MATHI KAXPONGWANG
KAXPONGWANG
Ozang Lai angkya zang kaxtsaobu angai ang tomkya bama tsaole thomdaokya Khosünpa a Jisu changpule Kaxho Müikya Mathi-e Kaxho apukle tüile. Ija Kaxho Müikya a, Chix puxkya nok Jehudi khünaknu hanpak tata münchang, ikoxle zangfang pangnu hanpak changle.
Mathi laiza a haxmüi zangmale athut athuile zingle tüile. Ija laipex ma, Jisu puxkya makhange owang wanglaxle, chix baptikya hia thwontsing, chix mwottho ma sütkya hia hwon anokya, anwot-anokya, tamchu Galili ma kakmixbu amüikya, ibu mo wünle tüile. Ifüima ija Kaxho Müikya ma Jisu Galili makhange Jerusalem to nguile ahamkya tamchu akiakya hatdang ma Jisu-e apongle hüikya, chix pünsak ma takle langkya hia azangle zokya kople wünle tüile.
Ija Kaxho Müikya makhange Jisu a tuita Zang wanlom taile fakya mix tamchu Zang Wangting bama apuakya mix, akhokya Nwotmix changpule apuale. Chix hwon-nwot süchong tukux a ibibi kaxmik makhange afox asoxkya changle: (1). Haxhua ma fakya hwon-nwot ojae Zang Wangting nokpubu zanglom saikha, mwottho, osho, tamchu hwome alop angkya kha bama mongkoxle tüipuix. (Ofong 5-7) (2). Bün anyi ang hwom mwottho bama adangle fakyabu (Ofong 10). (3). Zang Wangting bama kaxpanbu (Ofong 13). (4). Wangshem tuita ang achang angkya bama anwot-anokya (Ofong 18) (5). Anyix ngainyixkya tsün ashuk laxle Zangkho Wangting ngui angkya bama anwot-anokya (Ofong 24-25).
Omong ma Tüikya
Jisu puxkya putong zujen 1.1—2.23
Baptikya mix Juhan mwot 3.1-12
Jisu Baptikya tamchu thwontsing 3.13—4.11
Galili ma Jisu-e noknu thüntho ma mokkya mwot 4.12—18.35
Galili makhange Jerusalem kople 19.1—20.34
Jerusalem hia ozui to akiakya hatdang 21.1—27.66
Jowanpa azangle zokya hia chix ngaikya 28.1-20
Currently Selected:
MATHI KAXPONGWANG: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.