MATHI 1
WANCBSI

MATHI 1

1
Jisu Khrista Zu-jem
(Luk 3.23-38)
1Ija a Abraham sasün Dawid, Dawid sasün Jisu Khrista zu-jem pukax changpu.
2Abraham sasün Isak, Isak sasün Jakop; üntoxle Jakop sasün Judah hotüi honao hwom. 3Tamar makhange Judah-e sasün Perez hia Zerah hwom pux. Perez sasün Hezron; Hezron sasün Ram; 4Ram sasün Amminadab; Amminadab sasün Nahshon; Nahshon sasün Salmon; 5Üntoxle Salmon-e Rahap makhange sasün Boaz pux; Boaz-e Rut makhange sasün Obed pux; Obed sasün Jesse;
6 # 2 Wa 24.14,15; 2 Pp 36.10; Jer 27.20. Jesse sasün Wanghompa Dawid. Ziünkya Uriah kakonu makhange Dawid-e sasün Solomon pux; 7Solomon sasün Rehoboam; Rehoboam sasün Abia; Abia sasün Asa; 8Asa sasün Jehusafat; Jehusafat sasün Juram; Juram sasün Uzziah; 9Uzziah sasün Jotham; Jotham sasün Ahaz; Ahaz sasün Hezekiah; 10Hezekiah sasün Manasseh; Manasseh sasün Amon; Amon sasün Josiah; 11Üntoxle Babilon chaxwan to kople pao pongma Josiah-e sasün Jehoiakin hia hotüi honao hwom pux.
12Tamchu Babilon chaxwan to kople paokya füima Josiah-e sasün Shealtiel pux; Shealtiel sasün Jerobabel; 13Jerobabel sasün Abiud; Abiud sasün Eliakim; Eliakim sasün Azor; 14Azor sasün Zadok; Zadok sasün Akim; Akim sasün Eliud; 15Eliud sasün Eliazar; Eliazar sasün Mathan; Mathan sasün Jakop; 16Jakop sasün Jusep (Meri kakopa); ija Meri makhange Khrista le nyakkya Jisu pux.
17Ile Abraham makhange Dawid kople tsün bün-ali; Dawid makhange Babilon to kople paokya kople tsün bün-ali; ilaxle ija makhange Jisu puxkya kople tsün bün-ali.
Jisu Khrista Puxkya
(Luk 2.1-7)
18 # Luk 1.27. Jisu Khrista ile pux: Chix honu Meri Jusep ma wünle thomkya füima; hokhi aju-asomle machang tanto wüi, Otsao Chasa makhange she ma nao ngui. 19She kakopa Jusep a chithaikya mixsün changkya, ikhoma chixe Meri ang noknue awanle thünzak koxse chitsu; idaile huxsa ma she füi fan angkya olom zing. 20Ikoxle, hulax, chix ile khosam ma ngoponge, Jowanpa kaxtaimix tuitae wünmang chito chix füi ile akax: “Dawid sasün Jusep, nange Meri ma kakonu ang lax ang taxza; chemthüikoxle she ma nao a Otsao Chasa makhange nguidongkya changle. 21#Luk 1.31.She-e sasün tuita puxüi; nange chix ang Jisu le amün angkya changle; chemthüikoxle chixe ma khünaknu hwom ochax tokya sünüi.”
22Jowanpa-e ajepa makhange akaxle thomkya chix kax changle kotok to ngai angkya hanpakma ile chang. 23#Isa 7.14.Otsao Lai Kax a:
“Hulax, naocha tuita ma nao tüiüi,
ilaxle lükasa tuita puxüi;
IMANUEL”, le chix ang nyaküi.
(Zang kem khama tüile).
24Ifüima Jusep jiple ngokya zolaxle Jowanpa kaxtaimix-e chix füi akaxdaokya ningle, chixe Meri ma kakonu ang lax. 25#Luk 2.21.Ikoxle pongwang lekya nao mangün-mangünle Jusep Meri füi jip-pomle chichang; üntoxle Jusep-e ija nao ang Jisu le mün thom.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.


Learn More About OTSAO BAIBEL (BSI)

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.