LEVITICUS 10
10
Nadaba leh Abihua thil sual tih
1Nadaba leh Abihua, Arona fate chuan, an meilawhin meiling an rût a, rimtui hâl chi an phul a, Lalpa hmaah mei thiang lo#10:1 ‘mei thiang lo’ tih hi Heb. lamah ‘mei dang, mikhual’ tih a ni, maichâma meiling ni lo sawina a ni. Bung 16 lamah puithiam chauhvin rimtui hi an hâl tûr tih a ni. ‘He mite hian chawhpawlh tûr ang chawhpawlh ni lo rimtui an hâl’ tia ngaih theih bawk a ni. chu an hmang a. Chutiang hman chu Lalpan a khap a ni. 2Lalpa hnên aṭangin mei a lo chhuak zawk a, Lalpa hmaah an pahnih chuan an kâng hlum ta a.
3Mosia chuan Arona hnênah, “Lalpa chuan hemi thu-ah hian heti hian a ti, ‘Ka rawngbâwltute chuan ka thianghlimna hi an pawisa tûr a ni. Ka mite hmaah ka ropuizia ka tilang dâwn,’ a tih rêng kha,” a ti a. Arona chu a ngawi reng a.
4Mosia chuan Arona pami Uziela fa Misaela leh Elzafana te chu a ko va, an hnênah, “Lo kal ula, in unaute ruang hi bûk thianghlim aṭang hian la chhuak ula, riahhmun pâwnah dah chhuak rawh u,” a ti a.
5Tichuan, an lo kal a, Mosia sawi angin an ruang chu an puithiam kawr fual#10:5 Puithiamte hi kawrfual ha chunga thi an ni a, an taksa chu an khawih chuan an bawlhhlawh dâwn a, an taksa khawih si lovin an kawrfual hâk chuan zâwn chhuah tûr an ni. chuan riahhmun pâwnah an zâwn chhuak ta a.
6Mosia chuan Arona leh a fa Eleazara leh Ithamara hnênah, “Lu in sûnin in sam thlah suh ula, in puan pawh pawtthlêr ve hek suh u; chutianga in tih chuan in thi ngei ang a, Lalpa chu hnam pum chungah a thinur ang. Lalpa meiin a kan hlumte chu in unau Israel dangte erawh chuan an ṭah thei ang. 7Nangni chuan Inbiakna bûk hi chhuahsan suh u, in thi dah ang e, Lalpa hriak thih in nih tawh kha,” a ti a. Mosia sawi ang chuan an ti ta a.
Puithiam awm dân tûr
8 Lalpa chuan Arona hnênah 9“Inbiakna bûka in lo luh dâwnin nang leh i fate hian uain leh zu in in tûr a ni lo, in in chuan in thi ang. Hei hi inthlah zawng zawngten an zâwm tûr a ni. 10Thil serh leh serh loh, thiang leh thiang lo in thlei thiam tûr a ni. 11Mosia hnêna dân ka pêk zawng zawng che u chu Israel mite chu in zirtîr tûr a ni,” a ti a.
12Mosia chuan Arona leh a fapa pahnih la dam, Eleazara leh Ithamara-te hnênah, “Buhbâl thilhlan aṭanga Lalpa hnêna hlan bâng kha la ula, maichâm bulah ei rawh u: serh hran tlat a ni tawh si a.#Lev. 6:14-18. 13Hmun thianghlimah chuan ei ula, Lalpa hnêna ei tûr hlan aṭanga in fate nêna in chanpual a ni. Hei hi Lalpa thupêk a ni. 14A irno leh a bawp, Lalpa hmaa thên kha chu hmun thianghlimah chuan in fapate leh in fanute nên in ei thei ang. Hêng thilhlante hi in fate nêna in ei atân remna thilhlan aṭanga in chanpual tûr chu a ni.#Lev. 7:30-34. 15Lalpa hmaa a bawp leh a irno an thên kha meia thilhlan Lalpa hnêna a thau an hlan rualin an rawn la tûr a ni. Lalpa thupêk angin hêng hi in fate nêna in kumkhaw chanvo tûr a ni,” a ti a.
16Mosia chuan sual thawina thilhlan kêl chungchâng thu chu dîlchhût takin a zâwt a, an lo hâl dêr tawh tih a hre ta a. Eleazara leh Ithamara chungah chuan a thinur ta hle a. 17“Engtizia nge sual thawina thilhlan kêlpa sa chu hmun thianghlimah in ei loh, serh hran tlat tawh a nih kha; mipui sual thawina aṭanga in chan tûra Lalpa pêk che u a nih kha.#Lev. 6:24-26. 18Inbiakna bûkah a thisen chu lâk luh a ni si lo va, ka hrilh tawh che u ang khân chutah chuan a sa in ei tûr alâwm,” a ti a.
19Arona chuan a chhâng a, “Vawiin hian sual thawina sa chu ei ila, Lalpa chuan a remti meuh ang maw? Mipuite chuan Lalpa hnênah sual thawina chu an rawn hlân a, chuti chung pawhin hêng thil râpthlâk tak hi ka chungah a thleng a ni,” a ti a. 20Chûng chu Mosian a han hriat chuan a lungawi ta a.
Currently Selected:
LEVITICUS 10: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
LEVITICUS 10
10
Nadaba leh Abihua thil sual tih
1Nadaba leh Abihua, Arona fate chuan, an meilawhin meiling an rût a, rimtui hâl chi an phul a, Lalpa hmaah mei thiang lo#10:1 ‘mei thiang lo’ tih hi Heb. lamah ‘mei dang, mikhual’ tih a ni, maichâma meiling ni lo sawina a ni. Bung 16 lamah puithiam chauhvin rimtui hi an hâl tûr tih a ni. ‘He mite hian chawhpawlh tûr ang chawhpawlh ni lo rimtui an hâl’ tia ngaih theih bawk a ni. chu an hmang a. Chutiang hman chu Lalpan a khap a ni. 2Lalpa hnên aṭangin mei a lo chhuak zawk a, Lalpa hmaah an pahnih chuan an kâng hlum ta a.
3Mosia chuan Arona hnênah, “Lalpa chuan hemi thu-ah hian heti hian a ti, ‘Ka rawngbâwltute chuan ka thianghlimna hi an pawisa tûr a ni. Ka mite hmaah ka ropuizia ka tilang dâwn,’ a tih rêng kha,” a ti a. Arona chu a ngawi reng a.
4Mosia chuan Arona pami Uziela fa Misaela leh Elzafana te chu a ko va, an hnênah, “Lo kal ula, in unaute ruang hi bûk thianghlim aṭang hian la chhuak ula, riahhmun pâwnah dah chhuak rawh u,” a ti a.
5Tichuan, an lo kal a, Mosia sawi angin an ruang chu an puithiam kawr fual#10:5 Puithiamte hi kawrfual ha chunga thi an ni a, an taksa chu an khawih chuan an bawlhhlawh dâwn a, an taksa khawih si lovin an kawrfual hâk chuan zâwn chhuah tûr an ni. chuan riahhmun pâwnah an zâwn chhuak ta a.
6Mosia chuan Arona leh a fa Eleazara leh Ithamara hnênah, “Lu in sûnin in sam thlah suh ula, in puan pawh pawtthlêr ve hek suh u; chutianga in tih chuan in thi ngei ang a, Lalpa chu hnam pum chungah a thinur ang. Lalpa meiin a kan hlumte chu in unau Israel dangte erawh chuan an ṭah thei ang. 7Nangni chuan Inbiakna bûk hi chhuahsan suh u, in thi dah ang e, Lalpa hriak thih in nih tawh kha,” a ti a. Mosia sawi ang chuan an ti ta a.
Puithiam awm dân tûr
8 Lalpa chuan Arona hnênah 9“Inbiakna bûka in lo luh dâwnin nang leh i fate hian uain leh zu in in tûr a ni lo, in in chuan in thi ang. Hei hi inthlah zawng zawngten an zâwm tûr a ni. 10Thil serh leh serh loh, thiang leh thiang lo in thlei thiam tûr a ni. 11Mosia hnêna dân ka pêk zawng zawng che u chu Israel mite chu in zirtîr tûr a ni,” a ti a.
12Mosia chuan Arona leh a fapa pahnih la dam, Eleazara leh Ithamara-te hnênah, “Buhbâl thilhlan aṭanga Lalpa hnêna hlan bâng kha la ula, maichâm bulah ei rawh u: serh hran tlat a ni tawh si a.#Lev. 6:14-18. 13Hmun thianghlimah chuan ei ula, Lalpa hnêna ei tûr hlan aṭanga in fate nêna in chanpual a ni. Hei hi Lalpa thupêk a ni. 14A irno leh a bawp, Lalpa hmaa thên kha chu hmun thianghlimah chuan in fapate leh in fanute nên in ei thei ang. Hêng thilhlante hi in fate nêna in ei atân remna thilhlan aṭanga in chanpual tûr chu a ni.#Lev. 7:30-34. 15Lalpa hmaa a bawp leh a irno an thên kha meia thilhlan Lalpa hnêna a thau an hlan rualin an rawn la tûr a ni. Lalpa thupêk angin hêng hi in fate nêna in kumkhaw chanvo tûr a ni,” a ti a.
16Mosia chuan sual thawina thilhlan kêl chungchâng thu chu dîlchhût takin a zâwt a, an lo hâl dêr tawh tih a hre ta a. Eleazara leh Ithamara chungah chuan a thinur ta hle a. 17“Engtizia nge sual thawina thilhlan kêlpa sa chu hmun thianghlimah in ei loh, serh hran tlat tawh a nih kha; mipui sual thawina aṭanga in chan tûra Lalpa pêk che u a nih kha.#Lev. 6:24-26. 18Inbiakna bûkah a thisen chu lâk luh a ni si lo va, ka hrilh tawh che u ang khân chutah chuan a sa in ei tûr alâwm,” a ti a.
19Arona chuan a chhâng a, “Vawiin hian sual thawina sa chu ei ila, Lalpa chuan a remti meuh ang maw? Mipuite chuan Lalpa hnênah sual thawina chu an rawn hlân a, chuti chung pawhin hêng thil râpthlâk tak hi ka chungah a thleng a ni,” a ti a. 20Chûng chu Mosian a han hriat chuan a lungawi ta a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.