EZEKIELA 45
45
Rengpa dongtum ram irkhîna dik
1Khan ram kha ni zêka, nam tinhai dongtum chit chu ni pêkhai tena, hmun irthiang tak hmunkhat chu Rengpa ta hrangin inhlan ni ta; a dung tiang mêl khat le a chimrip ni a ta, a khang tiang mêl sôm ni a ti. 2Khanchu hi hmun sûnga hin biakbuk hmun hrangin a sei lam chu mûk irzaringaa sei, a khang khom irzaringaa lian a ini hrang a ni, hmun ôl mûk sômringaa sei hi ar hîlin om sa a ti. 3Khanchu hi hmun a chimrip, a dung tiang mêl sôm hleihni le a chimrip, a khang tiang mêl ringa chu irkhi ni ta, khataka khan biakbuk le hmun irthiang tak chu om a ti. 4Kha kha a rama Hmun Irthiang chu ni a ta, biakbuka Rengpa sinthotu ochaihai ta hrang chu ni a ti, khataka khan an in le biakbuk chu om a ti. 5Khan a dung mûk sînghnia irsâng le a khang sîngkhat chu Levi mihai, kha ina sinthotuhai omna khopui hrangin, an dongtum chu ni a ti.
6Khanchu hmun irthiang khêl zel kha, a dung tiang mêl hni le a chimrip chu khopui hmun hranga sia ni a ta, khataka khan Israel mi tukhom om thei an ti.
Reng ta hranga ram chu
7Khanchu roirêltu rêng ta hrang khomin ram chu sia ni a ta, nitâk tianga hmun irthiang ramri ata kha Mediteranean Tuipui nitâk tiang ten ni a ta; khanchu nisua tianga hmun Irthiang ramri ata kha nisua tianga ram ten kha ni a ti. Israel panamhai kuanga ram pêka om le khan a dung sei lam chu ir-ang mai a ti. 8Hi hmun hi roirêltu rêngin Israel rama a hmun dongtum ni a ta, khanchu mipuihai chu dengintheitir ni ta no nihai, hmun dang murdi chu Israelhai ta ni ta a ti.
Renghai hranga dânhai
9Khanchu Rengpa Pathianin hiang hin a ti, “O, nangni Israel roirêltuhai, zoro sôttak sual sin thoin nin om tâka, khasikin thisen insuana le nuamninga lônahai hi ma ta unglân, thudik le thil fel chu tho roi. Ki mihai chu an ram ata irzûlpaihai ta no ning, kei Rengpa Pathian ngêt hin nangni ki ihril a ni. 10#Lev 19.36 Mi tinin irkhîna le neinun varna diktak chu an ihmang ngêt hrang a ni. 11Khanchu neinun tâng irkhîna epha chu neinun zôi irkhîna bath leh khan a keng dân ir-ang mai a ta. Epha khomin homer hmun sôma senin hmunkhat keng a ti. An ruaiin irtênahai kha homer dungzui ang takin ni a ti. 12Nin irkhi hrang dân chu hiang hin ni a ti, Gera sômhni chu sekel khat ni a ta, sekel sômruk chu mina khat ni a ti. 13Khanchu hiang hin thil nin inhlan hrang lam chu a ni. Bupui homer khat, khan epha hmun ruka senin hmunkhat, fatun homer khatin epha hmun ruka senin hmunkhat pe nin ti. 14Khanchu oliv hriak chu kor khata bath hmun sôma sena hmun khat ni a ti; kha kha bath sôm tihna a nia, homer khat a ni. 15Khanchu belra pâl irzahni laia belra inkhat ni a ti; hâlirvôm thilinhlan, bu thilinhlan le irngeina thilinhlanhai hong chôi nin ta, khanchu nin sualhai ngaidam ni a ti, kei Rengpa Pathian thupêk ngei chu a ni.
16“A ram mi murdihai khan Israel roirêltu rêng kuang hi thilinhlanhai hi an ichôi ngêt hrang a ni. 17Khanchu kûtna haia, tha thar nikhuahaia sabat nikhuahai le, Israel sûngkua kûtna zoro bi neihai khan hâlirvôm thilinhlan hai, bu thilinhlanhai, Israel sûngkuahai ta hrangin irtanna siamna hrangin, sual ta hranga thilinhlan hai, bu thilinhlan hai, hâlirvôm thilinhlan hai, irngeina thilinhlan hai chu ama’n irbuktir a ti,” a tia.
Kût hmang hranghai
(Fes 12.1-20; Lev 23.33-43)
18Khanchu Rengpa Pathianin hiang hin a tia, “Tha maton tak le sûn masa tak nî khan sehrâtchal tuai demnaboi la ni ta, hmun irthiang chu thâr irthiang ni ti. 19Ochaiin sual ta hranga thilinhlan thisen kha la a ta, biakbuk chopui mikothai le maichâm irki kil minlihai khan sûnginta ual tualzôl dâi mikot#45.19: Hi hi lûtna in, irchuana suakna kha a ni. chopuihai khan pol a ti. 20Khanchu kha tha, a sûn sari nî khom khan kutkechâi le inhriat loina sika sualna thotuhai ta hrangin khaang dên khan tho ni a ti. Khaang khan biakbuk ta hrangin irtanna chu siam ni a ti.
21 #
Fes 12.1-20; Nam 28.16-25 “Khanchu tha masa tak sûn sôm hleiminli nî khan Ferkân kût chu hmang nin ti, sûn sari sûnga kût chu; khanchu sûn sari sûng chu bai chol pol loi fa ni ti. 22Khanchu kha nî khan rêngin ama ta hrangin le kha rama mipuihai ta hrang khan sual ta hranga thilinhlanna hrangin sehrâtchal pe a ti. 23Khanchu kût sûng, sûn sari sûng kha a nî tin sehrâtchal sari le belrachal sari demnaboi chu Rengpa kuang hâlirvôm thilinhlanna hrangin pe a ta, kêlchal inkhat sual irbôlna hrangin pe sa a ti. 24Khanchu bu thilinhlanna hrangin, sehrâtchal inkhat epha khat, khanchu epha khat senga khan hriak inkhat seng pe sa a ti. 25#Lev 23.33-36; Nam 29.12-38 Khanchu tha sarina sûn sôm sûn ringaa irphut, kût sûng, sûn sari sûng kha sual thilinhlanna hranghai, hâlirvôm thilinhlanna hranghai chu ir-ang natin tho a ti,” a tia.
Currently Selected:
EZEKIELA 45: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
