ZEKARIA 7
7
Apaou Nou Mongtsükiukün Keithon Lochilotsaoji
1Nokpao Darius nokshing pon püle, alei lükao küta pülenyi (nung Kesliv alei), nouko nai Apaou nou ngü hau ngiongem tsak kiu.
2Bethel khaiunia nousoüh Sharezer, si Regemelek neko ngüso khaiuniaso hakü Apaou Akongting tü ouk thaiutha misao au 3e-pohoi naiuso mesonhoi nouso tü nung ngiosang tsak sangau hong. “Samüh losaokü nouko pon piakü chhikü shitsünli alei pungo nouko keithon tsangkü Amkham Tsam lotheantsün shiko tsülaokü mongsaiu-e süne?”
4Jüdongai shitsün Apaou ngiongem nung noin: 5Apaüh ngiom, “Nung pon aochinyat chikü alei pungo naiuso alei chinyat nouko tilai ngüso keithonkü naiuso mongsaiukü shin, nungh ngü hau asuhat kiutsün nai tsüdekü noiküla, ta nung goumchi khaiunia naiuso mesonhoi nouso hau lüchite. 6Naiuso tilai ngüsoüh hekü naiuso shiukü noi, nungh ngüso tengkhaiu mongtsam thasangau lu noiküla.”
7Nung tilai Yirusalem tsüomeikü khaiunia nou meankü noi, nungaih khaiunia hoi nouso noknio lemkü noitsün noksong nailu tsüdekü lüko ajepekki khiamkhan naiuso ajenap kinghok nouso ai kihtsün taoko Apaou nou kha ai yankü khuwantsün e-po hoi nouso tsangkü chitekü noiküla.
Angio Tsü-angtsün Mai Thaloukü Khuwan
8 Apaou nou Zekaria hau nung ngiongem kiu. 9“Piamkü aita ngü nung athoilut nouso jü khaiuniaso hau kiukü noiküla: ‘Asamüh ngiotsüo nou chhi-iu ta lüyang, naiuso tsaküh tsak hau atsüojin naiuso atsüojinyang hane au noin. 10Asam ongko kihatsün jihihoi, mejethoi, gohmao khaiuniahoi, lathangmang, tsüdekünai ajantso apotsün nai noi nouso lashanan. Naiuso tsaküh tsak tawai au yam nou lashan.’
11“Lüko jü khaiuniasoüh angio ang-au mong kongkü nan. Ngüsoüh ngüso mong tsüsop, 12naiuso ngüso mongpem lungli jüokü iula. Tiautenai ngüsoüh jü atsande sübao ngü e-po nouso tsangkü piamtaiukü hong nung ngüsoüh tsü-angphe, ngü thatü mongmatkü iula. 13Tiautenai tilai ngüso ko ngü chite, nungai ngüsoüh tsü-angphe, ngüso misao ngü tsüthala. 14Khiamthe tsak tsangtsün khekkü ngü ngüso gohmao shingkhannio nouso ai kih au moisemkü koman. Nung goh amei nou tsaktso tsükih shikü aodangkü wanantsün athang tsak hau le-ankü noiküla.”
Currently Selected:
ZEKARIA 7: KHIABSI
Highlight
Copy
Compare
Share
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
