Sam 125
125
Lixitkis Nunuan Ti Limixin At Ne Moroa
1Nedi di nuunu saga at Leeme Silok, di lok ngan Lakaana Saion ua ixo epovo do tara nakma asubu i, ketla naba tu atmatkun lexen tino. 2Larakaana dit kis kangkan lemenemen Jerusalem, la kerepmo bok Leeme Silok nabang kan pe axap limixin teren monga la at levenaleng axap i tu melamgo.
3Limixin kapmek di noxom gomgonga amisik laxangka at limixin mokmokso. Mo do dina lox i xuren, limixin mokmokso bok giba vubeles at laxapmek. 4O Leeme Silok, una lok lununuan tinedi dik lok nunuan, la tinedi bok ding tonga res at levelinga ram. 5Ketla una lox asongot nedi dit pas at leventaangas i xakauk, la una lox asongot nedi bok di sok tixirixes kepe leventaangas taram.
Limila nak lok maxeneng at limixin me Israel.
Currently Selected:
Sam 125: mmx
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
