Salmai 79
79
Invëkö Ṙinānyö Ngam Panam
1Ō Tēv, yih yin vē pumnāmö tarik nö i vē amin Meh: hachōchi an nö ngaich ngam töhet chūök Meh; ngaich nö hulalten Yērusalem nö fônghaka.
2Kētu nun në alaha vē kūön Meh tö cha, nö kā në chehechōn el taṙul: në alaha vē töhet nö kā në töṙeūla el tumlat.
3Kitaknyu mahām yin tö cha nöng sā mak, nö vinngö nö i Yērusalem: öt hĕng tak lamāpngen cha.
4Ngaich in vītöre minṙēngö i vē hol re: minnôn, minyīöl cha inrē, vē mahavīlen ih.
5I rô-òten Öm min līn in ih, Ō Mā Tēv: höng örheūheu?
6Hōngtö kui yip tahëng mihëṙö Man tö ngam lanīnö re, yip töt akahakūö tö Meh: i kui nup pūlngö inrē töt mahavëkö mine-eny Meh.
7Pò cha nö ngeūkten Yāköp: piyāingö ngam elyöngö Ò inrē.
8Uh Man köpölōn lā in ih, tö nuk tökööl yik muvöhngö ih: hökngen ngam miṙēlōn Meh nö urēhĕkūö ih, tön ngaich in tumṙeūtu.
9Holṙen ih, Ō Tēv, inyööken ih, nö ineū-euṅ ngam minë-eny Meh: ṙānyen ih inrē, ahetngö në tökööl ih, lökten im mine-eny Meh.
10Sitih ṙô aich vē tahëng mihëṙö nö ngö ṙô, Isuh Ap Tēv cha: Hökngen ngam invahalvah nuk mahām yik kūön Meh tö kitaktu, nö akahiṙen nö in yip tahëngmihëṙö, nö i kūö ih.
11Hökngen ngam unhômö miṙivlōn yip tö kē-ĕ nö yihtöre nö i kūö Meh: sā ṙôkö ngam kumlēḵ Meh, haköpken cha yip tö halēntu nö im kinpaha.
12Kĕ-ekūö yip hol ih, sat chap nö el ranôṙö cha, nup minṙēngö tī cha, Ō Mā: nup minṙēngö Meh tö cha.
13Hòṅ ih ihö tarik Meh, sīṅp Meh inrē aṅ kui kiyôp, öi örheūheu ha-öinyö Meh: hameuktö nöinyö in min i tumkölchap nö ṙòkhöre.
Currently Selected:
Salmai 79: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
