ܡܬܠ̈ܐ 8
8
ܡܲܩܘܲܚܬܵܐ ܕܚܸܟ݂ܡܬܵܐ
1ܗܵܐ، ܠܹܐ ܩܵܪܝܵܐ ܚܸܟ݂ܡܬܵܐ،
ܘܦܲܪܡܵܝܬܵܐ ܝܵܗ݇ܒ݂ܵܐ ܩܵܠܘܼܗ̇؟
2ܒܪܹܫ ܪ̈ܘܼܡܝܵܬܹܐ، ܠܟܸܣ ܐܘܼܪܚܵܐ،
ܒܦܪܵܫܬܵܐ ܕܫܒ݂ܝܼܠܹ̈ܐ، ܟܠܝܼܬܵܐ ܝܠܵܗ̇.
3ܒܕܸܦܢܵܐ ܕܕܲܪ̈ܘܵܙܹܐ، ܩܵܕ݇ܡ ܡܕܝܼܢ݇ܬܵܐ،
ܠܥܒ݂ܵܪܬܵܐ ܕܬܲܪ̈ܥܵܢܹܐ، ܟܹܐ ܩܲܘܸܚܵܐ،
4”ܐܸܠܵܘܟ݂ܘܿܢ، ܝܵܐ ܐ݇ܢܵܫܹ̈ܐ، ܒܸܩܪܵܝܵܐ ܝܘܵܢ،
ܘܩܵܠܝܼ ܝܼܠܹܗ ܠܒܢܲܝ̈ܢܵܫܵܐ.
5ܦܲܪܡܹܝܡܘܼܢ، ܝܵܐ ܦܫܝܼ̈ܛܹܐ، ܝܵܕܘܿܥܘܼܬܵܐ،
ܘܝܵܐ ܣܲܟ݂ܠܹ̈ܐ، ܦܲܪܡܹܝܡܘܼܢ ܗܵܘܢܵܐ.
6ܫܡܸܥܡܘܼܢ، ܣܵܒܵܒ ܡܸܢܕܝܼܵܢܹ̈ܐ ܝܲܩܝܼܪܹ̈ܐ ܒܸܬ ܗܲܡܙܸܡܵܢ،
ܘܦܬܵܚܬܵܐ ܕܣܸܦܘܵܬܝܼ̈ ܬܪ̈ܘܼܨܘܼܝܵܬܹܐ.
7ܣܵܒܵܒ ܫܪܵܪܵܐ ܟܹܐ ܗܲܓܹܐ ܦܘܼܡܝܼ،
ܘܛܲܡܐܘܼܬܵܐ ܝܠܵܗ̇ ܠܣܸܦܘܵܬܝܼ̈ ܪܲܫܝܼܥܘܼܬܵܐ.
8ܒܙܲܕܝܼܩܘܼܬܵܐ ܝܢܵܐ ܟܠܲܝܗܝ ܗܹܡܸܙܡܵܢܹ̈ܐ ܕܦܘܼܡܝܼ،
ܠܲܝܬ ܒܝܼܲܝܗܝ ܡܸܢܕܝܼ ܦܬܝܼܠܵܐ ܘܦܟ̰ܝܼܠܵܐ.
9ܟܠܲܝܗܝ ܦܫܘܼܩܹ̈ܐ ܝܢܵܐ ܠܦܲܪܡܝܼܵܢܵܐ،
ܘܬܪ̈ܘܼܨܹܐ ܝܢܵܐ ܠܡܲܫ݇ܟ̰ܚܵܢܹ̈ܐ ܕܝ݇ܕܲܥܬܵܐ.
10ܩܲܒܠܘܼܢ ܡܲܪܕܘܼܬܝܼ ܘܠܵܐ ܣܹܐܡܵܐ،
ܘܝ݇ܕܲܥܬܵܐ ܒܘܼܫ ܡ̣ܢ ܕܲܗܒ݂ܵܐ ܓܘܼܒܝܵܐ.
11ܣܵܒܵܒ ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܟܹܐܦܹ̈ܐ ܛܝܼܡܵܢܹ̈ܐ،
ܘܠܹܐ ܦܵܝܫܝܼ ܡܘܼܕܒܸܩܹܐ ܥܲܡܘܼܗ̇ ܟܠܲܝܗܝ ܒܘܼܣܵܡܹ̈ܐ.
12ܐܵܢܵܐ، ܚܸܟ݂ܡܬܵܐ، ܟܹܐ ܥܵܡܪܵܢ ܥܲܡ ܝܵܕܘܿܥܘܼܬܵܐ،
ܘܝ݇ܕܲܥܬܵܐ ܘܬܲܚܡܲܢܬܵܐ ܟܹܐ ܡܲܫ݇ܟ̰ܚܵܢ.
13ܙܕܘܼܥܬܵܐ ܕܡܵܪܝܵܐ ܣܢܵܝܬܵܐ ܕܒܝܼܫܬܵܐ ܝܠܵܗ̇؛
ܫܘܼܒ݂ܗܵܪܵܐ، ܘܪܵܡܘܼܬܵܐ، ܘܐܘܼܪܚܵܐ ܒܝܼܫܬܵܐ،
ܘܦܘܼܡܵܐ ܕܦܸܠܡܹ̈ܐ، ܟܹܐ ܣܵܢܝܵܢ.
14ܕܝܼܝܼ ܝܢܵܐ ܡܸܠܟܵܐ ܘܗܵܘܢܵܐ،
ܐܵܢܵܐ ܝܘܵܢ ܦܲܪܡܵܝܬܵܐ، ܕܝܼܝܼ ܝܠܵܗ̇ ܓܲܢ݇ܒܵܪܘܼܬܵܐ.
15ܒܝܼܝܼ ܡܲܠܟܹ̈ܐ ܟܹܐ ܥܵܒ݂ܕܝܼ ܡܲܠܟܘܼܬܵܐ،
ܘܫܲܠܝܼܛܹ̈ܐ ܟܹܐ ܡܲܬܒ݂ܝܼ ܩܵܢܘܿܢܹ̈ܐ ܙܲܕܝܼܩܹ̈ܐ.
16ܒܝܼܝܼ ܓܘܼܪ̈ܵܢܹܐ ܟܹܐ ܗܲܟܡܝܼ،
ܘܢܲܨܝܼܚܹ̈ܐ؛ ܟܠܲܝܗܝ ܕܲܝܵܢܹ̈ܐ ܕܒܙܲܕܝܼܩܘܼܬܵܐ.
17ܐܵܢܵܐ ܠܡܲܚܸܒܵܢܝܼ̈ ܟܹܐ ܡܲܚܸܒܵܢ،
ܘܛܵܥܝܵܢܹ̈ܐ ܕܐܸܠܝܼ ܒܸܬ ܡܲܫ݇ܟ̰ܚܝܼ ܠܝܼ.
18ܥܘܼܬܪܵܐ ܘܐܝܼܩܵܪܵܐ ܥܲܡܝܼ ܝܢܵܐ،
ܕܵܘܸܠܬܵܐ ܦܵܝܫܵܢܬܵܐ ܘܙܲܕܝܼܩܘܼܬܵܐ.
19ܒܘܼܫ ܨܦܵܝܝܼ ܝܠܵܗ̇ ܛܥܘܼܢܬܝܼ ܡ̣ܢ ܕܲܗܒ݂ܵܐ، ܘܡ̣ܢ ܕܲܗܒ݂ܵܐ ܨܸܦܝܵܐ،
ܘܡܲܗܨܘܼܠܝܼ ܡ̣ܢ ܣܹܐܡܵܐ ܓܘܼܒܝܵܐ.
20ܒܐܘܼܪܚܵܐ ܕܙܲܕܝܼܩܘܼܬܵܐ ܟܹܐ ܚܵܕܪܵܢ،
ܒܓܵܘܵܐ ܕܫܒ݂ܝܼܠܹ̈ܐ ܕܗܵܩܘܼܬܵܐ،
21ܠܝܼܵܗ݇ܒ݂ܵܐ ܡܸܢܕܝܼ ܝܵܪܬܘܼܬܵܐ ܠܡܲܚܸܒܵܢܝܼ̈،
ܘܠܸܡܠܵܝܵܐ ܐܲܢܒܵܪ̈ܲܝܗܝ.
22ܡܵܪܝܵܐ ܩܲܡ ܒܵܪܹܐ ܠܝܼ ܒܫܘܼܪܵܝܵܐ ܕܐܘܼܪܚܹܗ،
ܩܵܕ݇ܡܵܝܵܐ ܕܦܘܼܠܚܵܢܘܼ̈ܗܝ، ܡܗ̇ܝܓܵܗ.
23ܡ̣ܢ ܥܵܠܲܡ ܦܝܼܫ ܠܝܼ ܫܘܼܬܐܸܣܬܵܐ، ܡ̣ܢ ܒܪܵܫܝܼܬ،
ܡ̣ܢ ܩܵܕ݇ܡ ܒܪܵܝܬܵܐ ܕܐܲܪܥܵܐ.
24ܟܲܕ ܠܲܝܬ ܗ݇ܘܵܘ ܬܗܘܿܡܹ̈ܐ، ܦܝܼܫ ܠܝܼ ܝ݇ܠܝܼܕܬܵܐ،
ܟܲܕ ܠܲܝܬ ܗ݇ܘܵܘ ܡܲܒܘܼܥܹ̈ܐ ܦܸܪ̈ܝܹܐ ܕܡ̈ܝܼܵܐ.
25ܗܹܫ ܠܵܐ ܛܘܼܪܹ̈ܐ ܦܝܼܫ ܠܗܘܿܢ ܡܘܼܩܘܝܼܹܐ،
ܡܩܵܕ݇ܡ ܪ̈ܘܼܡܝܵܬܹܐ، ܦܝܼܫ ܠܝܼ ܝ݇ܠܝܼܕܬܵܐ.
26ܗܹܫ ܠܵܐ ܥܒ݂ܝܼܕ ܠܹܗ ܐܲܪܥܵܐ، ܘܕܸܫܝܵܬܹ̈ܐ،
ܘܪܹܫܵܐ ܕܥܲܦܪܹ̈ܐ ܕܬܹܒܹܝܠ.
27ܟܲܕ ܡܘܼܩܘܹܐ ܠܹܗ ܫܡܲܝܵܐ، ܬܵܡܵܐ ܝܘܵܢ ܗ݇ܘܵܐ ܐܵܢܵܐ،
ܟܲܕ ܪܫܝܼܡ ܠܹܗ ܓܸܓ݂ܠܵܐ ܥܲܠ ܦܵܬܵܐ ܕܬܗܘܿܡܵܐ،
28ܟܲܕ ܚܘܼܠܸܢܹܗ ܥܲܝܒ݂ܵܬܹ̈ܐ ܡܥܸܠܸܠ،
ܟܲܕ ܙܘܼܪܒܸܢܹܗ ܥܲܝܢܵܬܹ̈ܐ ܕܬܗܘܿܡܵܐ،
29ܟܲܕ ܡܘܼܬܸܒ݂ ܠܹܗ ܠܝܵܡܵܐ ܩܵܢܘܿܢܹܗ،
ܕܡ̈ܝܼܵܐ ܠܵܐ ܥܵܒ݂ܪܝܼ ܡ̣ܢ ܦܘܼܩܕܵܢܹܗ،
ܟܲܕ ܪܫܝܼܡ ܠܹܗ ܫܲܬܐܸܣܝܵܬܹ̈ܐ ܕܐܲܪܥܵܐ،
30ܗܘܹܐ ܠܝܼ ܠܟܸܣ ܠܹܗ ܐܲܝܟ݂ ܐܘܼܡܵܢܵܐ،
ܘܒܸܦܨܵܚܵܐ ܝܗ݇ܘܵܐ ܒܝܼܝܼ ܝܵܘܡܵܐ ܒܝܵܘܡܵܐ،
ܒܸܚܕܵܝܵܐ ܝܘܵܢ ܗ݇ܘܵܐ ܩܵܕ݇ܡܘܼܗܝ ܒܟܠ ܙܲܒ݂ܢܵܐ،
31ܒܸܚܕܵܝܵܐ ܝܘܵܢ ܗ݇ܘܵܐ ܒܡܸܬܥܲܡܪܵܢܝܼܬܹܗ،
ܘܒܸܦܨܵܚܵܐ ܝܘܵܢ ܗ݇ܘܵܐ ܒܒܢܲܝ̈ܢܵܫܵܐ.
32ܘܐܵܕܝܼܵܐ، ܒܢܘܿܢܹ̈ܐ، ܫܡܸܥܡܘܼܢ ܐܸܠܝܼ،
ܘܛܘܼܒ݂ܵܐ ܠܐܵܢܝܼ ܕܐܘܼܪ̈ܚܵܬܝܼ ܢܵܛܪܝܼ.
33ܫܡܸܥܡܘܼܢ ܡܲܪܕܘܼܬܵܐ، ܘܗܘܹܝܡܘܼܢ ܚܲܟܝܼܡܹ̈ܐ،
ܘܠܵܐ ܡܲܚܦܸܠܝܼܬܘܿܢ ܠܵܗ̇.
34ܛܘܼܒ݂ܵܐ ܠܐ݇ܢܵܫܵܐ ܕܫܵܡܹܥ ܠܝܼ،
ܠܸܥܒ݂ܵܕܵܐ ܫܵܗܲܪܬܵܐ ܥܲܠ ܕܲܪ̈ܘܵܙܝܼ ܝܵܘܡܵܐ ܒܝܵܘܡܵܐ،
ܠܸܢܛܵܪܵܐ ܫܝܼܦܵܢܹ̈ܐ ܕܬܲܪ̈ܥܵܢܝܼ.
35ܣܵܒܵܒ ܗ̇ܘ ܕܡܲܫ݇ܟ̰ܸܚ ܠܝܼ، ܟܹܐ ܡܲܫ݇ܟ̰ܸܚ ܚܲܝܹ̈ܐ،
ܘܟܹܐ ܦܵܠܹܛ ܨܸܒ݂ܝܵܢܵܐ ܡ̣ܢ ܡܵܪܝܵܐ.
36ܐܝܼܢܵܐ ܗ̇ܘ ܕܚܵܛܹܐ ܥܲܠܝܼ ܟܹܐ ܛܵܠܹܡ ܠܓܵܢܹܗ،
ܟܠܲܝܗܝ ܣܵܢܝܵܢܝܼ̈ ܟܹܐ ܡܲܚܸܒܝܼ ܡܵܘܬܵܐ.“
Currently Selected:
ܡܬܠ̈ܐ 8: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܡܬܠ̈ܐ 8
8
ܡܲܩܘܲܚܬܵܐ ܕܚܸܟ݂ܡܬܵܐ
1ܗܵܐ، ܠܹܐ ܩܵܪܝܵܐ ܚܸܟ݂ܡܬܵܐ،
ܘܦܲܪܡܵܝܬܵܐ ܝܵܗ݇ܒ݂ܵܐ ܩܵܠܘܼܗ̇؟
2ܒܪܹܫ ܪ̈ܘܼܡܝܵܬܹܐ، ܠܟܸܣ ܐܘܼܪܚܵܐ،
ܒܦܪܵܫܬܵܐ ܕܫܒ݂ܝܼܠܹ̈ܐ، ܟܠܝܼܬܵܐ ܝܠܵܗ̇.
3ܒܕܸܦܢܵܐ ܕܕܲܪ̈ܘܵܙܹܐ، ܩܵܕ݇ܡ ܡܕܝܼܢ݇ܬܵܐ،
ܠܥܒ݂ܵܪܬܵܐ ܕܬܲܪ̈ܥܵܢܹܐ، ܟܹܐ ܩܲܘܸܚܵܐ،
4”ܐܸܠܵܘܟ݂ܘܿܢ، ܝܵܐ ܐ݇ܢܵܫܹ̈ܐ، ܒܸܩܪܵܝܵܐ ܝܘܵܢ،
ܘܩܵܠܝܼ ܝܼܠܹܗ ܠܒܢܲܝ̈ܢܵܫܵܐ.
5ܦܲܪܡܹܝܡܘܼܢ، ܝܵܐ ܦܫܝܼ̈ܛܹܐ، ܝܵܕܘܿܥܘܼܬܵܐ،
ܘܝܵܐ ܣܲܟ݂ܠܹ̈ܐ، ܦܲܪܡܹܝܡܘܼܢ ܗܵܘܢܵܐ.
6ܫܡܸܥܡܘܼܢ، ܣܵܒܵܒ ܡܸܢܕܝܼܵܢܹ̈ܐ ܝܲܩܝܼܪܹ̈ܐ ܒܸܬ ܗܲܡܙܸܡܵܢ،
ܘܦܬܵܚܬܵܐ ܕܣܸܦܘܵܬܝܼ̈ ܬܪ̈ܘܼܨܘܼܝܵܬܹܐ.
7ܣܵܒܵܒ ܫܪܵܪܵܐ ܟܹܐ ܗܲܓܹܐ ܦܘܼܡܝܼ،
ܘܛܲܡܐܘܼܬܵܐ ܝܠܵܗ̇ ܠܣܸܦܘܵܬܝܼ̈ ܪܲܫܝܼܥܘܼܬܵܐ.
8ܒܙܲܕܝܼܩܘܼܬܵܐ ܝܢܵܐ ܟܠܲܝܗܝ ܗܹܡܸܙܡܵܢܹ̈ܐ ܕܦܘܼܡܝܼ،
ܠܲܝܬ ܒܝܼܲܝܗܝ ܡܸܢܕܝܼ ܦܬܝܼܠܵܐ ܘܦܟ̰ܝܼܠܵܐ.
9ܟܠܲܝܗܝ ܦܫܘܼܩܹ̈ܐ ܝܢܵܐ ܠܦܲܪܡܝܼܵܢܵܐ،
ܘܬܪ̈ܘܼܨܹܐ ܝܢܵܐ ܠܡܲܫ݇ܟ̰ܚܵܢܹ̈ܐ ܕܝ݇ܕܲܥܬܵܐ.
10ܩܲܒܠܘܼܢ ܡܲܪܕܘܼܬܝܼ ܘܠܵܐ ܣܹܐܡܵܐ،
ܘܝ݇ܕܲܥܬܵܐ ܒܘܼܫ ܡ̣ܢ ܕܲܗܒ݂ܵܐ ܓܘܼܒܝܵܐ.
11ܣܵܒܵܒ ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܟܹܐܦܹ̈ܐ ܛܝܼܡܵܢܹ̈ܐ،
ܘܠܹܐ ܦܵܝܫܝܼ ܡܘܼܕܒܸܩܹܐ ܥܲܡܘܼܗ̇ ܟܠܲܝܗܝ ܒܘܼܣܵܡܹ̈ܐ.
12ܐܵܢܵܐ، ܚܸܟ݂ܡܬܵܐ، ܟܹܐ ܥܵܡܪܵܢ ܥܲܡ ܝܵܕܘܿܥܘܼܬܵܐ،
ܘܝ݇ܕܲܥܬܵܐ ܘܬܲܚܡܲܢܬܵܐ ܟܹܐ ܡܲܫ݇ܟ̰ܚܵܢ.
13ܙܕܘܼܥܬܵܐ ܕܡܵܪܝܵܐ ܣܢܵܝܬܵܐ ܕܒܝܼܫܬܵܐ ܝܠܵܗ̇؛
ܫܘܼܒ݂ܗܵܪܵܐ، ܘܪܵܡܘܼܬܵܐ، ܘܐܘܼܪܚܵܐ ܒܝܼܫܬܵܐ،
ܘܦܘܼܡܵܐ ܕܦܸܠܡܹ̈ܐ، ܟܹܐ ܣܵܢܝܵܢ.
14ܕܝܼܝܼ ܝܢܵܐ ܡܸܠܟܵܐ ܘܗܵܘܢܵܐ،
ܐܵܢܵܐ ܝܘܵܢ ܦܲܪܡܵܝܬܵܐ، ܕܝܼܝܼ ܝܠܵܗ̇ ܓܲܢ݇ܒܵܪܘܼܬܵܐ.
15ܒܝܼܝܼ ܡܲܠܟܹ̈ܐ ܟܹܐ ܥܵܒ݂ܕܝܼ ܡܲܠܟܘܼܬܵܐ،
ܘܫܲܠܝܼܛܹ̈ܐ ܟܹܐ ܡܲܬܒ݂ܝܼ ܩܵܢܘܿܢܹ̈ܐ ܙܲܕܝܼܩܹ̈ܐ.
16ܒܝܼܝܼ ܓܘܼܪ̈ܵܢܹܐ ܟܹܐ ܗܲܟܡܝܼ،
ܘܢܲܨܝܼܚܹ̈ܐ؛ ܟܠܲܝܗܝ ܕܲܝܵܢܹ̈ܐ ܕܒܙܲܕܝܼܩܘܼܬܵܐ.
17ܐܵܢܵܐ ܠܡܲܚܸܒܵܢܝܼ̈ ܟܹܐ ܡܲܚܸܒܵܢ،
ܘܛܵܥܝܵܢܹ̈ܐ ܕܐܸܠܝܼ ܒܸܬ ܡܲܫ݇ܟ̰ܚܝܼ ܠܝܼ.
18ܥܘܼܬܪܵܐ ܘܐܝܼܩܵܪܵܐ ܥܲܡܝܼ ܝܢܵܐ،
ܕܵܘܸܠܬܵܐ ܦܵܝܫܵܢܬܵܐ ܘܙܲܕܝܼܩܘܼܬܵܐ.
19ܒܘܼܫ ܨܦܵܝܝܼ ܝܠܵܗ̇ ܛܥܘܼܢܬܝܼ ܡ̣ܢ ܕܲܗܒ݂ܵܐ، ܘܡ̣ܢ ܕܲܗܒ݂ܵܐ ܨܸܦܝܵܐ،
ܘܡܲܗܨܘܼܠܝܼ ܡ̣ܢ ܣܹܐܡܵܐ ܓܘܼܒܝܵܐ.
20ܒܐܘܼܪܚܵܐ ܕܙܲܕܝܼܩܘܼܬܵܐ ܟܹܐ ܚܵܕܪܵܢ،
ܒܓܵܘܵܐ ܕܫܒ݂ܝܼܠܹ̈ܐ ܕܗܵܩܘܼܬܵܐ،
21ܠܝܼܵܗ݇ܒ݂ܵܐ ܡܸܢܕܝܼ ܝܵܪܬܘܼܬܵܐ ܠܡܲܚܸܒܵܢܝܼ̈،
ܘܠܸܡܠܵܝܵܐ ܐܲܢܒܵܪ̈ܲܝܗܝ.
22ܡܵܪܝܵܐ ܩܲܡ ܒܵܪܹܐ ܠܝܼ ܒܫܘܼܪܵܝܵܐ ܕܐܘܼܪܚܹܗ،
ܩܵܕ݇ܡܵܝܵܐ ܕܦܘܼܠܚܵܢܘܼ̈ܗܝ، ܡܗ̇ܝܓܵܗ.
23ܡ̣ܢ ܥܵܠܲܡ ܦܝܼܫ ܠܝܼ ܫܘܼܬܐܸܣܬܵܐ، ܡ̣ܢ ܒܪܵܫܝܼܬ،
ܡ̣ܢ ܩܵܕ݇ܡ ܒܪܵܝܬܵܐ ܕܐܲܪܥܵܐ.
24ܟܲܕ ܠܲܝܬ ܗ݇ܘܵܘ ܬܗܘܿܡܹ̈ܐ، ܦܝܼܫ ܠܝܼ ܝ݇ܠܝܼܕܬܵܐ،
ܟܲܕ ܠܲܝܬ ܗ݇ܘܵܘ ܡܲܒܘܼܥܹ̈ܐ ܦܸܪ̈ܝܹܐ ܕܡ̈ܝܼܵܐ.
25ܗܹܫ ܠܵܐ ܛܘܼܪܹ̈ܐ ܦܝܼܫ ܠܗܘܿܢ ܡܘܼܩܘܝܼܹܐ،
ܡܩܵܕ݇ܡ ܪ̈ܘܼܡܝܵܬܹܐ، ܦܝܼܫ ܠܝܼ ܝ݇ܠܝܼܕܬܵܐ.
26ܗܹܫ ܠܵܐ ܥܒ݂ܝܼܕ ܠܹܗ ܐܲܪܥܵܐ، ܘܕܸܫܝܵܬܹ̈ܐ،
ܘܪܹܫܵܐ ܕܥܲܦܪܹ̈ܐ ܕܬܹܒܹܝܠ.
27ܟܲܕ ܡܘܼܩܘܹܐ ܠܹܗ ܫܡܲܝܵܐ، ܬܵܡܵܐ ܝܘܵܢ ܗ݇ܘܵܐ ܐܵܢܵܐ،
ܟܲܕ ܪܫܝܼܡ ܠܹܗ ܓܸܓ݂ܠܵܐ ܥܲܠ ܦܵܬܵܐ ܕܬܗܘܿܡܵܐ،
28ܟܲܕ ܚܘܼܠܸܢܹܗ ܥܲܝܒ݂ܵܬܹ̈ܐ ܡܥܸܠܸܠ،
ܟܲܕ ܙܘܼܪܒܸܢܹܗ ܥܲܝܢܵܬܹ̈ܐ ܕܬܗܘܿܡܵܐ،
29ܟܲܕ ܡܘܼܬܸܒ݂ ܠܹܗ ܠܝܵܡܵܐ ܩܵܢܘܿܢܹܗ،
ܕܡ̈ܝܼܵܐ ܠܵܐ ܥܵܒ݂ܪܝܼ ܡ̣ܢ ܦܘܼܩܕܵܢܹܗ،
ܟܲܕ ܪܫܝܼܡ ܠܹܗ ܫܲܬܐܸܣܝܵܬܹ̈ܐ ܕܐܲܪܥܵܐ،
30ܗܘܹܐ ܠܝܼ ܠܟܸܣ ܠܹܗ ܐܲܝܟ݂ ܐܘܼܡܵܢܵܐ،
ܘܒܸܦܨܵܚܵܐ ܝܗ݇ܘܵܐ ܒܝܼܝܼ ܝܵܘܡܵܐ ܒܝܵܘܡܵܐ،
ܒܸܚܕܵܝܵܐ ܝܘܵܢ ܗ݇ܘܵܐ ܩܵܕ݇ܡܘܼܗܝ ܒܟܠ ܙܲܒ݂ܢܵܐ،
31ܒܸܚܕܵܝܵܐ ܝܘܵܢ ܗ݇ܘܵܐ ܒܡܸܬܥܲܡܪܵܢܝܼܬܹܗ،
ܘܒܸܦܨܵܚܵܐ ܝܘܵܢ ܗ݇ܘܵܐ ܒܒܢܲܝ̈ܢܵܫܵܐ.
32ܘܐܵܕܝܼܵܐ، ܒܢܘܿܢܹ̈ܐ، ܫܡܸܥܡܘܼܢ ܐܸܠܝܼ،
ܘܛܘܼܒ݂ܵܐ ܠܐܵܢܝܼ ܕܐܘܼܪ̈ܚܵܬܝܼ ܢܵܛܪܝܼ.
33ܫܡܸܥܡܘܼܢ ܡܲܪܕܘܼܬܵܐ، ܘܗܘܹܝܡܘܼܢ ܚܲܟܝܼܡܹ̈ܐ،
ܘܠܵܐ ܡܲܚܦܸܠܝܼܬܘܿܢ ܠܵܗ̇.
34ܛܘܼܒ݂ܵܐ ܠܐ݇ܢܵܫܵܐ ܕܫܵܡܹܥ ܠܝܼ،
ܠܸܥܒ݂ܵܕܵܐ ܫܵܗܲܪܬܵܐ ܥܲܠ ܕܲܪ̈ܘܵܙܝܼ ܝܵܘܡܵܐ ܒܝܵܘܡܵܐ،
ܠܸܢܛܵܪܵܐ ܫܝܼܦܵܢܹ̈ܐ ܕܬܲܪ̈ܥܵܢܝܼ.
35ܣܵܒܵܒ ܗ̇ܘ ܕܡܲܫ݇ܟ̰ܸܚ ܠܝܼ، ܟܹܐ ܡܲܫ݇ܟ̰ܸܚ ܚܲܝܹ̈ܐ،
ܘܟܹܐ ܦܵܠܹܛ ܨܸܒ݂ܝܵܢܵܐ ܡ̣ܢ ܡܵܪܝܵܐ.
36ܐܝܼܢܵܐ ܗ̇ܘ ܕܚܵܛܹܐ ܥܲܠܝܼ ܟܹܐ ܛܵܠܹܡ ܠܓܵܢܹܗ،
ܟܠܲܝܗܝ ܣܵܢܝܵܢܝܼ̈ ܟܹܐ ܡܲܚܸܒܝܼ ܡܵܘܬܵܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation