Psonm 43
43
Lapriyer En Egzile
1Mon Bondye! Rann lazistis.
Defann mon drwa kont sa pep enfidel.
Vin delivre mwan
kont bann manter ek bann malfeter!
2Ou menm Bondye ki mon protekter.
Akoz ou'n rezet mwan?
Akoz mon bezwen reste dan latristes
e les bann lennmi kraz mwan?
3Anvoy ou lalimyer ek ou laverite
pour gid mwan e kondwir mwan
lo ou montanny sakre e la kot ou reste.
4Alor, mon pou al kot lotel Bondye,
ver mon Bondye ki donn mwan lazwa
e rann mwan ere.
Mon pou loue li avek laarp, li, Bondye, mon Bondye!
5Akoz mon dekouraze?
Akoz mon plenny lo mon sor?
Met ou lespwar dan Bondye!
Mon pou loue li ankor,
mon Sover e mon Bondye.
Currently Selected:
Psonm 43: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
