GALATIANG KVDVNG 1
1
1Poulbv mclvgla ager germonamko–tani:lokkcmang cdcmanggom tani:kokkimang, cmpige:la Jisu Kristokokki odokkc Abudc Ru:tumkokki, sc:kobv Bvm sikolokkom turmotokuji– 2Odokkc sc:kobulu ngok lcdulo du:ji cdc bvrrang appv:dokki Galatiangdok mondoli: appv:do:pc:
3Nolukkolo:pc ayangc odokkc Ru:ncpvnckolokkc Abudokkc mcnganc odokkc ngoluk Ru:tum Jisu Kristokolokkc, 4sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc; 5sckkcpc amin gvnamdc lenycji lo:dcm odokkc lo:dvscm! Amen.
Tadponc Lutad Akko:dc
6Ngo mcngapla:ma:pc idung jc nolu cddvko lomna mcpakdung Bvm sc:ko nolum Kristokc aya:lo gogtoji odokkc angu tadponc lutadkolo:pc mc:yotdung– 7angu tadponc lutadkojc dung cdcmang, cmpige:la akke dung sc:kobulu nolu moki:moatdu:nc odokkc Kristokc tadponc lutaddcm aima:pc imolv:dag. 8Cmpige:la cdcmv:pci ngoludaggomci, cdcmanggom taycngamo:tok lutad lunckodaggomci, nolum tadponc lutadko lubiyc ngolu nolum okodcm lubotonc cdcm luyotla, bvm pelvgnampc imoka:langka. 9Ngolu kapc po:pc lupongkaji, cdcmpc su:pak ngo lckoda ludung, sc:koiyc nolum jodi tadponc lutadko ludung okodcm ngolu torvgsutonc cdcm angupc, bv pelvgnampc ika:langka.
10Ngo su:pak tani:lok mclvgbinamcm madu:nci, cdcmanggom Ru:ncpvnckolokkcm? Cdcmanggom ngo tani:ycm mc:lvgsumopc cmna ikvdu:nci? Ngo tani:ycm su:paksin aipc mc:lvgsumodu:mvlo, ngo Kristokc ager gerya:ncpc ipcma:namc.
Poulbv Kapc Mclvgla Ager Germoncpc Ika:n
11Kapila:nc ngo nolum kinmoya:pc, bvrokvdvnga, jc cdc tadponc lutaddcm okodcm ngokkokki lutadtonc cdc tani:lok tadponc lutadmang. 12Kapila:nc ngo cdcm tani:lokkcm pa:mangai, cdcmanggom cdcm ngo poyirmangai, cmpige:la cdc Jisu Kristokc lungor lunamkokki pv:do.
13Kapila:nc nolu ngok po:pckc Jiwu dormodok du:nam dagnam kindag, kapc ngo Ru:ncpvnckc mondoli:ycm kvnggv:pc ipusire:ycm ikaji odokkc cdcm momvgpc cmna ankvla kangka, odokkc; 14odokkc ngo Jiwu dormodo ngoluk tani:kvdv:dok abvng abvngya:nckvdv:dok bojcrungcmyam ibatgvbatto, ngok abukvdv:dok itcnggvtcng kvdv:dok lcgangc cdcmpcjc ngo anguru:pc gvdunganc. 15Cmpige:la cdvlo Bv ngom oma:dapc angup badmotonc, odokkc Bvk ayangkokki ngom gogtonc, 16Bvk Awodcm ngom lcngkannvngkang, cdcmpc ikang jc ngo jen Bvm Ru:ncmc kinma:nc tani:kvdv:dok ara:lo lutadbigo:ycpc cmna, ngo adin amvrkokki lumangai, 17cdcmanggom ngo Jerusalempc ngomyam gvpo:nc mclvgla ager germonam kvdv:dcmyam gvpo:la gvmangai, cmpige:la Arabia:pc gc:rla gvpakto; odokkc lckoda ngo Damasku:pc gvlattoku. 18Odokkc dv:tak tagum lcdudo ngo Jerusalempc gvka Kepa:mc gvla ka:pc cmna, odokkc bvk lcdulo dv:tak tagyvngkolang tagngoko du:to. 19Cmpige:la ngo ake mclvgla ager germonamkvdv:dok akosin ka:begtomang Ru:tumkc bvro Jakobkc atcro:dok bahire.
20(Okokokki nolukkolo:pc addu:nc, Ru:ncpvnckc kcra:lo, ngo lume:ycm lumang!)
21Odokkc ngo Siriangclang Silisiang dunggo:ycgo:do:pc gvto. 22Odokkc ngo odosin ngom Kristokc mondoli:kvdv:dc Judiadok ka:de:pc kinmangada; bulu tadlangong dungai cdcm ludag, 23“Sc:kobv lekkem ngolum ipusire:ycm ikaji su:pak lcko bv momvgpc cmna anka:nam mc:jvgdcm lutadbigo:dung.” 24Odokkc bulu Ru:ncpvncmc amincm gvmoto ngokkokki.
Currently Selected:
GALATIANG KVDVNG 1: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
