Psonm 45
45
Poenm pour Maryaz En Lerwa
Pour sef lakoral, dapre sanson Lis; sorti kot bann garson Kore. En romans.
1Mon leker i deborde avek zoli parol.
Mon dedye mon poenm pour lerwa.
Mon lalang i parey plim en bon poet.
2Ou pli zoli parmi bann zonm;
ou koz avek elegans.
Pour sa rezon,
Bondye in beni ou pour touzour.
3Brav gerye! Atas ou lepe lo ou kote!
Sa i fer ou grander ek ou loner.
4Dan ou mazeste,
mont lo ou seval ver laviktwar
pour defann laverite, labonte, lazistis.
Montre ou pwisans par ou bann gran aksyon.
5Ou bann dart i byen fite
pour pers leker ou bann lennmi.
Bann nasyon i tonbe anba ou.
6Pei ki Bondye in donn ou pou gouvernen,
pou egziste pour touzour.
Ou baton rwayal i en baton ladrwatir.
7Ou kontan lazistis e ou deteste sa ki mal.
Pour sa rezon, Bondye, ou Bondye,
in vers delwil lonksyon lo ou latet.
In prefer swazir ou parmi lezot lerwa.
8Ou lenz i santi loder lesans aloes ek kannel.
Depi dan ou pale dekore avek livwar,
zoli lanmizik i fer ou lazwa.
9Parmi bann fiy i annan bann prenses.
Larenn i debout lo ou kote drwat avek lor sorti Ofir.
10Mon fiy! Regarde e ekout byen.
Oubliy ou pep ek ou fanmir.
11Lerwa pou admir ou labote.
In vin ou senyer; rann li loner ki i merite.
12Alor, zabitan Tir!
Bann dimoun ki pli ris parmi bann nasyon
pou sedwir ou avek toudsort kalite kado.
13Fiy lerwa in antre,
son rob brode avek lor.
14Dan bann rob tou kouler,
i pe ganny kondwir ver lerwa.
Bann fiydoner, son bann konpanny, i swiv li.
15Ler zot antre dan pale lerwa,
bann sanson lazwa i akonpanny zot.
16Bann garson lerwa
pou okip tronn ou bann zanset.
Ou pou fer zot vin bann sef lo later.
17Mon pou fer rapel ou non dan tou bann zenerasyon.
Alor, tou bann pep ava loue ou pour touzour.
Currently Selected:
Psonm 45: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
