SAM 11
11
Lalpa-a innghat ngam
Hla hruaitu tân: Davida ta
1 Lalpa chu him nân ka bêl ta a,
Engtizia nge ka hnênah hetianga in tih ni:
“Sava angin tlâng lamah khian thlâwk bo mai rawh.
2En teh, mi sualte chuan an thalngul an kuai a,
A hruiah chuan thal an vuah a,
Thim aṭangin mi ngîlte chu kah an tum hi;
3An innghahna lungphûmte pawh a chhiat tawh si chuan,
Mi dikte chuan eng nge an tih theih tâk ang?” min tih ni? #Sam. 82:5.
4 Lalpa chu a Tempul thianghlimah a awm a,
Lalpa lalṭhutthlêng chu vânah a awm;
A rawn thlîr a,
Mihring fate hi a rawn en thlithlai ṭhîn.
5 Lalpan mi felte chu a fiah ṭhîn a,
Mi suaksualte leh nunrâwngte erawh chu a hua.
6Mi suaksualte chungah chuan mei leh kât a sûrtîr a,
Thli lum takin a hrem a,
Chûng chu an chanpuala ruat a ni.
7 Lalpa chu a dik a, dikna a ngaina a,
Mi ngîlte chu a bulah chuan an chêng reng ang.
Currently Selected:
SAM 11: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
