YouVersion Logo
Search Icon

THUPILTE 18

18
1Mi ama leh ama kituomkoi in alunggulte asui a,
vaihawmna pilhuoi zousie tungah alungthah hi.
2Theisiemna ah mi moin kipahna anei sih,
hinanleh a lungtang a umte genkhieh nuom asa bep hi.
3Migilou ahing um chiengin simmawna ahing um pai a,
tualeh minsietna a um chieng zumna ahing um hi.
4Mihing kam a thute khu tuithuhpi bang ahi a,
tualeh pilna tuikhuh pen luita luong bang ahi.
5Migilou deisah tuom ahoi sih a;
thukhenna a midihtat paikhieh zong ahoi tuom sih hi.
6Mi mo kamte khu kinielna ah alut a,
tualeh akam in zepna ahan hi.
7Mi mo kam khu ama sietna ahi a,
tualeh akamhamte ama hinna adinga thang ahi.
8Thuse gente gensietna thute ann tuitah bang ahi a,
mihing tahsa sunglam ah alutsuh uhi.
9Nasep thase mi pen sietna bawlmite a dingin sanggam ahi hi.
10Mangpa min khu innsang dettah bang ahi a,
midihtatte atailut, ua, abit uhi.
11Mihausa hausatna khu ama dinga akhopi dettah ahia;
ama ngaidan in kulbaang sangtah bang ahi.
12Manthaina masangah lungtang kisahtheina a um a,
tualeh za umna masang ah kingai ngiemna a um hi.
13Koipou thu chientah a azah masanga,
dawng pai mi khu ama a dinga motna leh zumna ahi.
14Mi alungsim a apan zou nahpouleh natna athuohzou a,
hinanleh lungsim liem khu koi in athuohzou diei?
15Mi lungsim gelsiem in theina amu a,
tualeh mipil bil in theina asui hi.
16Mi khat a silthawn piehin ama a dingin,
umna abawl pieh a,
mithupite masangah ahing zawpi hi.
17A innveng hing pei a akidohchien masang sie a,
asiemna thu gen masa pen khu adihin akilang hi.
18Ai san in kihauna akhawlsah a;
mi hatte kikaal akhentan hi.
19Sanggam kisunua lungdam sahkia khu,
kulpi muonhuoi lah sangin ahasa zaw a,
akihauna u’zong kulpi kotkhah kilna zawlte bang ahi.
20Mi’n ama kamham ga akipat agilvana amu a,
tualeh akam a athugente gasuo akipat agilva ding hi.
21Shina leh hinna khu lei sil bawltheina ah a um a,
tualeh tuami it pouma in aga ane ding hi.
22Koipou zi mu in silhoi amu hi,
tualeh Mangpa akipat deisahna tang ahi hi.
23Mi zawng in kam neem zangin azawl zel a,
hinanleh mihausaten khautah in a dawng hi.
24Lawm tamtah nei mi in ama sietna ding abawl a,
hinanleh sanggam sanga muonhuoi zaw lawm zong a um hi.

Currently Selected:

THUPILTE 18: ZOUBSI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy