sarili yu king dakal a lugal ning kakung kayarian. 30Isubli mu la kaku ngeni deting siudad a sekupan mu at isubli mu ing buis a melikum karing lugal a makalagpus king angganan na ning Judea a sekupan mu. 31Nung e mu daptan iti, mamayaran kang atlung pulung libung librang pilak king uli ra, at atlung pulung libung libra pang pilak bilang kabayaran ning kasiran a depat mu at para king pangawala ning buis karing siudad. Nung magkulang ka kaniti, datang kaming makigera keka.
32Inyang datang ne Jerusalem i Atenobius, ing Kakaluguran ning Ari, mengapamulala ya inyang akit na ing kamalan na ning kabilian nang Simon, ding gintu at pilak a kasangkapan na king lulanan da at ing pibandian na. Inabut ne ing mensahi na ning ari 33at nganang mekibat Simon, Ala kaming sekupan a bansa da ring aliwang tau o kinuang bandi ra nune mu ing mana mi karing makatua mi a simsam dang ala keng matulid ding kalaban karing milabas a panaun. 34Semantalanan mi ing oportunidad at kinua mi ing mangaintulid kekami. 35Tungkul naman king Jopa at Gezer a tatagalan mu, masiadung maragul ing kasiran a gagawan da reting balen karing kekaming memalen at king bansa mi. Dinan da kang anam a libung librang pilak para kareti.
36E ya mekibat kataya mang amanu i Atenobius bagkus meko yang mikakalabkab a mua. Mibalik ya king ari at binie ne ing pakibat nang Simon, at lerawan na ing kamalan nang Simon at ing sablang ikit na. Mikalabkab ya king mua ing ari.
Simbut neng Juan i Cendebeus
37Samantala, sinake ya king barku i Trifo at ikua nang mekatakas king Ortosia. 38Tilduan ne ning ari i Cendebeus bilang pekapun ding sundalus king lele dagat at dininan neng sundalung e pakakabayu ampon sundalung pakakabayu. 39Penabilin na ing sabatan ne ing Judea, italakad neng pasibayu ing Kidron at gawan matibe ding pasbul nang dalan, at gerahan na la ding kekaming kabalen kabang ya naman isundu na ing pamanagal na kang Trifo.
40Dinatang ya Jamnia i Cendebeus at inumpisa na na lang ligaligan ding kekaming kabalen inyang liban ne ing Judea, at inyang dekap na la at pete ding tau. 41Telakad neng pasibayu ing Kidron at mibili yang sundalung pakakabayu at aliwa pang sundalus ban makagawa lang pamaglusub at pamagpatrolia karing dalan ning Judea, antimo ing penabilin na ning ari.
Currently Selected:
1 Macabeo 15: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
1 Macabeo 15
15
Meniawad yang Saup i Antiocus a Kapitu kang Simon
1Ibat king kasumangid ning dagat peparalan neng sulat Antiocus a anak nang Aring Demetrio i Simon, ing Pekapun ding Pari at gobernador da ring Judio at ing kabilugan a bansa. Ngana ning sulat:
2Ibat ya iting sulat kang Aring Antiocus. Miparala ya kang Simon, ing Pekapun ding Pari at gobernador, at king bansa da ring Judio. Kukomustan da kayu.
3Antimo ing balu yu, simsam de ring taksil ing kayarian da ring makatua ku. Inari ku king lub ku ing tagalan ku ing matulid ku at ibalik ke king sadia nang kabilian. Mekatipun kung dakal a sundalung upahan at migsadia kung barkung panggera.
4Pagnasan ku ing miras ku king bansa ku at lusuban ku la detang miglasak king kayarian ku at miglasak karing dakal nang siudad.
5Uli na niti, patunayan ku ing pangapatawaran da ring sablang buis a pepatawad da kekayu ding aring tikian ku at pati na ding sablang aliwang babayaran a pepatawad da kekayu.
6Paintulutan da kayung gawang sarili yung salapi a gamitan king sarili yung bansa.
7Mipasubali ya king buis ing Jerusalem at ing Templo. Ding sablang armas a sidia yu, at manatili lang kekayu ding kuta a telakad yu a ngeni sakup yu.
8Ing sablang utang yu ngeni king pondu ning ari at ing paintungulan pang sukat yung bayaran makalis na la manibat ngeni at angga na king kapilan pa man.
9Kabud atalakad mi neng pasibayu ing kekaming kayarian, ibie mi la kekayu, king bansa yu, at king Templo ding matas diling parangal ban makilala ing kekong dangalan king mabilug a yatu.
10King banuang dinalan pitung pulu at apat#15:10 BANUANG DINALAN PITUNG PULU AT APAT: ya naman ing 138 B.C. lisuban neng Antiocus ing bansa ding makatua na. Linipat la kang Antiocus ding sablang sundalus, inya ditak na la mu ding melakuan kang Trifo. 11Tegal neng Antiocus i Trifo a tinakas at minta ya king siudad ning Dor a atyu lele ning dagat. 12Balu na king mapanganib na ing kabilian na uling tekasan de ring sundalus na. 13Kibkuban neng Antiocus ing Dor; kayabe na lang linusub ding dinalan aduang pulung libung sundalus a masibukan at walung libung sundalung pakakabayu. 14Pepadurutnan de ing balen at sebat de ring barku na ing dagat. Makanyan ya kaigpit ing pangakubkub na manibat king mamala at danuman, inya alang milual o milub king siudad.
Sinaup la ding Tau Roma karing Judio
15 # 1 Mac 12:16. Samantala, dinatang ya Jerusalem ibat king Roma i Numenius at ding kayabe na. Atin lang daralang sulat para karing miyayaliwang ari at bansa. Ngana ning mababasa:
16Ibat ya iting sulat kang Lucio, ing pekakatawan ding Romano. Miparala ya kang Aring Tolomeo. Kukomustan da kayu.
17Dinatang ya kekami ing metung a grupu a tubud ibat karing kakaluguran mi at kakamping Judio a tinubud nang Simon, ing Pekapun ding Pari, at ding memalen ning Judio, ban ibayu re ing minuna rang kasunduan a pamikaluguran at pamikampi.
18Migdala lang gintung kalasag anting regalu a titimbang kapitnang tonelada.
19Uli na niti, pikayari mi ing sulatanan la ding miyayaliwang ari at bansa at aduan mi karela ing e da la sana tataginan ding Judio, ding siudad da o ing bansa ra king makananu pa mang paralan. King e da la gegerahan ding Judio o makikampi karing aliwang makigera karela.
20Pikayari mi munaman ing tanggapan mi ya ing kalasag.
21Nung sakaling ating taksil karing Judio a tinakas king bansa ra a dinatang kekayu, ibalik yu la kang Simon, ing Pekapun ding Pari, ban parusan na la agpang king kautusan da ring Judio.
22Peparala ya namang sulat a kalupa na niti i Lucio kang Aring Demetrio, kang Attalus, Ariarates, Arsaces, Sampsames, at karing tau Esparta, 23at kareting lugal: Delos, Myndos, Sicyon, Caria, Samos, Pamfilia, Licia, Halicarnassus, Rhodes, Faselis, Cos, Side, Aradus, Gortyna, Cnidus, Cyprus, at Cyrene. 24Miparala ya naman ing kopia na niti kang Simon, ing Pekapun ding Pari.
Kinawani ya i Aring Antiocus a Kapitu kang Simon
25King kaduang besis#15:25 Deng aliwang patutu babasan de king kaduang aldo. kibkuban neng Aring Antiocus ing Dor at tuki-tuking paglusub ing gewa na. Pepagawa yang kasangkapan a pangubkub at sebatan ne i Trifo, inya alang milual o milub karela. 26Peparala yang aduang libung piling tau i Simon ban sumaup kang Antiocus. Magdala lang pilak at gintu at dakal a gamit; 27oneng tinggian nang Antiocus ing aluk. Pepayalan na ngang ulaga ing sadia nang kasunduan kang Simon at meging kalaban ne. 28Tinubud neng Antiocus ing pagkatiwalan nang opisyal a i Atenobius ban makipagsalita kang Simon. Ngana kang Simon, Kasalukuyan meng sasakupan ngeni ing Jopa at Gezer at ing kuta ning Jerusalem, ding siudad a dake na ning kanakung kayarian. 29Lesak mu la ding sakup da at ginawa kang maragul a kasiran king bansa, at gewa yung panginuan ing sarili yu king dakal a lugal ning kakung kayarian. 30Isubli mu la kaku ngeni deting siudad a sekupan mu at isubli mu ing buis a melikum karing lugal a makalagpus king angganan na ning Judea a sekupan mu. 31Nung e mu daptan iti, mamayaran kang atlung pulung libung librang pilak king uli ra, at atlung pulung libung libra pang pilak bilang kabayaran ning kasiran a depat mu at para king pangawala ning buis karing siudad. Nung magkulang ka kaniti, datang kaming makigera keka.
32Inyang datang ne Jerusalem i Atenobius, ing Kakaluguran ning Ari, mengapamulala ya inyang akit na ing kamalan na ning kabilian nang Simon, ding gintu at pilak a kasangkapan na king lulanan da at ing pibandian na. Inabut ne ing mensahi na ning ari 33at nganang mekibat Simon, Ala kaming sekupan a bansa da ring aliwang tau o kinuang bandi ra nune mu ing mana mi karing makatua mi a simsam dang ala keng matulid ding kalaban karing milabas a panaun. 34Semantalanan mi ing oportunidad at kinua mi ing mangaintulid kekami. 35Tungkul naman king Jopa at Gezer a tatagalan mu, masiadung maragul ing kasiran a gagawan da reting balen karing kekaming memalen at king bansa mi. Dinan da kang anam a libung librang pilak para kareti.
36E ya mekibat kataya mang amanu i Atenobius bagkus meko yang mikakalabkab a mua. Mibalik ya king ari at binie ne ing pakibat nang Simon, at lerawan na ing kamalan nang Simon at ing sablang ikit na. Mikalabkab ya king mua ing ari.
Simbut neng Juan i Cendebeus
37Samantala, sinake ya king barku i Trifo at ikua nang mekatakas king Ortosia. 38Tilduan ne ning ari i Cendebeus bilang pekapun ding sundalus king lele dagat at dininan neng sundalung e pakakabayu ampon sundalung pakakabayu. 39Penabilin na ing sabatan ne ing Judea, italakad neng pasibayu ing Kidron at gawan matibe ding pasbul nang dalan, at gerahan na la ding kekaming kabalen kabang ya naman isundu na ing pamanagal na kang Trifo.
40Dinatang ya Jamnia i Cendebeus at inumpisa na na lang ligaligan ding kekaming kabalen inyang liban ne ing Judea, at inyang dekap na la at pete ding tau. 41Telakad neng pasibayu ing Kidron at mibili yang sundalung pakakabayu at aliwa pang sundalus ban makagawa lang pamaglusub at pamagpatrolia karing dalan ning Judea, antimo ing penabilin na ning ari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994