ܡܙܡܘܪ̈ܐ 110 (ܩܝ)
110 (ܩܝ)
ܡܲܙܡܘܿܪܵܐ ܕܕܵܘܝܼܕ.
1ܐ݇ܡܝܼܪܹܗ ܡܵܪܝܵܐ ܠܡܵܪܝܼ، ”ܝ݇ܬܘܿܒ݂ ܠܝܲܡܝܼܢܝܼ،
ܗܲܠ ܕܡܲܬܒܸܢ ܕܸܫܡܸܢܘܼ̈ܟ݂ ܟܘܼܒ݂ܫܵܐ ܬܚܘܿܬ ܐܲܩܠܘܼ̈ܟ݂.“
2ܚܘܼܛܪܵܐ ܕܥܘܼܫܢܘܼܟ݂ ܒܸܬ ܫܲܕܸܪ ܡܵܪܝܵܐ ܡ̣ܢ ܨܸܗܝܘܿܢ،
ܒܹܐܡܵܪܵܐ، ”ܥܒ݂ܘܿܕ ܫܘܼܠܛܵܢܵܐ ܓܵܘ ܕܸܫܡܸܢܘܼ̈ܟ݂.“
3ܥܲܡܘܼܟ݂ ܒܸܬ ܡܲܩܪܸܒ݂ ܓܵܢܹܗ ܒܨܸܒ݂ܝܵܢܵܐ ܒܝܵܘܡܵܐ ܕܚܲܝܠܘܼܟ݂،
ܒܣܸܩܠܹ̈ܐ ܕܩܘܼܕܫܵܐ، ܡ̣ܢ ܡܲܪܒܥܵܐ ܕܨܲܦܪܵܐ،
ܐܸܠܘܼܟ݂ ܛܠܘܼܠܵܐ ܕܝܵܠܕ݇ܘܼܬܘܼܟ݂.
4ܝ݇ܡܹܐ ܠܹܗ ܡܵܪܝܵܐ ܘܠܹܐ ܦܵܫܹܡ،
”ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ
ܒܣܸܕܪܵܐ ܕܡܲܠܟܝܼܙܕܸܩ.“
5ܡܵܪܝܵܐ ܥܲܠ ܝܲܡܝܼܢܘܼܟ݂ ܝܼܠܹܗ،
ܗ̇ܘ ܒܸܬ ܛܵܒܹܚ ܡܲܠܟܹ̈ܐ ܒܝܵܘܡܵܐ ܕܚܸܡܬܹܗ.
6ܒܸܬ ܕܵܐܹܢ ܓܵܘ ܐܸܡܘܵܬܹ̈ܐ،
ܒܸܬ ܡܵܠܹܐ ܠܗܘܿܢ ܫܠܲܕܹ̈ܐ،
ܒܸܬ ܛܵܒܹܚ ܪܹ̈ܫܵܢܹܐ ܥܲܠ ܐܲܪܥܵܐ ܪܘܝܼܚܬܵܐ.
7ܡ̣ܢ ܢܲܚܠܵܐ ܒܐܘܼܪܚܵܐ ܒܸܬ ܫܵܬܹܐ،
ܒܘܼܬ ܐܵܗܵܐ، ܒܸܬ ܡܲܪܸܡ ܪܹܫܹܗ.
Currently Selected:
ܡܙܡܘܪ̈ܐ 110 (ܩܝ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation