Jonás 2
2
Diosta Jonás mañacushan
1Chaymi Jonasga pescädupa pachancho caycashpan Tayta Diosta mañacuran. 2Mañacur cayno niran:
«Fiyupa llaquisha caycashpämi gamman mañacamurä, Tayta Dios.
Gamnami yanapämarayqui.#2Sam. 22.7; Sal. 18.6; 120.1
Wañushanöna caycashpämi gamman mañacamurä.
Gamnami wiyamarayqui.#Sal. 130.2; Lam. 3.56
3Lamarmanga mas jundunninmanmi garpumashcanqui.
Intëröpa yacullatami ricaycashcä.
Yacuga ruyrucarcur-ruyrucarcur janäpa päsasha.#Sal. 42.7; 88.3-7
4Chayrämi yarpärishcä läduyquipita jitarishana caycashäta;#Sal. 31.22
rispitädu Templuyquitapis manana ricanäpaj cashanta.
5Yacuwan tallucashami puriycashcä.
Aypalla yacumi intëru janäpa ñiticarcamaran.
Yacu rurincho caycaj jachacunapis pitucarcamaran.
6Pacha rurincamami chayashcä.#Sal. 69.2
Chaychöga caycashcä imaypis mana llojshimojpäno chapacashana.
Gammi ichanga Tayta Diosnë, jatun uchcupita jorgamashpayqui
salbamashcanqui cawaycajllata.#Sal. 30.3
7Wañunäpaj caycashächönami
gampaj yarpärirä Tayta Dios.
Chayno mañacamushätami gamga wiyarayqui.
Chaynömi rispitädu Templuyquichöpis wiyamurayqui.
8Mana bälej ïdulucunata adurajcunaga
gamta gongaycushurayquimi.
9Nogami ichanga charashäcunata gampaj churashpä alli shimëpa alabashayqui.
Aunishätaga llapantami cumlishaj.#Sal. 22.25
¡Tayta Diosllami salbacöga!»
10Chayno nir ruwacuptin Tayta Diosga camacächiran Jonasta allpaman pescädu gumitaramunanpaj.
Currently Selected:
Jonás 2: qub
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved. In cooperation with Asociación Cristiana JAWCA.
