ROMIA 16
16
Mma do Arvui chaak
1Kenkria ki rinlop thung ngi dikannu khat kurthuwk nen nchernuwn Phobe ava neiji kdorot pik dok, 2mleija mma ava naanni Mukpu hintha kintiing kurhuiji ado tarlaan pik chaak nraan, naan hin mma do kat nra ava abom chaan, mleija mma ava mii maknem leh nei kdaksaa kat ruk mukbom kchaan.
3Jisu Khrista nong thung ngi knong sukṭhi Prisila leh Akuila kurvui chaak lamma, 4nei krinkhu tummi mmaanni mlowl mjur pik chlamda, nei kthina ngi panpaak chlam maang, pdainu ktlok chati rek rinlop mkheng rukva mpanpaak chaak lamma; 5mmaan inn thungki rinlop rekka kurvui chaak lamma. Khrista hin Asia thungki rukri reeppi plungren kuhur, kwonsat lo Epinetias ava kurvui chaakka. 6Naan arlakki kdung nong klou kcha Mery ava kurvui chaakka. 7Nei krilam kthuwk rowng inn thu kdo amṭhi Andronikias leh Junias ava kurvui chaak lamma; mmaanna kenyee rek arlakki tdee ra khat ungta nei kdu ngi Khrista hin ka am dok miirek lam. 8Mukpu hin nei kwonsat lo Amplitias ava kurvui chaakka. 9Khrista hin nen nongsuk ṭhiin Urbanas leh kwonsat lo Stakhias ava kurvui chaak lamma. 10Khrista hin mdorot dok Apillas ava kurvui chaakka. Aristobulas phungka thu ka am rekka kurvui chaak lamma. 11Nei krilam kthuwk Herodion na kurvui chaakka. Narsisas phungka thungki Mukpu hin ka am rekka kurvui chaak lamma. 12Mukpu nong ktlorek Triphana leh Triphosa ava kurvui chaak lamma. Mukpu hin kdung ngi nongksu nei kwonsat lo Presisa ava kurvui chaakka. 13Mukpu nong ktlo thung ngi titin chaak ra khat kurthuwk Ruphas leh mma nuh ungu nei knuh ruk kurthuwk mmaan ava kurvui chaak lamma. 14Asinkritas, Phlekon, Hermis, Patrobas, Harmas, ungta mmaan tu kilṭhi mu u mnaorek ava kurvui chaak lamma. 15Philologas, Julia, Nerias, leh mchernu, ungta Olympas leh mma tu kilṭhi kintiing rek mkheng nga kurvui chaak lamma. 16Kchiir khat doputti khat leh khat ekurvui chaan. Khrista rinlop mkheng ngi aturvui chaak inna.
Mṭutna ki mdo Parseel
17Ku u knaorek, neiji akthe chaak inna, naan do kurchuk dok ava ksinchaak ungta tparsat luida msik msikki ktlo miirek ava aser inra atin in. 18Mleija anto lu hep kdu miirek va nenki Mukpu Khrista sok lome, pdainu mthen pjor in ungta mpauṭhat inle mnerjaan inni do kdei cha kmarek plung huwn chaak nlamda. 19Mleija naanni pau ado pṭoi in ava mkheng hinni mkandan slii daat thu mleija ava leiji naan leen neia kanpa kcha ping. Naanni kṭha thung ngi ksing lulu, kṭhakma thung ngi ado dee pandit ma nraan; 20ava dil rongi kdaai ki Isowr ri seitaanna naan khuther ri kuknuwr pthiira. Nen ki Mukpu Jisu Khrista ki plungnee ngi aju kurthlo ṭhi chaanso.
21Nei knongsuk ṭhi Timothi leh Lusia ungta Jason ungu nei krilam kthuwk Sosipater mmaanni aturvui chaak inna.
22Hava chethi kikjit, Tartias neiji Mukpu hin akurvui chaak inna.
23Rinlop mkheng leh nei mhai kupthlung kcha Kajas ava ngi aturvui chaak inna. Khuwpii sumbuwr karkhii Erastas leh nenki nu u nnao in Kurtas ava ngi naan aturvui chaak inna. 24(Nenki Mukpu Jisu Khrista plungnee ngi akheng inna aju kurthlo ṭhi chaan so. Amen.)
Mṭutna ki Kpanpaakki mdo ṭhil chaak
25Tunva neiki kṭha paumin dil kṭoiji ru akaptan pik in kapchaang, ungta Jisu Khrista mdo paryaam dil kṭoiji, kum roiksotti, tuprutti mdo arkhiik pthii, kurthluk pau mdo tpandan pik dil kṭoiji Mma hin aksil chaak naanna, 26pdainu tunva khulpu rek dokjit ava ngi chati rek mkheng hin mtidet dokka, krin cha kupṭoi mlei thung ngi, kṭuw knai kma Isowr paureen dil kṭoiji akthe pik dok inna. 27Ksing Isowr khdaat chrel hinni Jisu Khrista thu kṭuw knai ma laarnee ka am kurthuwk so! Amen.
Currently Selected:
ROMIA 16: LAMKBSI
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
ROMIA 16
16
Mma do Arvui chaak
1Kenkria ki rinlop thung ngi dikannu khat kurthuwk nen nchernuwn Phobe ava neiji kdorot pik dok, 2mleija mma ava naanni Mukpu hintha kintiing kurhuiji ado tarlaan pik chaak nraan, naan hin mma do kat nra ava abom chaan, mleija mma ava mii maknem leh nei kdaksaa kat ruk mukbom kchaan.
3Jisu Khrista nong thung ngi knong sukṭhi Prisila leh Akuila kurvui chaak lamma, 4nei krinkhu tummi mmaanni mlowl mjur pik chlamda, nei kthina ngi panpaak chlam maang, pdainu ktlok chati rek rinlop mkheng rukva mpanpaak chaak lamma; 5mmaan inn thungki rinlop rekka kurvui chaak lamma. Khrista hin Asia thungki rukri reeppi plungren kuhur, kwonsat lo Epinetias ava kurvui chaakka. 6Naan arlakki kdung nong klou kcha Mery ava kurvui chaakka. 7Nei krilam kthuwk rowng inn thu kdo amṭhi Andronikias leh Junias ava kurvui chaak lamma; mmaanna kenyee rek arlakki tdee ra khat ungta nei kdu ngi Khrista hin ka am dok miirek lam. 8Mukpu hin nei kwonsat lo Amplitias ava kurvui chaakka. 9Khrista hin nen nongsuk ṭhiin Urbanas leh kwonsat lo Stakhias ava kurvui chaak lamma. 10Khrista hin mdorot dok Apillas ava kurvui chaakka. Aristobulas phungka thu ka am rekka kurvui chaak lamma. 11Nei krilam kthuwk Herodion na kurvui chaakka. Narsisas phungka thungki Mukpu hin ka am rekka kurvui chaak lamma. 12Mukpu nong ktlorek Triphana leh Triphosa ava kurvui chaak lamma. Mukpu hin kdung ngi nongksu nei kwonsat lo Presisa ava kurvui chaakka. 13Mukpu nong ktlo thung ngi titin chaak ra khat kurthuwk Ruphas leh mma nuh ungu nei knuh ruk kurthuwk mmaan ava kurvui chaak lamma. 14Asinkritas, Phlekon, Hermis, Patrobas, Harmas, ungta mmaan tu kilṭhi mu u mnaorek ava kurvui chaak lamma. 15Philologas, Julia, Nerias, leh mchernu, ungta Olympas leh mma tu kilṭhi kintiing rek mkheng nga kurvui chaak lamma. 16Kchiir khat doputti khat leh khat ekurvui chaan. Khrista rinlop mkheng ngi aturvui chaak inna.
Mṭutna ki mdo Parseel
17Ku u knaorek, neiji akthe chaak inna, naan do kurchuk dok ava ksinchaak ungta tparsat luida msik msikki ktlo miirek ava aser inra atin in. 18Mleija anto lu hep kdu miirek va nenki Mukpu Khrista sok lome, pdainu mthen pjor in ungta mpauṭhat inle mnerjaan inni do kdei cha kmarek plung huwn chaak nlamda. 19Mleija naanni pau ado pṭoi in ava mkheng hinni mkandan slii daat thu mleija ava leiji naan leen neia kanpa kcha ping. Naanni kṭha thung ngi ksing lulu, kṭhakma thung ngi ado dee pandit ma nraan; 20ava dil rongi kdaai ki Isowr ri seitaanna naan khuther ri kuknuwr pthiira. Nen ki Mukpu Jisu Khrista ki plungnee ngi aju kurthlo ṭhi chaanso.
21Nei knongsuk ṭhi Timothi leh Lusia ungta Jason ungu nei krilam kthuwk Sosipater mmaanni aturvui chaak inna.
22Hava chethi kikjit, Tartias neiji Mukpu hin akurvui chaak inna.
23Rinlop mkheng leh nei mhai kupthlung kcha Kajas ava ngi aturvui chaak inna. Khuwpii sumbuwr karkhii Erastas leh nenki nu u nnao in Kurtas ava ngi naan aturvui chaak inna. 24(Nenki Mukpu Jisu Khrista plungnee ngi akheng inna aju kurthlo ṭhi chaan so. Amen.)
Mṭutna ki Kpanpaakki mdo ṭhil chaak
25Tunva neiki kṭha paumin dil kṭoiji ru akaptan pik in kapchaang, ungta Jisu Khrista mdo paryaam dil kṭoiji, kum roiksotti, tuprutti mdo arkhiik pthii, kurthluk pau mdo tpandan pik dil kṭoiji Mma hin aksil chaak naanna, 26pdainu tunva khulpu rek dokjit ava ngi chati rek mkheng hin mtidet dokka, krin cha kupṭoi mlei thung ngi, kṭuw knai kma Isowr paureen dil kṭoiji akthe pik dok inna. 27Ksing Isowr khdaat chrel hinni Jisu Khrista thu kṭuw knai ma laarnee ka am kurthuwk so! Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.