Salmai 76
76
Ngam Tēv Tömihòīṅ
1I Yūtā An ngam Tēv nö akahaiṙen: kiröng ap minë-eny Ò nö in Israĕl.
2I Sēlem öp inrē inrūkui Ò: i Siyôn inrē ap elyöngö Ò.
3In e Anga-aṅ nö likölngö nup chòk linreny: ngam lanaklö, sanët inrē, tö ngam kinyūngö inrē.
4Tö-eū-eu Man, tölöök inrē: mötlö töp rôngö chūök pôḵ.
5Kē-ĕ inlānen yip töngë-eṅ ellōn: keuheūtö mat yip nö ngaich tö inṙôhò re, öt hĕngtak yip tökalēḵ tarik tökôtökūö tö eltīre.
6I vinëkö re tö Meh, Ō Tēv Yāköp: nup inröl tö nup kōra nö lumpātö nö haṙòh.
7Më-eṅ, höng Më-eṅ Man töpahë-ev: achīö ap tökô nö sökhak nö i kūö Meh, yē Meh Öm līn?
8Ṙā-ang el halīöngö ngam kinṙôka nö ṙātu nö hāngö: pa-ekūö ngih panam, ngaich öt halöinyköre.
9Yē ngam Tēv nö hachohlöng nö im kinṙôka: nö hayööken vē töyāchö ellōn nö ṙòkhöre ing panam.
10Ha-öinyö Meh ap min lanīnö tarik nö kô-en: nyëk ngam chööḵ lanīnö min Më-eṅ i ṙat re.
11Kilēḵngô re, ngaich kētö e im Mā Tēv Meh: hökngen cha nö ṙòkhöre yip mahavīlen Ò, nö kētö raneushö Ò, ngam töhòṅ pahë-ev.
12Rökngen nômö yip kikōnyö An min kūön rācha: pinhe-eṅkūö yip rācha An, aṅ ngih panam.
Currently Selected:
Salmai 76: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
