YouVersion Logo
Search Icon

NUMBERS 17

17
Éran bigish
1Áko Bóhólníihii éí Mózes yich'į' haadzíi'go ííłní, 2Ízrel dine'é bich'į' handziihgo dabizhé'é yę́ę náás ahoolchíłígíí gish bik'eh nítą́ągo nídidíínił; bá aląąjį' naazíinii t'áá ałtso dabizhé'é yę́ę náás ahoolchíiłii bik'ehgo gish naakits'áadahgo nídidííniłgo dine'é łá'í jinízínígo dahagish bikáa'gi házhi' ádadííliił. 3Áádóó Líívai dine'é bigish bikáa'gi éí Éran bízhi' ádíílííł; Ízrel dine'é dahazhé'é yę́ę náás ahoolchíiłii bá aląąjį' nidzizíinii gish t'ááłá'í hak'eh nítą́ą doo. 4Éí níbaal bii' dahozdísingi tsits'aa' dílzinii neeznáago bik'eh ó'oo'níiłii bee bééhániihii bii' sinilii bidááhdóó nihił ahínéishkahígi nidadoohnił. 5Ákohgo diné bigish nídideeshtį́łígíí éí ch'ilátah hózhóón bąąh hodooleeł, áádóó Ízrel dine'é nich'į' saad dahółónígíí dabidideeshxił. 6Áko Mózes éí Ízrel dine'é yich'į' haadzíí', áádóó aląąjį' nidzizíinii t'áá ádzíłtso dahagish Mózes baa dadziiznil; dahazhé'é yę́ę náás ahoolchíiłii bik'ehgo aląąjį' nidzizíinii gish t'ááłá'í hak'eh nítą́, áko gish naakits'áadahgo Éran bigish éí dahagish bitah sitą́. 7Áádóó Mózes éí níbaal bii' hodílzinii bii' neeznáago bik'eh ó'oo'níiłii bee bééhániihii si'ánígi Bóhólníihii bidááhdóó gish niinínil.
8Áko biiskání Mózes éí níbaal bii' hodílzinii bii' neeznáago bik'eh ó'oo'níiłii bee bééhániihii si'ání góne' yah ajííyáá nít'éé'; jó, Éran bigish éí Líívai dine'é bá sitánígíí bąąh hada'neesą́ągo bílátah da'iigaigo bąąh bineest'ą' álman wolyéhígíí dadínéesą́ą́ lá. 9Ákohgo Mózes éí Bóhólníihii bits'ą́ą́dóó gish t'áá át'é Ízrel dine'é yich'į' ch'íiníjaa', áko deinééł'į́į'go diné łá'í nízínígo dabigish nídeidiyiitą́. 10Áádóó Bóhólníihii éí Mózes ííłní, Éran bigish éí tsits'aa' dílzinii neeznáago bik'eh ó'oo'níiłii bee bééhániihii bii' sinilii bidááhdóó ninánítį́į́h;#Heb. 9:4. éí bá bee ééhózinii át'éego hasht'e'sitą́ą doo, áádóó shich'į' saad dahółónígíí dabididííłhił, áko doo dadínóonéeł da. 11Áádóó Mózes ákódziidzaa; Bóhólníihii hach'į' yee haadzí'ígíí bik'ehgo ádziidzaa.
12Ízrel dine'é éí Mózes yich'į' hadaasdzíi'go ádeiłní, Jó, danii'né, ánihi'niidįįd; t'áá áníiltso ánihi'niidįįd. 13T'áá ałtso Bóhólníihii biníbaal bii' hodílzinii bit'áahjį' nehekáhígíí daniné. T'áásh áníiltso dadíníi'nééł lá?

Currently Selected:

NUMBERS 17: NVJOB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy