Psonm 41
41
Lapriyer dan Letan Maladi
En psonm David. Pour sef lakoral.
1I byennere sa enn ki port atansyon lo bann ki pov!
SENYER pou delivre li kan i dan maler.
2SENYER i protez li, i gard li vivan
e rann li ere lo later.
I pa pou les li tonm dan lanmen son bann lennmi.
3SENYER i soutenir li kan i malad.
I geri li dan tou son maladi.
4Mon dir:
SENYER! Pran pitye pour mwan;
geri mwan akoz mon'n fer pese kont ou.
5Mon bann lennmi i dir dimal lo mwan.
Zot demande kan mon pou mor
e mon non ava disparet.
6Ler zot vin war mwan, zot rakont zis mansonz.
Zot leker i ranpli avek mesanste ki zot mars avek,
de ki zot sorti kot mwan.
7Zot tou ki pa kontan mwan, zot koz kont mwan;
zot mazin tou kalite maler lo mwan:
8In atrap en maladi ki napa gerizon;
i pa pou leve, i pou mor.
9Menm mon meyer zanmi
avek ki mon ti fer konfyans,
ki'n partaz mon repa,
in vir kont mwan.
10Me ou SENYER!
Par pitye, geri mwan;
lev mwan e mon ava fer zot peye.
11Mon ava rekonnet ou lanmour pour mwan,
kan mon bann lennmi
ava aret kriy laviktwar lo mwan.
12Ou'n sekour mwan,
ou'n redonn mwan lasante
e ou'n gard mwan
dan ou prezans pour touzour.
13Loue SENYER,
Bondye Izrael pour touzour!
Amenn! Amenn!
Currently Selected:
Psonm 41: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
