MALAKI 4
4
Shembüpalei Nyih
1Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke. 2Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen. 3Ngei hathü dou dükpü nyih ammi nemeipüthü ammei labha phangkü kübhih leishi shouptükhen shei Shembüpa Kahvangi enyüke.
4Ngelei chongphobü Mosa-i nyuhpü venpü Israel am peüi banghen shingvaishi Sinai#Sinai Kahshang kü Horeb sheiyao epü eehen. Kahshangei ngei büpa kü shuohpü shahkungnyüthü deih-ei dangtuh. 5Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen. 6Ngei peiyei ammei kahdok thaüvaü hüki nemahtükhen shingvaishi büpai nyühipathülei mongdang hapeüthü philei, hatü hapeüthülei mongdang nyühipathü philei lephühen.
Currently Selected:
MALAKI 4: PHOMBSI
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.