ܡܙܡܘܪ̈ܐ 109 (ܩܛ)
109 (ܩܛ)
ܠܪܹܫ ܓܘܼܕܵܐ ܕܙܲܡܵܪܹ̈ܐ. ܡܲܙܡܘܿܪܵܐ ܕܕܵܘܝܼܕ.
1ܝܵܐ ܐܲܠܵܗܵܐ ܕܬܸܫܒܘܿܚܬܝܼ، ܠܵܐ ܫܵܬܩܹܬ.
2ܣܵܒܵܒ ܦܘܼܡܵܐ ܪܲܫܝܼܥܵܐ ܘܦܘܼܡܵܐ ܦܵܠܘܿܡܵܐ ܥܲܠܝܼ ܦܬܝܼܚ ܠܗܘܿܢ،
ܗܘܼܡܙܸܡ ܠܗܘܿܢ ܥܲܡܝܼ ܒܠܸܫܵܢܵܐ ܕܲܓܵܠܵܐ.
3ܘܒܗܹܡܸܙܡܵܢܹ̈ܐ ܕܣܢܵܝܬܵܐ ܩܲܡ ܚܲܪܕܝܼ ܠܝܼ،
ܘܦܠܝܼܫ ܠܗܘܿܢ ܥܲܡܝܼ ܒܠܵܐ ܥܸܠܬܵܐ.
4ܡ̣ܢ ܓܹܒܵܐ ܕܚܘܼܒܝܼ ܗܘܹܐ ܠܗܘܿܢ ܕܲܠܩܘܼܒ݂ܠܝܼ،
ܟܲܕ ܐܵܢܵܐ ܒܨܠܘܿܬܵܐ.
5ܘܦܪܝܼܥ ܠܗܘܿܢ ܐܸܠܝܼ ܒܝܼܫܬܵܐ ܡ̣ܢ ܓܹܒܵܐ ܕܛܵܒ݂ܬܵܐ،
ܘܣܢܵܝܬܵܐ ܡ̣ܢ ܓܹܒܵܐ ܕܚܘܼܒܝܼ.
6ܡܲܩܸܡ ܥܲܠܘܼܗܝ ܪܲܫܝܼܥܵܐ،
ܘܕܲܠܩܘܼܒ݂ܠܵܝܵܐ ܟܵܠܹܐ ܥܲܠ ܝܲܡܝܼܢܹܗ.
7ܐܝܼܡܲܢ ܕܦܵܐܹܫ ܕܝܼܢܵܐ، ܫܒ݂ܘܿܩ ܦܵܠܹܛ ܚܲܝܵܒ݂ܵܐ،
ܘܨܠܘܿܬܹܗ ܚܵܕܪܵܐ ܠܚܛܝܼܬܵܐ.
8ܗܵܘܝܼ ܝܵܘܡܵܢܘܼ̈ܗܝ ܒܵܨܘܿܪܹ̈ܐ،
ܘܡܕܲܒܪܵܢܘܼܬܹܗ ܫܵܩܹܠ ܚܲܕ ܐ݇ܚܹܪ݇ܢܵܐ.
9ܗܵܘܝܼ ܒܢܘܿܢܘܼ̈ܗܝ ܝܵܬܘܿܡܹ̈ܐ،
ܘܒܲܟ݂ܬܹܗ ܐܲܪܡܸܠܬܵܐ.
10ܚܕܵܪܵܐ ܚܵܕܪܝܼ ܒܢܘܿܢܘܼ̈ܗܝ ܘܓܵܒ݂ܝܼ،
ܘܛܵܥܝܼ ܒܵܬ݇ܪ ܠܲܚܡܵܐ ܒܕܘܼܟܵܢܲܝ̈ܗܝ ܚܵܪ̈ܵܒܹܐ.
11ܟ̰ܵܠܹܓ̰ ܡܵܪܵܐ ܕܕܲܝܢܵܐ ܠܟܠ ܡܸܢܕܝܼ ܕܐܝܼܬ ܠܹܗ،
ܘܣܵܠܒܝܼ ܢܘܼܟ݂ܪ̈ܵܝܹܐ ܛܥܘܼܢܬܵܐ ܕܥܲܡܠܹܗ.
12ܠܵܐ ܗܵܘܹܐ ܐܸܠܹܗ ܝܵܗ݇ܒ݂ܵܢܵܐ ܕܪ̈ܲܚܡܹܐ،
ܘܠܵܐ ܗܵܘܹܐ ܥܵܒ݂ܕܵܢܵܐ ܕܚܢܵܢܵܐ ܠܝܲܬܘܼܡܘܼ̈ܗܝ.
13ܦܵܐܹܫ ܩܛܝܼܥܵܐ ܙܲܪܥܹܗ،
ܘܩܵܐ ܕܵܘܪܵܐ ܐ݇ܚܹܪ݇ܢܵܐ ܫܸܡܲܝܗܝ ܗܵܘܹܐ ܓܪܝܼܕܵܐ.
14ܦܵܐܹܫ ܕܟ݂ܝܼܪܵܐ ܥܵܘܠܵܐ ܕܐܲܒ݂ܵܗܵܬܹ̈ܗ ܠܟܸܣ ܡܵܪܝܵܐ،
ܘܚܛܝܼܬܵܐ ܕܝܸܡܹܗ ܠܵܐ ܦܵܝܫܵܐ ܓܪܝܼܕܬܵܐ.
15ܗܵܘܝܼ ܩܵܕ݇ܡ ܡܵܪܝܵܐ ܒܟܠ ܙܲܒ݂ܢܵܐ،
ܘܩܵܛܹܥ ܕܟ݂ܵܪܲܝܗܝ ܡ̣ܢ ܐܲܪܥܵܐ.
16ܣܵܒܵܒ ܠܵܐ ܕܟ݂ܝܼܪܹܗ ܠܸܥܒ݂ܵܕܵܐ ܛܵܒ݂ܬܵܐ،
ܐܸܠܵܐ ܢܦܝܼܠ ܠܹܗ ܒܵܬ݇ܪ ܐ݇ܢܵܫܵܐ ܡܸܣܟܹܢܵܐ ܘܣܢܝܼܩܵܐ،
ܘܡܘܼܥܝܸܩܵܐ ܒܠܸܒܵܐ، ܠܡܲܡܝܘܼܬܹܐ.
17ܟܲܕ ܡܘܼܚܸܒ ܠܹܗ ܠܵܘܛܬܵܐ، ܫܒ݂ܘܿܩ ܐܵܬܝܵܐ ܥܲܠܘܼܗܝ،
ܠܵܐ ܒܣܝܼܡ ܠܵܗ̇ ܠܹܗ ܒܒܘܼܪܟܬܵܐ،
ܫܒ݂ܘܿܩ ܪܵܚܩܵܐ ܡܸܢܹܗ.
18ܘܠܒ݂ܝܼܫ ܠܹܗ ܠܵܘܛܬܵܐ ܐܲܝܟ݂ ܠܒ݂ܝܼܫܬܹܗ،
ܘܥܒ݂ܝܼܪܵܗ̇ ܒܓܵܘܹܗ ܐܲܝܟ݂ ܡ̈ܝܼܵܐ،
ܘܒܓܲܪ̈ܡܘܼܗܝ ܐܲܝܟ݂ ܡܸܫܚܵܐ.
19ܗܵܘܝܵܐ ܐܸܠܹܗ ܐܲܝܟ݂ ܥܵܒܵܝܬܵܐ ܕܩܵܛܹܒ݂ ܠܵܗ̇ ܠܓܵܢܹܗ،
ܘܐܲܝܟ݂ ܬܲܣܡܵܐ ܒܟܠ ܙܲܒ݂ܢܵܐ ܐܵܣܹܪܵܗ̇ ܒܚܲܨܹܗ.
20ܐܵܗܵܐ ܝܠܹܗ ܦܘܼܪܥܵܢܵܐ ܕܕܲܠܩܘܼܒ݂ܠܵܝܝܼ̈ ܡ̣ܢ ܠܟܸܣ ܡܵܪܝܵܐ،
ܘܕܗܲܡܙܸܡܵܢܹ̈ܐ ܕܒܝܼܫܬܵܐ ܥܲܠ ܓܵܢܝܼ.
21ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ ܐܲܠܵܗܵܐ، ܦܠܘܿܚ ܠܓܹܒܝܼ ܒܘܼܬ ܫܸܡܘܼܟ݂،
ܦܲܨܝܼ ܠܝܼ، ܣܵܒܵܒ ܨܦܵܝܝܼ ܝܠܵܗ̇ ܫܵܦܵܩܲܬܘܼܟ݂.
22ܣܵܒܵܒ ܡܸܣܟܹܢܵܐ ܘܣܢܝܼܩܵܐ ܝܘܸܢ ܐܵܢܵܐ،
ܘܠܸܒܝܼ ܟ̰ܪܝܼܙܵܐ ܝܠܹܗ ܒܓܵܘܝܼ.
23ܐܲܝܟ݂ ܛܸܠܵܢܝܼܬܵܐ ܕܒܥܕܵܢܵܐ ܕܓܢܵܝܬܵܐ ܒܸܛܠܵܩܵܐ ܝܘܸܢ،
ܐܲܝܟ݂ ܩܲܡܨܵܐ ܦܝܼܫܵܐ ܝܘܸܢ ܢܦܝܼܨܵܐ.
24ܒܘܼܪ̈ܟܵܟܝܼ ܪܓܝܼܕ ܠܗܘܿܢ ܡ̣ܢ ܨܵܘܡܵܐ،
ܘܒܸܣܪܝܼ ܢܘܝܼܠ ܠܹܗ ܣܵܒܵܒ ܠܲܝܬ ܬܲܪܒܵܐ.
25ܘܐܵܢܵܐ ܗܘܹܐ ܠܝܼ ܠܵܘܡܵܐ ܐܸܠܲܝܗܝ،
ܟܲܕ ܚܵܙܝܼ ܠܝܼ ܟܹܐ ܫܵܥܫܝܼ ܪܹܫܲܝܗܝ.
26ܗܲܝܸܪܝܼ، ܝܵܐ ܡܵܪܝܵܐ ܐܲܠܵܗܝܼ،
ܦܲܪܸܩ ܠܝܼ ܐܲܝܟ݂ ܫܵܦܵܩܲܬܘܼܟ݂.
27ܕܝܵܕܥܝܼ ܕܐܝܼܕܘܼܟ݂ ܝܼܠܵܗ̇ ܐܵܗܵܐ،
ܘܐܲܢ݇ܬ، ܝܵܐ ܡܵܪܝܵܐ، ܥܒ݂ܝܼܕܵܐ ܠܘܼܟ݂.
28ܫܒ݂ܘܿܩ ܐܵܢܝܼ ܠܵܝܛܝܼ، ܐܝܼܢܵܐ ܐܲܢ݇ܬ ܒܲܪܟܸܬ،
ܐܝܼܡܲܢ ܕܩܵܝܡܝܼ ܒܸܬ ܢܵܟ݂ܦܝܼ، ܐܝܼܢܵܐ ܪܹܓܘܼܟ݂ ܒܸܬ ܚܵܕܹܐ.
29ܠܵܒ݂ܫܝܼ ܕܲܠܩܘܼܒ݂ܠܵܝܝܼ̈ ܢܟ݂ܝܼܦܬܵܐ،
ܘܩܵܛܒ݂ܝܼ ܐܲܝܟ݂ ܥܵܒܵܝܬܵܐ ܢܟ݂ܝܼܦܬܲܝܗܝ.
30ܪܵܒܵܐ ܒܸܬ ܫܲܟܪܸܢ ܠܡܵܪܝܵܐ ܒܦܘܼܡܝܼ،
ܘܒܓܵܘܵܐ ܕܟܸܢܫܹ̈ܐ ܒܸܬ ܫܲܒܚܸܢܹܗ.
31ܣܵܒܵܒ ܟܹܐ ܟܵܠܹܐ ܠܝܲܡܝܼܢܵܐ ܕܣܢܝܼܩܵܐ،
ܠܦܲܪܘܼܩܹܗ ܡ̣ܢ ܕܲܝܵܢܹ̈ܐ ܕܢܲܦ̮ܫܹܗ.
Currently Selected:
ܡܙܡܘܪ̈ܐ 109 (ܩܛ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܡܙܡܘܪ̈ܐ 109 (ܩܛ)
109 (ܩܛ)
ܠܪܹܫ ܓܘܼܕܵܐ ܕܙܲܡܵܪܹ̈ܐ. ܡܲܙܡܘܿܪܵܐ ܕܕܵܘܝܼܕ.
1ܝܵܐ ܐܲܠܵܗܵܐ ܕܬܸܫܒܘܿܚܬܝܼ، ܠܵܐ ܫܵܬܩܹܬ.
2ܣܵܒܵܒ ܦܘܼܡܵܐ ܪܲܫܝܼܥܵܐ ܘܦܘܼܡܵܐ ܦܵܠܘܿܡܵܐ ܥܲܠܝܼ ܦܬܝܼܚ ܠܗܘܿܢ،
ܗܘܼܡܙܸܡ ܠܗܘܿܢ ܥܲܡܝܼ ܒܠܸܫܵܢܵܐ ܕܲܓܵܠܵܐ.
3ܘܒܗܹܡܸܙܡܵܢܹ̈ܐ ܕܣܢܵܝܬܵܐ ܩܲܡ ܚܲܪܕܝܼ ܠܝܼ،
ܘܦܠܝܼܫ ܠܗܘܿܢ ܥܲܡܝܼ ܒܠܵܐ ܥܸܠܬܵܐ.
4ܡ̣ܢ ܓܹܒܵܐ ܕܚܘܼܒܝܼ ܗܘܹܐ ܠܗܘܿܢ ܕܲܠܩܘܼܒ݂ܠܝܼ،
ܟܲܕ ܐܵܢܵܐ ܒܨܠܘܿܬܵܐ.
5ܘܦܪܝܼܥ ܠܗܘܿܢ ܐܸܠܝܼ ܒܝܼܫܬܵܐ ܡ̣ܢ ܓܹܒܵܐ ܕܛܵܒ݂ܬܵܐ،
ܘܣܢܵܝܬܵܐ ܡ̣ܢ ܓܹܒܵܐ ܕܚܘܼܒܝܼ.
6ܡܲܩܸܡ ܥܲܠܘܼܗܝ ܪܲܫܝܼܥܵܐ،
ܘܕܲܠܩܘܼܒ݂ܠܵܝܵܐ ܟܵܠܹܐ ܥܲܠ ܝܲܡܝܼܢܹܗ.
7ܐܝܼܡܲܢ ܕܦܵܐܹܫ ܕܝܼܢܵܐ، ܫܒ݂ܘܿܩ ܦܵܠܹܛ ܚܲܝܵܒ݂ܵܐ،
ܘܨܠܘܿܬܹܗ ܚܵܕܪܵܐ ܠܚܛܝܼܬܵܐ.
8ܗܵܘܝܼ ܝܵܘܡܵܢܘܼ̈ܗܝ ܒܵܨܘܿܪܹ̈ܐ،
ܘܡܕܲܒܪܵܢܘܼܬܹܗ ܫܵܩܹܠ ܚܲܕ ܐ݇ܚܹܪ݇ܢܵܐ.
9ܗܵܘܝܼ ܒܢܘܿܢܘܼ̈ܗܝ ܝܵܬܘܿܡܹ̈ܐ،
ܘܒܲܟ݂ܬܹܗ ܐܲܪܡܸܠܬܵܐ.
10ܚܕܵܪܵܐ ܚܵܕܪܝܼ ܒܢܘܿܢܘܼ̈ܗܝ ܘܓܵܒ݂ܝܼ،
ܘܛܵܥܝܼ ܒܵܬ݇ܪ ܠܲܚܡܵܐ ܒܕܘܼܟܵܢܲܝ̈ܗܝ ܚܵܪ̈ܵܒܹܐ.
11ܟ̰ܵܠܹܓ̰ ܡܵܪܵܐ ܕܕܲܝܢܵܐ ܠܟܠ ܡܸܢܕܝܼ ܕܐܝܼܬ ܠܹܗ،
ܘܣܵܠܒܝܼ ܢܘܼܟ݂ܪ̈ܵܝܹܐ ܛܥܘܼܢܬܵܐ ܕܥܲܡܠܹܗ.
12ܠܵܐ ܗܵܘܹܐ ܐܸܠܹܗ ܝܵܗ݇ܒ݂ܵܢܵܐ ܕܪ̈ܲܚܡܹܐ،
ܘܠܵܐ ܗܵܘܹܐ ܥܵܒ݂ܕܵܢܵܐ ܕܚܢܵܢܵܐ ܠܝܲܬܘܼܡܘܼ̈ܗܝ.
13ܦܵܐܹܫ ܩܛܝܼܥܵܐ ܙܲܪܥܹܗ،
ܘܩܵܐ ܕܵܘܪܵܐ ܐ݇ܚܹܪ݇ܢܵܐ ܫܸܡܲܝܗܝ ܗܵܘܹܐ ܓܪܝܼܕܵܐ.
14ܦܵܐܹܫ ܕܟ݂ܝܼܪܵܐ ܥܵܘܠܵܐ ܕܐܲܒ݂ܵܗܵܬܹ̈ܗ ܠܟܸܣ ܡܵܪܝܵܐ،
ܘܚܛܝܼܬܵܐ ܕܝܸܡܹܗ ܠܵܐ ܦܵܝܫܵܐ ܓܪܝܼܕܬܵܐ.
15ܗܵܘܝܼ ܩܵܕ݇ܡ ܡܵܪܝܵܐ ܒܟܠ ܙܲܒ݂ܢܵܐ،
ܘܩܵܛܹܥ ܕܟ݂ܵܪܲܝܗܝ ܡ̣ܢ ܐܲܪܥܵܐ.
16ܣܵܒܵܒ ܠܵܐ ܕܟ݂ܝܼܪܹܗ ܠܸܥܒ݂ܵܕܵܐ ܛܵܒ݂ܬܵܐ،
ܐܸܠܵܐ ܢܦܝܼܠ ܠܹܗ ܒܵܬ݇ܪ ܐ݇ܢܵܫܵܐ ܡܸܣܟܹܢܵܐ ܘܣܢܝܼܩܵܐ،
ܘܡܘܼܥܝܸܩܵܐ ܒܠܸܒܵܐ، ܠܡܲܡܝܘܼܬܹܐ.
17ܟܲܕ ܡܘܼܚܸܒ ܠܹܗ ܠܵܘܛܬܵܐ، ܫܒ݂ܘܿܩ ܐܵܬܝܵܐ ܥܲܠܘܼܗܝ،
ܠܵܐ ܒܣܝܼܡ ܠܵܗ̇ ܠܹܗ ܒܒܘܼܪܟܬܵܐ،
ܫܒ݂ܘܿܩ ܪܵܚܩܵܐ ܡܸܢܹܗ.
18ܘܠܒ݂ܝܼܫ ܠܹܗ ܠܵܘܛܬܵܐ ܐܲܝܟ݂ ܠܒ݂ܝܼܫܬܹܗ،
ܘܥܒ݂ܝܼܪܵܗ̇ ܒܓܵܘܹܗ ܐܲܝܟ݂ ܡ̈ܝܼܵܐ،
ܘܒܓܲܪ̈ܡܘܼܗܝ ܐܲܝܟ݂ ܡܸܫܚܵܐ.
19ܗܵܘܝܵܐ ܐܸܠܹܗ ܐܲܝܟ݂ ܥܵܒܵܝܬܵܐ ܕܩܵܛܹܒ݂ ܠܵܗ̇ ܠܓܵܢܹܗ،
ܘܐܲܝܟ݂ ܬܲܣܡܵܐ ܒܟܠ ܙܲܒ݂ܢܵܐ ܐܵܣܹܪܵܗ̇ ܒܚܲܨܹܗ.
20ܐܵܗܵܐ ܝܠܹܗ ܦܘܼܪܥܵܢܵܐ ܕܕܲܠܩܘܼܒ݂ܠܵܝܝܼ̈ ܡ̣ܢ ܠܟܸܣ ܡܵܪܝܵܐ،
ܘܕܗܲܡܙܸܡܵܢܹ̈ܐ ܕܒܝܼܫܬܵܐ ܥܲܠ ܓܵܢܝܼ.
21ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ ܐܲܠܵܗܵܐ، ܦܠܘܿܚ ܠܓܹܒܝܼ ܒܘܼܬ ܫܸܡܘܼܟ݂،
ܦܲܨܝܼ ܠܝܼ، ܣܵܒܵܒ ܨܦܵܝܝܼ ܝܠܵܗ̇ ܫܵܦܵܩܲܬܘܼܟ݂.
22ܣܵܒܵܒ ܡܸܣܟܹܢܵܐ ܘܣܢܝܼܩܵܐ ܝܘܸܢ ܐܵܢܵܐ،
ܘܠܸܒܝܼ ܟ̰ܪܝܼܙܵܐ ܝܠܹܗ ܒܓܵܘܝܼ.
23ܐܲܝܟ݂ ܛܸܠܵܢܝܼܬܵܐ ܕܒܥܕܵܢܵܐ ܕܓܢܵܝܬܵܐ ܒܸܛܠܵܩܵܐ ܝܘܸܢ،
ܐܲܝܟ݂ ܩܲܡܨܵܐ ܦܝܼܫܵܐ ܝܘܸܢ ܢܦܝܼܨܵܐ.
24ܒܘܼܪ̈ܟܵܟܝܼ ܪܓܝܼܕ ܠܗܘܿܢ ܡ̣ܢ ܨܵܘܡܵܐ،
ܘܒܸܣܪܝܼ ܢܘܝܼܠ ܠܹܗ ܣܵܒܵܒ ܠܲܝܬ ܬܲܪܒܵܐ.
25ܘܐܵܢܵܐ ܗܘܹܐ ܠܝܼ ܠܵܘܡܵܐ ܐܸܠܲܝܗܝ،
ܟܲܕ ܚܵܙܝܼ ܠܝܼ ܟܹܐ ܫܵܥܫܝܼ ܪܹܫܲܝܗܝ.
26ܗܲܝܸܪܝܼ، ܝܵܐ ܡܵܪܝܵܐ ܐܲܠܵܗܝܼ،
ܦܲܪܸܩ ܠܝܼ ܐܲܝܟ݂ ܫܵܦܵܩܲܬܘܼܟ݂.
27ܕܝܵܕܥܝܼ ܕܐܝܼܕܘܼܟ݂ ܝܼܠܵܗ̇ ܐܵܗܵܐ،
ܘܐܲܢ݇ܬ، ܝܵܐ ܡܵܪܝܵܐ، ܥܒ݂ܝܼܕܵܐ ܠܘܼܟ݂.
28ܫܒ݂ܘܿܩ ܐܵܢܝܼ ܠܵܝܛܝܼ، ܐܝܼܢܵܐ ܐܲܢ݇ܬ ܒܲܪܟܸܬ،
ܐܝܼܡܲܢ ܕܩܵܝܡܝܼ ܒܸܬ ܢܵܟ݂ܦܝܼ، ܐܝܼܢܵܐ ܪܹܓܘܼܟ݂ ܒܸܬ ܚܵܕܹܐ.
29ܠܵܒ݂ܫܝܼ ܕܲܠܩܘܼܒ݂ܠܵܝܝܼ̈ ܢܟ݂ܝܼܦܬܵܐ،
ܘܩܵܛܒ݂ܝܼ ܐܲܝܟ݂ ܥܵܒܵܝܬܵܐ ܢܟ݂ܝܼܦܬܲܝܗܝ.
30ܪܵܒܵܐ ܒܸܬ ܫܲܟܪܸܢ ܠܡܵܪܝܵܐ ܒܦܘܼܡܝܼ،
ܘܒܓܵܘܵܐ ܕܟܸܢܫܹ̈ܐ ܒܸܬ ܫܲܒܚܸܢܹܗ.
31ܣܵܒܵܒ ܟܹܐ ܟܵܠܹܐ ܠܝܲܡܝܼܢܵܐ ܕܣܢܝܼܩܵܐ،
ܠܦܲܪܘܼܩܹܗ ܡ̣ܢ ܕܲܝܵܢܹ̈ܐ ܕܢܲܦ̮ܫܹܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation