EKSODAS 16
16
Manna benai Hekuai ramme
1Elim gene penui zuapat te lei, zai Ijipram gene penui tatrimnadibe chângge pakenabe kêu gu hezie kereu ze mengeu mai ge, Elim benai Sinai kakge bambe Sin gu hênamchangbe heram ge Israelme leine ’nteumena wangchang de lei. 2Zai Israelme bau leine Mosabe benai Aaronbe je hênamchangbe heram ge tiaktelum bam de lei; 3zai penai je, “Ijipram ge Tingwang ba gene anui chai di nung laîzai â yi gu de lei, chipau ting ge â hemeigi li ramme hiage anui ’ntau lu, zai tingku teu’nggeuting ra ngaube zeu; ka’njeibe gene aipau baudime gechu je tewchat kai ra aipau tingkangram ’mbe nang ne nguagut kai daseu,” ze kacheu de lei.
4Chidadege Tingwang ne Mosabe je, “Pie le lau, ningnui hangge tinggîm ’mbene I ne tingku ruikeu gai gu lei; zai baudime zuapat ze mai kat mai kat hetak hangge nai’nsangne rui’ndui ra de lei, chidezai a gu hingde ge penui tat ku mei tat ra mak mei be I penui je kedak le ra hangge zeu. 5Hezie paserukbe mai ge â penui teiwanglube teleu gai dezai, nai’nsangne penui teika’nduibe sua dêt na kie’ngkeu gu lei,” ze kacheu de lei. 6Chipau luigum ze Mosabe benai Aaronbe ne Israelme bau leine je, “Hegî dezai Ijipram gene ningnui je nguapatkaipeu ze Tingwang lei be ningnui chî gu lei, 7zai hechua dezai Tingwang ngeudibe ningnui ngau gu lei, Tingwang je ningnui tiaktelum bambe pa seu di daseu. Anai peireige ningnui geikang gai ra hangge, anai gumbe kau nung ze ’ndaikau lau?” kacheu de lei. 8Zai Mosabe ne rang gai ze, “Pe peireige ningnui saka’nsiabe kuâ ze Tingwang ne seudibe ziegene Tingwang ne ningnui je hegî ge hemei teu ra pei bei, zai hechua ge tingku ne kei’nggeutinggaibeibe ge—anai ze ’ndaikau lau? Ningnui tiaktelum bambe ze â anai peireige mak te lei, kane Tingwang peireige de lei,” acheu bei de lei. 9Zai Mosabe ne Aaronbe je, “Israelme bau leine je, ‘Tingwang suage peize wang’nna gai zu lau, pa ne ningnui tiaktelum bambe kuâ ramme seu lu daseu,’ ze acheu be lau” ze acheu bei de lei. 10Zai Aaronbe ne Israelme baudime leine je sam salia ze bambe luage, hênamchangbe heram ’mbia penui pie gai dege, pie le lau, Tingwang ngeudibe ze kemâu gene liâ de lei. 11Zai Tingwang ne Mosabe je, 12“Israelme ne tiaktelum bambe kuâ ramme I seu lu de lei; penui je, ‘Hegî muîram dezai ningnui hemei teu gu, zai hechua ge ningnui je tingku ne kei’nggeugit kai bu lei; chidezai I ze Tingwang ningnui Rapeu lei be ningnui chî gu lei,’ acheu be lau,” ze kacheu de lei.
13Hegî dege hekuai ramme wang’ndui ze penui gu tejeîbâm puigit ti laleu de lei; zai hechua dege penui gu tejeîbâm hiage kezik keuguagit laleu de lei. 14Zai kezik ramme gakeu gai dege, kebunmoine gum ze mâge â peliâphing hepeuri ze peluî yisang-yi ze tingkangram kedei ge bambe ngau de lei. 15Chize Israelme ngau lu dege penui karai ge acheu sa ze, “Aize ’ndaikau se lau?” kacheu de lei. Chize ’ndaikau mei be penui chimakbe ziegeneu. Zai Mosabe ne penui je, “Aize â ningnui teu ra hangge Tingwang ne peigaibe tingku de lei. 16Aize Tingwang ne diegaibe lei: ‘Chize ningnui ruage ziemmena leine ne pa ne teuduî-duîbe riâ peize rui’ndui le lau; ningnui ki ki ge ziemmena riak luî gene hangkat hangge omer kat-kat ningnui lu ra lei,’ kacheube zeu,” ze acheu bei de lei. 17Zai chipau luigum ze Israelme tew de lei; penui hanggesame â rui’ngkie zai hanggesame â ruika’ncham de lei. 18Kane omer ne penui ’ndeu dege â rui’ngkielupeu gu du mâkie sua mak te lei, zai kecheîne runne ruilupeu gu du cham sua mak te lei; penui ne teuduî-duîbe riâ ’nteumena ruika’ndui de lei. 19Zai Mosabe ne penui je, “Mî de chize hechua riâ hangge mâ de peize ’nsak kai se lau,” acheu bei de lei. 20Kane Mosabe kuâ penui ’ngking mak lei; hanggesame â chize hechua riâ gêsa â ’nsak kai de lei, zai chize tingsî ’ndet ze nam di de lei; zai Mosabe penui peireige pe lumpum di de lei. 21Hangkat ne pa teuduî-duîbe riâ hechua ’nsangne chize ruika’ndui de lei; kane naichiê lumpat dege â chize ’nnungbuai gai di-di de lei.
22Hezie paserukbe mai ge â tingku dêt na hangkat hangge omer kena-na ruika’ndui de lei; zai baudime ruage besuitewme leine ne wang lu, Mosabe je salia bei dege, 23penui je pa ne, “Aize Tingwang ne samdiegaibe de lei: ‘’Nchuamai â ’nsimrim ze reibamrabe mai, Tingwang hangge ’ntakbambe ka’nchibe mai de lei; ningnui ne helang ze getarabe geta le lau, zai ningnui ne suarabe ze sua le lau, zai teu’nsakpatbe ze â hechua riâ hang lupatchâm gai le lau,’ kacheube zeu,” ze acheu bei de lei. 24Dadege Mosabe ne penui je ranggaibeibe luigum ze hechua riâ hangge penui ’nsak kai de lei; zai chize hui mak lei, zai chige tingsî du ga lei. 25Mosabe ne, “Chize nemai ge teu zu lau, nemai â Tingwang hangge ’ntakbambe mai daseu; nemai ge â hela ge chize ningnui ngau ra mak lei. 26Hezie serukne chize ningnui tei’ndui ra lei; kane pasenabe mai ge â chize ’ntakbambe mai daze, mâ de chize ngau ra mak lei,” kacheu de lei.
27Pasenabe mai ge hanggesame â chize rui’ndui ra tat te lei, kane mâ de penui ngau mak tai de lei. 28Zai Tingwang ne Mosabe je, “’Ndaitiege ningnui a gu samdiegaibe ramme benai a gu hingde ramme teimeu bam ra rei lau? 29Pie gai ni lau! Tingwang ningnui je ’ntakbambe mai pei gai lei, chipauziegene paserukbe mai ge hezie kena hangge ningnui je tingku pei gai lei, ziemmena leine pa bambe bâm bâm ge bam’mmi ze bam de lau, pasenabe mai ge mî de peize pebâm gene hela zuapat se lau,” ze kacheu de lei. 30Chipau luigum ze pasenabe mai ge baudime ’ntak ze reibam de lei.
31Chunage Israelbe ki ne chipau ji ze manna ze ku de lei; chize â koriandar chêu gum, ’ngngûpchupbe kau, zai teuyibe tak ze â ’ngkuidui ne tingkuliâp tewlube gum lei. 32Zai Mosabe ne, “Tingwang ne samdiegaibe ze aize de lei: ‘Chipau gu omer kat ze â ningnui gu rehei ramme leine ge peize teitat bam lau, dezai Ijipram gene ningnui je I nguapatbe ting ge, hênamchangbe heram ge I ne ningnui je keibe tingku ze penui ngau le ra hangge zeu,’ kacheube zeu” ze kacheu de lei. 33Zai Mosabe ne Aaronbe je, “Hegamli kat tei le lau, zai chige manna omer kat kai le lau, zai ning gu rehei ramme ’nsangne ge teitatbamrabe hangge Tingwang masuage kai lau,” kacheu de lei. 34Tingwang ne Mosabe dage samdiegaibe luigum ze Aaronbe ne chize samdebung suage kai de lei, chize reîbamrabe hangge zeu. 35Zai Israelme ne chi ziemmena lungduibe heram ze chang mak tâne kum hedai manna teu de lei; Kanaanram gu heramrai penui wangchang mak tâne penui manna teu de lei. 36(Omer kat ze â ephah gu bak kereu ge kat te lei.)
Currently Selected:
EKSODAS 16: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 16
16
Manna benai Hekuai ramme
1Elim gene penui zuapat te lei, zai Ijipram gene penui tatrimnadibe chângge pakenabe kêu gu hezie kereu ze mengeu mai ge, Elim benai Sinai kakge bambe Sin gu hênamchangbe heram ge Israelme leine ’nteumena wangchang de lei. 2Zai Israelme bau leine Mosabe benai Aaronbe je hênamchangbe heram ge tiaktelum bam de lei; 3zai penai je, “Ijipram ge Tingwang ba gene anui chai di nung laîzai â yi gu de lei, chipau ting ge â hemeigi li ramme hiage anui ’ntau lu, zai tingku teu’nggeuting ra ngaube zeu; ka’njeibe gene aipau baudime gechu je tewchat kai ra aipau tingkangram ’mbe nang ne nguagut kai daseu,” ze kacheu de lei.
4Chidadege Tingwang ne Mosabe je, “Pie le lau, ningnui hangge tinggîm ’mbene I ne tingku ruikeu gai gu lei; zai baudime zuapat ze mai kat mai kat hetak hangge nai’nsangne rui’ndui ra de lei, chidezai a gu hingde ge penui tat ku mei tat ra mak mei be I penui je kedak le ra hangge zeu. 5Hezie paserukbe mai ge â penui teiwanglube teleu gai dezai, nai’nsangne penui teika’nduibe sua dêt na kie’ngkeu gu lei,” ze kacheu de lei. 6Chipau luigum ze Mosabe benai Aaronbe ne Israelme bau leine je, “Hegî dezai Ijipram gene ningnui je nguapatkaipeu ze Tingwang lei be ningnui chî gu lei, 7zai hechua dezai Tingwang ngeudibe ningnui ngau gu lei, Tingwang je ningnui tiaktelum bambe pa seu di daseu. Anai peireige ningnui geikang gai ra hangge, anai gumbe kau nung ze ’ndaikau lau?” kacheu de lei. 8Zai Mosabe ne rang gai ze, “Pe peireige ningnui saka’nsiabe kuâ ze Tingwang ne seudibe ziegene Tingwang ne ningnui je hegî ge hemei teu ra pei bei, zai hechua ge tingku ne kei’nggeutinggaibeibe ge—anai ze ’ndaikau lau? Ningnui tiaktelum bambe ze â anai peireige mak te lei, kane Tingwang peireige de lei,” acheu bei de lei. 9Zai Mosabe ne Aaronbe je, “Israelme bau leine je, ‘Tingwang suage peize wang’nna gai zu lau, pa ne ningnui tiaktelum bambe kuâ ramme seu lu daseu,’ ze acheu be lau” ze acheu bei de lei. 10Zai Aaronbe ne Israelme baudime leine je sam salia ze bambe luage, hênamchangbe heram ’mbia penui pie gai dege, pie le lau, Tingwang ngeudibe ze kemâu gene liâ de lei. 11Zai Tingwang ne Mosabe je, 12“Israelme ne tiaktelum bambe kuâ ramme I seu lu de lei; penui je, ‘Hegî muîram dezai ningnui hemei teu gu, zai hechua ge ningnui je tingku ne kei’nggeugit kai bu lei; chidezai I ze Tingwang ningnui Rapeu lei be ningnui chî gu lei,’ acheu be lau,” ze kacheu de lei.
13Hegî dege hekuai ramme wang’ndui ze penui gu tejeîbâm puigit ti laleu de lei; zai hechua dege penui gu tejeîbâm hiage kezik keuguagit laleu de lei. 14Zai kezik ramme gakeu gai dege, kebunmoine gum ze mâge â peliâphing hepeuri ze peluî yisang-yi ze tingkangram kedei ge bambe ngau de lei. 15Chize Israelme ngau lu dege penui karai ge acheu sa ze, “Aize ’ndaikau se lau?” kacheu de lei. Chize ’ndaikau mei be penui chimakbe ziegeneu. Zai Mosabe ne penui je, “Aize â ningnui teu ra hangge Tingwang ne peigaibe tingku de lei. 16Aize Tingwang ne diegaibe lei: ‘Chize ningnui ruage ziemmena leine ne pa ne teuduî-duîbe riâ peize rui’ndui le lau; ningnui ki ki ge ziemmena riak luî gene hangkat hangge omer kat-kat ningnui lu ra lei,’ kacheube zeu,” ze acheu bei de lei. 17Zai chipau luigum ze Israelme tew de lei; penui hanggesame â rui’ngkie zai hanggesame â ruika’ncham de lei. 18Kane omer ne penui ’ndeu dege â rui’ngkielupeu gu du mâkie sua mak te lei, zai kecheîne runne ruilupeu gu du cham sua mak te lei; penui ne teuduî-duîbe riâ ’nteumena ruika’ndui de lei. 19Zai Mosabe ne penui je, “Mî de chize hechua riâ hangge mâ de peize ’nsak kai se lau,” acheu bei de lei. 20Kane Mosabe kuâ penui ’ngking mak lei; hanggesame â chize hechua riâ gêsa â ’nsak kai de lei, zai chize tingsî ’ndet ze nam di de lei; zai Mosabe penui peireige pe lumpum di de lei. 21Hangkat ne pa teuduî-duîbe riâ hechua ’nsangne chize ruika’ndui de lei; kane naichiê lumpat dege â chize ’nnungbuai gai di-di de lei.
22Hezie paserukbe mai ge â tingku dêt na hangkat hangge omer kena-na ruika’ndui de lei; zai baudime ruage besuitewme leine ne wang lu, Mosabe je salia bei dege, 23penui je pa ne, “Aize Tingwang ne samdiegaibe de lei: ‘’Nchuamai â ’nsimrim ze reibamrabe mai, Tingwang hangge ’ntakbambe ka’nchibe mai de lei; ningnui ne helang ze getarabe geta le lau, zai ningnui ne suarabe ze sua le lau, zai teu’nsakpatbe ze â hechua riâ hang lupatchâm gai le lau,’ kacheube zeu,” ze acheu bei de lei. 24Dadege Mosabe ne penui je ranggaibeibe luigum ze hechua riâ hangge penui ’nsak kai de lei; zai chize hui mak lei, zai chige tingsî du ga lei. 25Mosabe ne, “Chize nemai ge teu zu lau, nemai â Tingwang hangge ’ntakbambe mai daseu; nemai ge â hela ge chize ningnui ngau ra mak lei. 26Hezie serukne chize ningnui tei’ndui ra lei; kane pasenabe mai ge â chize ’ntakbambe mai daze, mâ de chize ngau ra mak lei,” kacheu de lei.
27Pasenabe mai ge hanggesame â chize rui’ndui ra tat te lei, kane mâ de penui ngau mak tai de lei. 28Zai Tingwang ne Mosabe je, “’Ndaitiege ningnui a gu samdiegaibe ramme benai a gu hingde ramme teimeu bam ra rei lau? 29Pie gai ni lau! Tingwang ningnui je ’ntakbambe mai pei gai lei, chipauziegene paserukbe mai ge hezie kena hangge ningnui je tingku pei gai lei, ziemmena leine pa bambe bâm bâm ge bam’mmi ze bam de lau, pasenabe mai ge mî de peize pebâm gene hela zuapat se lau,” ze kacheu de lei. 30Chipau luigum ze pasenabe mai ge baudime ’ntak ze reibam de lei.
31Chunage Israelbe ki ne chipau ji ze manna ze ku de lei; chize â koriandar chêu gum, ’ngngûpchupbe kau, zai teuyibe tak ze â ’ngkuidui ne tingkuliâp tewlube gum lei. 32Zai Mosabe ne, “Tingwang ne samdiegaibe ze aize de lei: ‘Chipau gu omer kat ze â ningnui gu rehei ramme leine ge peize teitat bam lau, dezai Ijipram gene ningnui je I nguapatbe ting ge, hênamchangbe heram ge I ne ningnui je keibe tingku ze penui ngau le ra hangge zeu,’ kacheube zeu” ze kacheu de lei. 33Zai Mosabe ne Aaronbe je, “Hegamli kat tei le lau, zai chige manna omer kat kai le lau, zai ning gu rehei ramme ’nsangne ge teitatbamrabe hangge Tingwang masuage kai lau,” kacheu de lei. 34Tingwang ne Mosabe dage samdiegaibe luigum ze Aaronbe ne chize samdebung suage kai de lei, chize reîbamrabe hangge zeu. 35Zai Israelme ne chi ziemmena lungduibe heram ze chang mak tâne kum hedai manna teu de lei; Kanaanram gu heramrai penui wangchang mak tâne penui manna teu de lei. 36(Omer kat ze â ephah gu bak kereu ge kat te lei.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.