Tootaraanamii 31
31
Caahshowaa Kiinaapishkawaatc Moosihsoon
1Moosihs (Moses) itahsh kii‑ishaa ekii awi kanoonaatc kahkina Isriyala' (Israel). 2#Num 20.12. Miitahsh o'o kaaihkitotc, “Aasha ohsha ninkotwaahk niishtana (120) nintahso pipoonwe, kaawiin hsa awahshime nintaa kashkihtoohsiin ciniikaaniihtamawinakook. Aaniihsh kaaTipenciketc ninkii'ik, ‘Kaawiin hsa kiin kika aashawishkaahsii i'i Cwaartan (Jordan).’ 3Wiin hsa piko kaaTipenciketc kiKishemanitoomiwaa kika niikaaniihtamaakowaa aashawishkaayek. Wiin hsa keshaakooci'aatc kaapepahkaanwewaanakisinitc pemaatisinitc keni ishaayek, oka mahkamaa' kaye otahkiimini. Caahshowaa (Joshua) hsa kika niikaaniihtamaakowaa aashawishkaayek, ci‑ishihsenik kaaTipenciketc kaaihkitotc. 4Mii hsa kaaTipenciketc ketootawaatc i'i pemaatisinitc taapishkoo kaakiih tootawaatc Saaihaanan (Sihon), shikwa Aakan (Og) kaakiih kihci okimaawinitc Emorii kaatinowinitc (Amorites), otahkiimini kaye kaakii nihshiwanaacihtamawaatc. 5KaaTipenciketc hsa oka ishi'aa' cishaakooci'imek, mii hsa 'i eshinaakwahk citootawekwaa kahkina kaakii ishi anooninakook. 6Mashkawi ayaak, mashkawentamok kaye, keko nininkaanimisihkek cikohsekwaa, aaniihsh kaaTipenciketc kiKishemanitoomiwaa kika wiiciiwikowaa. Kaawiin hsa kika nakanikohsiiwaa, kaawiin kaye kika wepinikohsiiwaa.”
7Miitahsh Moosihs kaakii antomaatc Caahshowaan o'o ekii'inaatc enaahsamiinitc kahkina Isriyala' (Israel), “Mashkawi ayaan, mashkawentan, kiin hsa kika ishi wiiciiwaak oko pemaatisiwaatc weti ahkiink kaaTipenciketc kaakii aayiici ahshotamawaakopanen okehteya'aamiwaapanii' ewii miinaatc, kiin hsa tahsh kika oshi miinaak citipinawewisiwaatc. 8#Jos 1.5; Heb 13.5. Wiin hsa piko kaaTipenciketc kika niikaaniihtamaak, kika wiiciiwik kaye. Kaawiin hsa kika nakanikohsii, kaawiin kika wepinikohsii. Keko sekisihken, keko mikoshkaatentanken,” okii'inaan.
Onahshowewin Entahsoniishwaahso pipoon Ci'anamihcikaatekipan
9Miitahsh Moosihs (Moses) kaakii oshipii'ank o'o onahshowewin ekii miinaatc i'i kaaniikaanisinitc i'imaa Isriyala', i'i kaye anami'ewikimaa' Liipaaink (Levites) wentahkaanesinitc kaakiih pimiwitoonitc kaaTipenciketc Otahshotamaakemahkahkoni. 10Miihsh o'o Moosihs kaa'inaatc Isriyala', “Eni ayishkwaahsekin hsa neniishwaahso (7) pipoon ahpii kiihkaahsi'ikaatekin masina'ikewinan, ahpii kiiakawaahte'ikani wiihkwantiiwahkamikisink. 11Ahpii kahkina Isriyalak (Israel) piishaawaatc eshi'ayaanitc kaaTipencikenitc kiKishemanitoomiwaan keshi onaapantaminitc, mii hsa 'owe onahshowewin keanamihtooyan cinoontamowaatc kahkina Isriyalak. 12Maamawi antom pemaatisiwaatc, ininiwak, ihkwewak, apinoonciishak kaye, meyakisiwaatc kitootenaamiwaank eyaawaatc cinoontamowaatc, cikihkentamowaatc kaye, cikohtaanenimaawaatc itahsh kaaTipencikenitc kiKishemanitoomiwaan. Weweni kaye ci‑ishihcikewaatc kahkina ehkitoomakaninik o'o onahshowewin. 13Oniicaanihsiwaa' kaye kehkentansinik o'o onahshowewin oka noontamini cikihkentaminitc cikohtaanenimaanitc kaaTipencikenitc kiKishemanitoomiwaan, minihk iko ketaanotamek i'i ahki aasha kekaa kaawii awi tipinawewisiyek awi aashawishkaayek Cwaartan (Jordan),” okii inaa'.
Moosihs Ishkwaac Kaakii'ikotc KaaTipencikenitc
14KaaTipencikenitc itahsh Moosihs (Moses) okii'ikoon, “Inashke, mii ohsha 'i aasha kekaa ci‑ishkwaa pimaatisiyan; antom itahsh Caahshowaa (Joshua), cipiishaayek kaashi maawaci'itink pakwaanekamikonk, miitahsh cionakimak,” okii'ikoon. Moosihs, a'a tahsh kaye Caahshowaa kii‑ishaawak eshi maawaci'itink pakwaanekamikonk. 15Miihsh kaaTipencikenitc wahkwiink kaakiih patahkaanahkwaninik kaakii onci naakosiihtaakowaatc i'imaa eshi ishkwaantemiwaninik eshi maawaci'itink pakwaanekamik.
16Miihsh o'o Moosihs kaakii'ikotc kaaTipencikenitc, “Aasha kekaa ci‑ishkwaa pimaatisiyan. Oko tahsh wiin pemaatisiwaatc tapihshikwaatentaakosiwak cinooci'aawaatc mayaki manitoo' eyaanitc ahkiink kaawii ishi piintikeshkaawaatc. Ninka wepinikook cipiikonamowaatc ahshotamaakewin kaakii oshihtamawakwaapan. 17Miihsh i'i ahpii kiishikaninik ninishkaatisiwin oka pakamishkaakonaawaa. Ninka wepinaak itahsh, ninka kaasoohtawaak kaye. Tanihshiwanaatisiwak itahsh, tapaahtiinatinini hsa macikekoon keotihsikowaatc, wahsitaawihsewinan kaye oka otihsikonaawaa. I'i tahsh ahpii kiishikaninik taihkitowak, ‘Miina'o wenci otihsikoyaank ono macikekoonan Kishemanitoo ewiiciiwihsiyamintc?’ 18Tepwe hsa ninka kaasoohtawaak i'i ahpii kiishikaninik onsaam aaniihsh misiwe ishi macitootamok ewii nooci'aawaatc kotak manitoo'.”
19“Noonkom itahsh oshipii'an o'o nikamon kiinawaa onci, cikihkino'amawatwaa Isriyalak (Israel) ci‑ina'amowaatc. Miitahsh i'iweni ketipaacimikowaatc nikamonini Isriyalak. 20Ahpii tahsh piinakwaa i'imaa ahkiink kashi wenooci nihtaawikininik kekoon, kaakii ahshotamawimakipan okehteya'aamiwaa', ishkwaa tewiihsiniwaatc itahsh, ani wenoocihsewaatc itahsh kaye, mii hsa 'i cikwehkiiwaatc cinooci'aawaatc kotak manitoo', cianami'ehtawaawaatc kaye. Miihsh keshi aanawenimiwaatc, cipiikonamowaatc kaye ahshotamaakewin kaakii oshihtamawakwaapan. 21Tani ishihseni tahsh ahpii ciotihsikowaatc niipiwa' macikekoonan, wahsitaawihsewinan kaye. Miitahsh o'oweni nikamon ketipaacimikowaatc aaniihsh kaawiin oka waniihkenotansiini keopiiwesiimiwaatc. Ninkihkenimaak hsa noonkom kaakiishikaninik enentamowaatc cipwaa ishiwinakwaa weti ahkiink kaakii ayiici ahshotamawakwaa.”
22Miitahsh Moosihs kaakii oshipii'ank o'o nikamon i'i peshikwan ehkiishikaninik, ekiih kihkino'amawaatc Isriyala'.
23 #
Num 27.23; Jos 1.6. Miitahsh kaaTipenciketc kaakii onakimaatc Caahshowaan kaakii otetenitc Nan (Nun) eshinihkaasonitc, o'o hsa okii'inaan, “Mashkawi ayaan, mashkawentan kaye, kiin ohsha kika ishiwinaak Isriyalak weti ahkiink kaakii ayiici ahshotamaakeyaampan, kika wiiciiwin kaye,” okii'inaan.
24Miihsh Moosihs masina'ikanink kaakii ishi oshipii'ank otoonahshowewinini kaaTipencikenitc piinihsh wiinke ekiih kiishipii'ank. 25Miihsh kaakii'inaatc Liipaaink wentahkaanesinitc kaakiih pimiwitoonitc kaaTipencikenitc Otahshotamaakemahkahkoni ekii'inaatc, 26“Otaahpinamok hsa o'o masina'ikan eshi oshipii'ikaatek onahshowewin cishi ahtooyek ohpimeya'ii eshi ahtek i'i kaaTipencikenitc kiKishemanitoomiwaa otahshotamaakemahkahk. Miitahsh i'imaa keayaak ketipaacimikoyek. 27Kikihkenimininim ohsha ehshashiipihtamek, emamayehciwiyek kaye; inashke noonkom iko kaakiishikahk ewiicipimaatisiiminakook, kipi shashiipihtaam, eshashiipihtawek kaaTipenciketc. Aanciihke maawiin kika shashiipihtaam kii‑ishkwaa pimaatisiyaan! 28Piitamawihshik hsa kahkina kaaniikaanisiwaatc entahswewaanakisiyek, kaani aanihke niikaanisiwaatc kaye ewii wiintamawakwaa ono ihkitowinan cinoontamowaatc. Kiishik itahsh ahki kaye niwiih kanootaanan citipaacimikoyek. 29Ninkihkentaan ohsha kii‑ishkwaa pimaatisiyaan noociko ishihcikeyek, cinakatamek kaye kaakii'ininakook ci‑ishihcikeyekipan. Naanaake tahsh ta‑ani ishihse macikekoon ciotihsikoyek, aaniihsh kika maci'ishihcikem enaahsamiitc kaaTipenciketc. Kitishihcikewiniwaank hsa kika onci nishki'aawaa,” kii‑ihkito.
Moosihs Kaakii'ina'ank
30Moosihs itahsh kiihkakito ekii noontaakotc kahkina Isriyala' ekii wiintank ehkitoomakaninik o'o nikamon, piinihsh ekiih kiishihtootc.
Currently Selected:
Tootaraanamii 31: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Tootaraanamii 31
31
Caahshowaa Kiinaapishkawaatc Moosihsoon
1Moosihs (Moses) itahsh kii‑ishaa ekii awi kanoonaatc kahkina Isriyala' (Israel). 2#Num 20.12. Miitahsh o'o kaaihkitotc, “Aasha ohsha ninkotwaahk niishtana (120) nintahso pipoonwe, kaawiin hsa awahshime nintaa kashkihtoohsiin ciniikaaniihtamawinakook. Aaniihsh kaaTipenciketc ninkii'ik, ‘Kaawiin hsa kiin kika aashawishkaahsii i'i Cwaartan (Jordan).’ 3Wiin hsa piko kaaTipenciketc kiKishemanitoomiwaa kika niikaaniihtamaakowaa aashawishkaayek. Wiin hsa keshaakooci'aatc kaapepahkaanwewaanakisinitc pemaatisinitc keni ishaayek, oka mahkamaa' kaye otahkiimini. Caahshowaa (Joshua) hsa kika niikaaniihtamaakowaa aashawishkaayek, ci‑ishihsenik kaaTipenciketc kaaihkitotc. 4Mii hsa kaaTipenciketc ketootawaatc i'i pemaatisinitc taapishkoo kaakiih tootawaatc Saaihaanan (Sihon), shikwa Aakan (Og) kaakiih kihci okimaawinitc Emorii kaatinowinitc (Amorites), otahkiimini kaye kaakii nihshiwanaacihtamawaatc. 5KaaTipenciketc hsa oka ishi'aa' cishaakooci'imek, mii hsa 'i eshinaakwahk citootawekwaa kahkina kaakii ishi anooninakook. 6Mashkawi ayaak, mashkawentamok kaye, keko nininkaanimisihkek cikohsekwaa, aaniihsh kaaTipenciketc kiKishemanitoomiwaa kika wiiciiwikowaa. Kaawiin hsa kika nakanikohsiiwaa, kaawiin kaye kika wepinikohsiiwaa.”
7Miitahsh Moosihs kaakii antomaatc Caahshowaan o'o ekii'inaatc enaahsamiinitc kahkina Isriyala' (Israel), “Mashkawi ayaan, mashkawentan, kiin hsa kika ishi wiiciiwaak oko pemaatisiwaatc weti ahkiink kaaTipenciketc kaakii aayiici ahshotamawaakopanen okehteya'aamiwaapanii' ewii miinaatc, kiin hsa tahsh kika oshi miinaak citipinawewisiwaatc. 8#Jos 1.5; Heb 13.5. Wiin hsa piko kaaTipenciketc kika niikaaniihtamaak, kika wiiciiwik kaye. Kaawiin hsa kika nakanikohsii, kaawiin kika wepinikohsii. Keko sekisihken, keko mikoshkaatentanken,” okii'inaan.
Onahshowewin Entahsoniishwaahso pipoon Ci'anamihcikaatekipan
9Miitahsh Moosihs (Moses) kaakii oshipii'ank o'o onahshowewin ekii miinaatc i'i kaaniikaanisinitc i'imaa Isriyala', i'i kaye anami'ewikimaa' Liipaaink (Levites) wentahkaanesinitc kaakiih pimiwitoonitc kaaTipenciketc Otahshotamaakemahkahkoni. 10Miihsh o'o Moosihs kaa'inaatc Isriyala', “Eni ayishkwaahsekin hsa neniishwaahso (7) pipoon ahpii kiihkaahsi'ikaatekin masina'ikewinan, ahpii kiiakawaahte'ikani wiihkwantiiwahkamikisink. 11Ahpii kahkina Isriyalak (Israel) piishaawaatc eshi'ayaanitc kaaTipencikenitc kiKishemanitoomiwaan keshi onaapantaminitc, mii hsa 'owe onahshowewin keanamihtooyan cinoontamowaatc kahkina Isriyalak. 12Maamawi antom pemaatisiwaatc, ininiwak, ihkwewak, apinoonciishak kaye, meyakisiwaatc kitootenaamiwaank eyaawaatc cinoontamowaatc, cikihkentamowaatc kaye, cikohtaanenimaawaatc itahsh kaaTipencikenitc kiKishemanitoomiwaan. Weweni kaye ci‑ishihcikewaatc kahkina ehkitoomakaninik o'o onahshowewin. 13Oniicaanihsiwaa' kaye kehkentansinik o'o onahshowewin oka noontamini cikihkentaminitc cikohtaanenimaanitc kaaTipencikenitc kiKishemanitoomiwaan, minihk iko ketaanotamek i'i ahki aasha kekaa kaawii awi tipinawewisiyek awi aashawishkaayek Cwaartan (Jordan),” okii inaa'.
Moosihs Ishkwaac Kaakii'ikotc KaaTipencikenitc
14KaaTipencikenitc itahsh Moosihs (Moses) okii'ikoon, “Inashke, mii ohsha 'i aasha kekaa ci‑ishkwaa pimaatisiyan; antom itahsh Caahshowaa (Joshua), cipiishaayek kaashi maawaci'itink pakwaanekamikonk, miitahsh cionakimak,” okii'ikoon. Moosihs, a'a tahsh kaye Caahshowaa kii‑ishaawak eshi maawaci'itink pakwaanekamikonk. 15Miihsh kaaTipencikenitc wahkwiink kaakiih patahkaanahkwaninik kaakii onci naakosiihtaakowaatc i'imaa eshi ishkwaantemiwaninik eshi maawaci'itink pakwaanekamik.
16Miihsh o'o Moosihs kaakii'ikotc kaaTipencikenitc, “Aasha kekaa ci‑ishkwaa pimaatisiyan. Oko tahsh wiin pemaatisiwaatc tapihshikwaatentaakosiwak cinooci'aawaatc mayaki manitoo' eyaanitc ahkiink kaawii ishi piintikeshkaawaatc. Ninka wepinikook cipiikonamowaatc ahshotamaakewin kaakii oshihtamawakwaapan. 17Miihsh i'i ahpii kiishikaninik ninishkaatisiwin oka pakamishkaakonaawaa. Ninka wepinaak itahsh, ninka kaasoohtawaak kaye. Tanihshiwanaatisiwak itahsh, tapaahtiinatinini hsa macikekoon keotihsikowaatc, wahsitaawihsewinan kaye oka otihsikonaawaa. I'i tahsh ahpii kiishikaninik taihkitowak, ‘Miina'o wenci otihsikoyaank ono macikekoonan Kishemanitoo ewiiciiwihsiyamintc?’ 18Tepwe hsa ninka kaasoohtawaak i'i ahpii kiishikaninik onsaam aaniihsh misiwe ishi macitootamok ewii nooci'aawaatc kotak manitoo'.”
19“Noonkom itahsh oshipii'an o'o nikamon kiinawaa onci, cikihkino'amawatwaa Isriyalak (Israel) ci‑ina'amowaatc. Miitahsh i'iweni ketipaacimikowaatc nikamonini Isriyalak. 20Ahpii tahsh piinakwaa i'imaa ahkiink kashi wenooci nihtaawikininik kekoon, kaakii ahshotamawimakipan okehteya'aamiwaa', ishkwaa tewiihsiniwaatc itahsh, ani wenoocihsewaatc itahsh kaye, mii hsa 'i cikwehkiiwaatc cinooci'aawaatc kotak manitoo', cianami'ehtawaawaatc kaye. Miihsh keshi aanawenimiwaatc, cipiikonamowaatc kaye ahshotamaakewin kaakii oshihtamawakwaapan. 21Tani ishihseni tahsh ahpii ciotihsikowaatc niipiwa' macikekoonan, wahsitaawihsewinan kaye. Miitahsh o'oweni nikamon ketipaacimikowaatc aaniihsh kaawiin oka waniihkenotansiini keopiiwesiimiwaatc. Ninkihkenimaak hsa noonkom kaakiishikaninik enentamowaatc cipwaa ishiwinakwaa weti ahkiink kaakii ayiici ahshotamawakwaa.”
22Miitahsh Moosihs kaakii oshipii'ank o'o nikamon i'i peshikwan ehkiishikaninik, ekiih kihkino'amawaatc Isriyala'.
23 #
Num 27.23; Jos 1.6. Miitahsh kaaTipenciketc kaakii onakimaatc Caahshowaan kaakii otetenitc Nan (Nun) eshinihkaasonitc, o'o hsa okii'inaan, “Mashkawi ayaan, mashkawentan kaye, kiin ohsha kika ishiwinaak Isriyalak weti ahkiink kaakii ayiici ahshotamaakeyaampan, kika wiiciiwin kaye,” okii'inaan.
24Miihsh Moosihs masina'ikanink kaakii ishi oshipii'ank otoonahshowewinini kaaTipencikenitc piinihsh wiinke ekiih kiishipii'ank. 25Miihsh kaakii'inaatc Liipaaink wentahkaanesinitc kaakiih pimiwitoonitc kaaTipencikenitc Otahshotamaakemahkahkoni ekii'inaatc, 26“Otaahpinamok hsa o'o masina'ikan eshi oshipii'ikaatek onahshowewin cishi ahtooyek ohpimeya'ii eshi ahtek i'i kaaTipencikenitc kiKishemanitoomiwaa otahshotamaakemahkahk. Miitahsh i'imaa keayaak ketipaacimikoyek. 27Kikihkenimininim ohsha ehshashiipihtamek, emamayehciwiyek kaye; inashke noonkom iko kaakiishikahk ewiicipimaatisiiminakook, kipi shashiipihtaam, eshashiipihtawek kaaTipenciketc. Aanciihke maawiin kika shashiipihtaam kii‑ishkwaa pimaatisiyaan! 28Piitamawihshik hsa kahkina kaaniikaanisiwaatc entahswewaanakisiyek, kaani aanihke niikaanisiwaatc kaye ewii wiintamawakwaa ono ihkitowinan cinoontamowaatc. Kiishik itahsh ahki kaye niwiih kanootaanan citipaacimikoyek. 29Ninkihkentaan ohsha kii‑ishkwaa pimaatisiyaan noociko ishihcikeyek, cinakatamek kaye kaakii'ininakook ci‑ishihcikeyekipan. Naanaake tahsh ta‑ani ishihse macikekoon ciotihsikoyek, aaniihsh kika maci'ishihcikem enaahsamiitc kaaTipenciketc. Kitishihcikewiniwaank hsa kika onci nishki'aawaa,” kii‑ihkito.
Moosihs Kaakii'ina'ank
30Moosihs itahsh kiihkakito ekii noontaakotc kahkina Isriyala' ekii wiintank ehkitoomakaninik o'o nikamon, piinihsh ekiih kiishihtootc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society